#مني_وإلي❤️
بقلمي:meme mohammed
_18 _
جات ختت الصحانه في السفره وقعدت قالت ليهو: كدي بس م تفتح خشمك
عمران ضحك قال ليها: والله عارفك بتتغاظي عشان كدا ابيت اقول ليك شي
مَهره حمرت ليهو وم قالت شي ، عمران قال ليها: والله بحب اغيظك وانتي عارفه اكلك سمح زي ستو
مَهره خجلت طوالي بدت تاكل ، عمران بيعاين ليها وبيضحك هو كمان بدا ياكل بعد اكل لقمه قال: امممم رهيب عديل
مَهره عاينت ليهو بالجنبه وقالت: لسانك دا كان وين اول امبارح
عمران ضحك وم قال شي ، تاني قالت ليهو: بالهنا
عمران بقى ياكل ومَهره سرحانه قال ليها: يالله ياخيي
مَهره بخلعه قالت ليهو: مالك يا راجل
عمران ضحك وقال ليها: مالك سرحانه في شنو
مَهره اتنهدت وقالت: شَهله للان م اتصلت علي تفتكر زعلت مني تاني؟
عمران قال ليها: كِنان طبعو صعب واتجاههو واحد ف عشان كدا م تلوميها وانا زاتي م ردتو اقول ليك اها
مَهره ضحكت وقالت ليهو: مالو بالعكس كِنان ظريف ودمو خفيف
عمران بيحاكيها: ظريف ودمو خفيف
مَهره ضحكت قالت ليهو: م يفوتك كمان خالتو مِسكه كانت عايزاني ليهو
عمران كان بياكل وقف اكل ورفع حاجبو وقال: وانتي عاجبك الموضوع؟
مَهره رفعت راسها وقالت ليهو:طبعا زي م شايف حلات الدنيا علي ف اكيد اي واحده عايزاني لولدها
عمران قام على حيلو عايز يمشي مسكت يدو قالت ليهو:بقيت زعول شديد خلي بالك
عمران عاين ليها وسكت، قالت ليهو: اقعد خلاص معليش
عمران قعد ورجع ياكل ومَهره تتبسم ساي مبسوطه من غيرتو وهو مكشر قطعت الصمت البينهم وقالت: ليه وقفت معاي رغم اني اتوقعت العكس بعد تسمع الحقيقه
عمران عاين ليها وقال: تفتكري عشان موقف زي دا انا اتخلى عنك بالسهوله دي؟
مَهره حركت راسها بمعنى"لا" ، قال ليها: خليك عارفه طالما لقيتك م بخليك ، تتذكري لمن سألتيني هتخليني وانا قلت ليك شنو؟
مَهره ابتسمت ليهو وقالت:ما اخترتِك عشان افارقك يوم ولا عرفتك عشان القى ليك بديل❤️.
عمران ابتسم ليها وقال: خلي الجمله دي في بالك دايماً
مَهره ابتسمت ليهو ابتسامه مليانه حب ، عمران قام على حيلو قال ليها: تسلم يدك يا ست البنات
مَهره رفعت راسها وقالت ليهو: بالهنا
مشى يغسل يدو وجا راجع شال تلفونو واستغربت غير التيشيرت ولبس قميص قالت ليهو: على وين؟
عمران قال ليها: قريب وجاي ، خلي بالك من نفسك ومن ليندا ، انا هاقفل الباب من برا م تفتحي لزول نهائي
مَهره ابتسمت ليهو وحركت راسها "طيب" ومشى وخلاها ، بعد رتبت البيت وغسلت العده سمعت ليندا بتبكي مشت عليها حممتها وغيرت ليها هدومها ورضعتها مشت بيها الصاله وبقت تهزها وبتعاين ليها مبسوطه، مرت ساعه وشويه وعمران م جا مَهره بدت تقلق وبتها رجعت نامت تاني مشت دخلتها الغرفه وجات فتحت التلفزيون وبقت تحضر وخلاص الزهج قتلها وم عندها رقم عمران فجأه الباب فتح مَهره كوركت ليهو: جيييت؟
عمران كورك ليهاا: م جيت براي
مَهره استغربت قامت على حيلها ماشه ليهو جا داخل ومعاهو مَهره اختو ، مَهره وهي مبسوطه جرت عليها وحضنتها شديد وبقت تبكي
عمران قال ليهم: في شنو يا بنات خلاص كفايه بكا
مَهره قالت ليهو: انت م عارف انا مشتاقه ليها قدر شنو
مَهره اختو قالت ليها: فاقداك شديد عايزه احكي ليك حاجات كتيييره حصلت في غيابك
مَهره جرتها وقعدت معاها في نفس الكنبه وعمران بيعاين ليهم وهو مبسوط بلمتهم..
