အရူးမှ စာဖိုမှူးအဖြစ် ပြောင်းလဲသွားပါသော အလှလေး

၁၃+၁၄

အပိုင်း ၁၃

/ငါ တင်ဆက်သူရဲ့ဟင်းကိုစားလိုက်ရတယ်၊ ငါ စိတ်ကူးနဲ့ ငါးအသားလွှာကို ပါးစပ်ထဲကို ထိုးထည့်ပြီးစားလိုက်တာ ဟား ဟား/

/မင်း အရိုက်ခံချင်နေပြီလား/

သေချာစွာပင် နောက်ပိုင်းကွန်မန့်တိုင်းက အပေါ်မှတစ်ယောက်ကို ရိုက်သတ်ရန် ပြောဆိုထားကြလေသည်။ သူတို့က တင်ဆက်သူကလုပ်သော မုန့်များကို ကိုယ်တိုင်မမြည်းစမ်း ရသေးချေ။

“ငါးဆန်ပြုတ်က ဇောက်နက်တဲ့အိုးနဲ့ချက်ရင် ပိုပြီး အရသာကောင်းမှာပဲ၊ ဒါပေမယ့် ဒီအိုးက ဒီနေ့မှယူလာကာစဖြစ်နေတယ်၊ မသုံးခင် အရင်ဆုံး တစ်ရက်လောက် ရေစိမ်ထားဖို့လိုသေးတယ်၊ ဒီနေ့တော့ စတီးအိုးကိုပဲ သုံးရတော့မယ်”

ဆုယဲ့မူက မီးဖိုခန်း၏ထောင့်တစ်နေရာတွင် ထားထားသည့် ပုလင်းများနှင့် ဘူးများကိုပြသည်။

/နှမြောစရာပဲ၊ ဒါပေမယ့် အရေးမကြီးပါဘူး၊ ဆိုလိုတာက မနက်ဖြန်မှာ တင်ဆက်သူက အဲ့ဒီဇာက်နက်တဲ့အိုးနဲ့ချက်တဲ့ ဟင်းလျာတွေကို စားရအုံးမှာပဲလေ/

/တင်ဆက်သူက ငါတို့ကို လွန်ခဲ့တဲ့နှစ်ရက်က ကြွေထည်မြေထည်တွေနဲ့ ပတ်သက်ပြီး မေးမြန်းခဲ့တာက အခုလို စားစရာလုပ်ဖို့ အိုးတွေလုပ်ချင်လို့ ဖြစ်လောက်တယ်၊ ဒီလိုအရာမျိုးကိုဟင်းချက်ဖို့သုံးလို့ရမယ်လို့ မထင်ထားဘူး၊ တင်ဆက်သူက တကယ်ကိုအံ့ဩစရာပါပဲ၊ တင်ဆက်သူက ပြိုင်ဘက်ကင်း ပညာရှင်ကြီးပဲ/

/တင်ဆက်သူကို သတိလက်လွတ်ယုံကြည်နေမိပြီ၊ ငါ ဘယ်လိုချက်ပြုတ်ရမလဲ ဆိုတာကိုတောင် လေ့လာနေပြီးပြီ၊ ငါ တင်ဆက်သူကိုမေးပါရစေ၊ ဒီလိုအိုးမျိုးကို ဘယ်လိုဝယ်ရမလဲ ဈေးကြီးလား/

“ဒီအိုးက ဈေးမကြီးပါဘူး၊ ဒါပေမယ့် ဒါကို မြေထည်နဲ့ပဲလုပ်ထားတာ၊ ဒီအိုးလုပ်နည်းကို သူ့ဆီကနေ ပုံတောင်းပေးလို့ဖြစ်ပါတယ်၊ တကယ်လို့ ဝယ်ချင်တာဆိုရင်တော့ ငါ သူ့ကို အရင်ဆုံးမေးရလိမ့်မယ်”

ဆုယဲ့မူက လှီးဖြတ်ထားသော ငါးအသားလွှာများရရှိပြီးသားဖြစ်သည်။ သူက ကြက်ဥအကာတစ်ဝက်၊ ဂျင်း၊ ကြက်သွန်မြိတ်အသားမှုန့်နှင့် ဝိုင်အစပ်အနည်းငယ်ကို အိုးထဲသို့ ထည့်လိုက်ခြင်းအားဖြင့် ငါးအညှီနံ့ကိုဖယ်သည်။ ထိုသို့ဖြင့် နောက်ပိုင်းတွင်သုံးရန် ညီမျှအောင် မျှတစွာမွှေသည်။