حور الجناد

32

-سالم ؟

-ايوة سالم ...اكيد مصدومة لكن أجلسي عشان نتفاهم ..

كيف يعني جناد هو نفسه سالم صاحب عمر؟ م قادرة استوعب ابداً ..

-ممكن تشرح لي كيف ؟ ودا شنو لأني صراحة م فاهمة ..

-لأسباب بتتعلق بالشغل وم بقدر أفصح عنها حالياً ...أطلقوا علي اسم جناد ...ودا بظهر في مهمات فقط ..غير كدا انا الضابط سالم على مرأى الجميع ..

-طيب عمر عارف اني متواصلة معاك ومسلماك ملف القضية دي لانو في أسباب خاصة منعتني من إني أخلي عمر يستلمها؟

-اطمني من الناحية دي لانو حتى عمر م عارف اني انا جناد نفسه ...يعني كل شي بتم بسرية كاملة ...

-معناها انت عارف كل تفاصيل القضية .

-ايوة عارف ولكن ناقصنا الدليل والحمد لله إنك لقيته ...جبتي الملفات صح ؟

-ايوة وكمان كتار شديد ..

-دي كلها حقائق جرائم ...

اديتو الشنطة ..شالها وختاها جنبه ...

-م بقدر افتحها هنا ولكن إذا طلعت الملفات دي زي الفي مخيلتي بالضبط ..اعتبري كل شي اتحل ودي قفزة كبيرة لحل قضية مؤرقة السودان كله واللي هي تجارة السلاح ..

-بتمنى كل شي يمشي زي م عايز...

-بإذن الله...

بعدها اتناقشنا في القضية شوية وطلعت عشان ارجع البيت ...لسه م مصدقة انو سالم هو نفسه جناد وكيف خادعين الناس كلها بأنو في ضابط حقيقي اسمه جناد ...كان جايني فضول أعرف سبب التسمية وجناد يعني شنو...!

أول م وصلت البيت شايفة عربية عمر في الباب ...حسيت بخوف لكن تاني قلت وأخاف منه ليه ؟ دخلت جوا لقيتو شايل علي وبلاعب فيه ...جا علي وملامحه باردة شديد ...

-وأخيراً شرفتي يا مدام ؟

-ايوة ..

-تعالي وراي ..

دخل الصالون ولحقتو ...خالي كان ماف ...إلتفت علي بهدوء ...

-كنتي وين؟

-م مضطرة اجوابك ..

-اتكلمي عديل يا شابة ...يعني اذا قاعدة بعيد مني معناها تطلعي وترجعي من دون إذني ؟انتي لسه مرتي وعلى ذمتي معناها تستأذني مني قبل أي حاجة بتتوجب الاستئذان وكمان مضطرة تقدمي لي تبريرات لأي تصرف انا شايفه م سديد ...فاهمة ..؟

-عمر بالله اطلع من الدور دا...أنت مفتكر اني حور القديمة بت أسامة المفتكر انه مجرم وقا*تل كمان ؟ احب اقول ليك انو قريباً هيتكشف كل شي وبراءة أبوي للمرة التانية هتظهر قدام الجميع ولكن الفرق انو المرة دي هتكون انت اول المقتنعين انو أبوي بريء وم ق*تل اخوك ولا هيعمل كدا ابداً ...