في جانب تاني
آصِف بيتكلم قال ليهو: يا كِنان اختك م ذنبها شي ولا حتى مَهره ذنبها شي
كِنان قال ليهو: آصِف بدل تحمي اختي منها الما معروف اصلها من فصلها دي تقول لي كلامك دا
آصِف بزعل قال ليهو: اختك اختي وانت عارف الحته دي وانا لو م عارف مَهره هي شنو م كان جيت واتكلمت معاك بس عملت كدا غصباً عنها انا متأكد
كِنان ضحك وقال ليهو: والله يا آصِف انت طيبان ساي وم عارف شي
آصِف قال ليهو: مقبوله منك يا اخوي، بس اقعد اول واسمع من مَهره
كِنان قال ليهو: م فرقت لو قعدت ولا م قعدت واحد لانو م عندها مبرر لشي
آصِف قال ليهو: حنن قلبك شويه البت براها لا اهل ولا غيرو وفي بلد زي دي وبراها وكمان هيشيلو منها بتها يعني الدنيا جايه عليها من كل حته م تبقى انت كمان عليها
كِنان عاين ليهو وسرح م قال شي، آصِف قام منو وعرف انو كِنان هيفكر بمنطق...
في جانب تاني
ادهم وقف على حيلو قال ليها: فاطمه؟ النزلك من غرفتك شنو
مشى عليها وجا قعدها في الكرسي قال ليها: الحركه هسي م في صالحك
فاطمه م قالت شي عاينت لمحمد قالت ليهو: طيب انت يا محمد طالما بتقول كلامك دا ليه وريت ادهم محلها؟
محمد سكت مسافه وقال ليها: عشان ببساطه بقيت بفكر بمنطق اكتر من اول، في الاول كنت فعلاً مقتنع بفكره انك امها وتستاهل تكون معاك بس من ناحيه تانيه مَهره هي الحملت فيها وهي التعبت فيها وخليتوها تعاني براها بعد ما الدكتور قال ليكم هيجي معاق صح ولا لا؟
فاطمه سكتت وم قالت شي، ادهم قال ليهو: محمد البت دي بتنا وانتهى الكلام وهسي تشوف صحبك دا يورينا مكانها وين
فاطمه قالت ليهم: هتودوني ليها لازم اتكلم معاها
محمد م قال شي، وادهم برضو عاين ليها واكتفى بالسكوت
فاطمه عاينت ليهم وقالت ليهم: انا هاعرف اجيب بتي كيف
ادهم حرك راسو بمعنى"طيب" وم قال شي، اما محمد طلع يتصل لكِنان ..
في جانب مَهره
بتقول لاخت عمران: ليه م وريتيني انك جايه
مَهره اخت عمران: والله عمران ابا يخليني اتكلم قال لي خليها مفاجأه
مَهره ضحكت وحضنتها وقالت: احلى مفاجأه بجد
مَهره اخت عمران قالت ليها: وينها ليندا عايزه اشوفها
مَهره وهي مبسوطه مشت جابتها ليها ، مَهره اخت عمران اول م شافتها ابتسمت وقالت : ماشاء الله تبارك الله حلاتها
وباستها قالت ليها: انا خالتو مَهره ياماما
مَهره بتعاين ليها وهي مبسوطه وعمران كمان مبسوط عشانهم بقو قاعدين يتونسو التلاته وفرحانين بلمتهم سوا ومَهره اخت عمران مبسوطه ب ليندا وشايلاها بتلعب معاها بس ، فجأه تلفون مَهره اتصل وكانت شَهله ،مَهره تلقائياً عاينت لعمران ، عمران فهمها قال ليها: مالك في شنو؟
مَهره قالت ليهو: دي شَهله
عمران قال ليها: طيب ردي
مَهره ردت قالت: الو!
شَهله قالت ليها: وين انتي يا مَهره
مَهره بإستغراب قالت ليها: ليه في شنو
شَهله قالت ليها: جاياك م تخافي م هأكلم كِنان
مَهره زحت التلفون من اضانها وكلمت عمران، قال ليها: رسلي ليها اللوكيشن
مَهره قالت لشَهله: طيب هأرسل ليك اللوكيشن بس عليك الله م توري كِنان
شَهله قالت ليها: طيب حاضر
قفلت التلفون وعاينت لعمران قالت ليهو: لو كِنان جا معاها انا امشي وين
عمران قال ليها: م تخافي انا بتصرف
مَهره اخت عمران قالت ليهم:في شنو يا جماعه فهموني
مَهره ختت يدها في كتفها وقالت: هتفهمي كل شي بحكي ليك
واتنهدت ، عدت ربع ساعه والجرس دق مَهره قالت لاخت عمران: شيلي ليندا وادخلي بيها جوا
مَهره اخت عمران استغربت قالت ليها: في شنو؟
عمران قال ليها: امشي لمن اناديك تعاالي
مَهره اختو قالت ليهو: طيب
شالت البت ودخلت بيها جوا مَهره متوتره شديد وعمران مشى فتح الباب جات داخله شَهله ومعاها كِنان وادهم وفاطمه...
#يتبع....
