#مني_وإلي❤️
بقلمي:meme mohammed
_5 _
جات داخله الغرفه وهي معصبه ، ادهم صحى مخلوع
ادهم: بسم الله مالك يا فاطمه
فاطمه وهي بتبكي مدت ليهو التلفون قالت ليهو: لسه على تواصل معاها مش؟؟ عايز ترجعها عشان تجيب ليك الشفع هي، ولهسي ولدي م جبتو يا ادهم
ادهم مسح وشو بيدو وواتأفأف وقال: يا فاطمه م عندي علاقه بيها ، وموضوع ولدنا قلت ليك محلول
فاطمه قالت ليهو بعدم تصديق: لالا كذاب انا عارفاك بتسكتني وعايز ترجعها لذمتك تاني
ادهم وهو متنرفز: فاطمه استهدي بالله ارجعها كيف يعني وانا عمري م حبيتها؟؟
فاطمه وهي بتمسح دموعها: وهي؟؟
ادهم قام على حيلو ومسكها من اكتفاها وقال ليها: انا م عارف مشاعرها اتجاههي شنو لكن متأكد م هتكون حب
فاطمه وهي بتتنهد: وانت كيف عرفت؟؟
ادهم سكت مسافه وقال ليها: انا عندي شغل الليله هأمشي وبرجع ليك بعدين
فاطمه وهي بتحمر ليهو: عندك شغل ولا ماشي ليها
ادهم بزهج فك يدها وقال ليها: فاطمه افهميها زي م عايزه
ومشى وخلاها واقفه ، فاطمه عصبت وقعدت والغيره هتقتلها قالت بينها وبين نفسها" يا انا يا انتي يا مَهره"
في جانب مَهره
قاعده في غرفتها وبتعاين لي ليندا وابتسمت وقالت: م هأخليك ليهم مهما حصل انتي بتي انا " ضمتها عليها واتنهدت" الباب خبط جات داخله مِسكه قعدت قالت ليها: يابتي امرقي من غرفتك دي اقعدي مع الناس
مَهره بإحراج قالت: لالا ياخالتي اخليكم انتو براحتكم انا قاعده مع بتي
جات عليها مِسكه وقالت ليها:يابتي قومي وجيبي البت دي انا بشيلها
مَهره مدتها ليها وقامت تلبس عبايه عشان ملابسها قصيره ، طلعت عاينت يمين شمال م لقت زول
مَهره بإستغراب قالت بصوت واطي: ديل مشو وين؟
جاها صوت من وراها : مرقو برا اطلعي ليهم
التفتت يمينها لقتو كِنان شكلو طاالع من الحمام لانو وشو مندي ويدينو كمان عاينت ليهو وقالت: في زول معاهم؟
كِنان حرك كتفو وقال: مالك انتي متوتره كدا؟؟
مَهره اتجاهلت سؤالو وقالت ليهو: عن اذنك
كِنان بإستغراب واضح في وشو: اتفضلي
مَهره مشت قعدت معاهم ومِسكه هي البتتونس وشَهله ماسكه التلفون م شغاله بيهم ، جا كِنان قعد وقال ليهم: في محل سوداني فتح قريب من هنا نمشي؟
شَهله قالت ليهو: البيجيبهم امريكا شنو؟
مَهره قالت ليها: كأنك بتستهيني بقدرات السودانيين؟
كِنان ضحك وقال ليها: صح كلام مَهره قاصده شنو انتي ؟
شَهله قالت ليهم: م قصدي شي لكن امشو براكم وسوق امي
مَهره حركت راسها بمعنى "لا"وقالت: لالا انا زاتي م بقدر
كِنان بزعل قال ليها: هسي عرفنا شَهله استهانت بقدرات السودانيين زي م قلتي ، انتي مالك؟
مَهره م عرفت تقول شنو ، مِسكه قالت ليها: خلاص امرقي مع كِنان وانا بمسك ليك البت
مَهره قالت ليها سريع: يا خالتي م ممكن كل يومين طالعه وبخلي البت براها محتاجه لي في الفتره دي
كِنان قال ليها: ساعتين بس م بتضر
مَهره م قالت شي ، وشَهله مراقبه الوضع وم عاجبها الموضوع كلو قالت ليهم: خلاص خلوها يوم تاني نمشي كلنا
كِنان قال ليها: عارفك م هتمشي اصلا عشان كدا م بتفرق اذا مشينا الليله ولا اجلناهو
مَهره عرفت ماف طريقه ترفض ، كِنان قام قال ليها:قومي اجهزي مسافه البس
مَهره سكتت م قالت شي، وكِنان مشى غرفتو
مِسكه لمَهره: يابتي قومي رفهي عن نفسك شويه
مَهره حركت راسها بمعنى"طيب" وقامت..
شَهله قالت لأمها: امي انتي بتعملي في شنو بتشجعيها تمشي كمان؟
مِسكه بإستغراب: يابتي في شنو؟؟ خليها تمرق ترفهه عن نفسها بدل قافله نفسها في غرفتها وبتفكر اليوم كلو
شَهله اتنهدت وقالت ليها: امي الفي بالك م هيحصل ، قلت ليك كِنان بزولتو
مِسكه بإستغراب قالت ليها: وانا هسي عملت شنو؟ م عملت شي!
شَهله سكتت ومسكت تلفونها ، ومِسكه شايله البت وبتلعبها ..
