#مني_وإلي❤️
بقلمي:meme mohammed
_ 2_
بتبكي وبتتكلم في التلفون
فاطمه: والله يا امي تعبت وانا شايفاهو قدامي عايز اولاد وانا م قادره افرحو
امها قالت ليها:يابتي اهدي كدي فكري قبل تتكلمي كيف يعني تطلقي بعد العمر العشتوهو والحب دا كلو عايزه تخليهو؟
فاطمه وهي بتمسح دموعها: امي م قلت اخليهو بس م بقدر اشوفو مع واحده غيري
امها بعدم صبر قالت ليها: روقي واكيد هتلقي حل
فاطمه قالت لأمها: الفيني كملت يمه
امها قالت ليها: م صح تتصرفي ساي فكري وهتلقي حل وخليك واثقه في راجلك م بيخليك
فاطمه اتنهدت وقالت ليها: خير يمه
امها قفلت الخط وفاطمه بقت تفكر هتعمل شنو ، في نص سرحتها جا ادهم داخل هي مشت عليهو حضنتو ، ادهم ابتسم قال ليها: بتي السمحه كيف الليله؟
فاطمه قالت ليهو: كويسه الحمدلله
ابتسم ليها ومشى قعدو سوا في الكنبه قالت ليهو: مش وعدتني هتلقى حل؟؟
ادهم اتنهد وقال ليها: يافاطمه حبيبتي اصبري هيكون في حضنك وهيرجع ليك
فاطمه دموعها نزلت وقالت: ولدي هسي هيكون كيف ؟
ادهم قال ليها: م تفكري كتير انا بتصرف
فاطمه قربت منو ومسكت في قميصو ودموعها في وشها: عايزه ولدي يا ادهم
ادهم مسك يدها وطبطب عليها وبقى يفكر..
في جانب تاني
مَهره صحت على تلفون عاينت ليهو لقت الرقم غريب م ردت ، فجأه الباب خبط ودخلت مِسكه ام شَهله
مِسكه: يابتي كيفك
مَهره: كويسه ياخالتي ، بس البت تعبتني
مِسكه ضحكت وقالت ليها:لسه كمان م شفتي شي
مَهره ضحكت قالت ليها: شَهله وين؟؟
مِسكه قالت ليها: قاعده في غرفتها
مَهره حركت راسها وسكتت
مِسكه قالت ليها: ماشه اجيب ليك شي تاكليهو يابتي
مَهره ابتسمت ليها، تاني التلفون اتصل عاينت لقت نفس الرقم بيتصل شالت التلفون وردت بزهج: الو منو معاي؟؟
.....:هأعرف مكانك وهأجي واشيل بتي وخليك عارفه لو عاندتي معاي هأجمد حسابك في البنك واشيل العربيه والبيت
مَهره بإنفعال: استحاله يحصل الفي بالك دي بتي انا وانا التعبت فيها وولدتها وهأربيها من غيرك وم عايزه منك شي جمد حسابي وشيل العربيه والبيت
قفلت الخط وهي بتبكي جات مِسكه لقت مَهره بتبكي وليندا بتها بتبكي شالت ليندا وبقت تسكت فيها ،مَهره رفعت راسها ومسحت دموعها وشالت ليندا ابت تسكت برضو
مِسكه: رضعيها بتكون جعانه
مَهره حركت راسها وسكتت م قالت شي
مِسكه قالت ليها: م هأسألك يابتي مالك وفيك شنو بس وقت تكون عايزه تحكي بتلقيني قاعده وعارفه في مشاكل بينك وبين شَهله بس قلبها ابيض وهتقيف معاك هي اختك قبل صحبتك
مَهره حركت راسها واكتفت بالسكوت ، مِسكه قامت وخلت مَهره بتفكر في الجاي ...
في عز سرحتها جات شَهله داخله وشايله التلفون في يدها ادتو لمَهره وم قالت شي ومرقت خلتها
مَهره : الو!
.....:م عرفتيني يا حيوانه؟
مَهره وهي مبسوطه: آصِف ياخ ليك وحشه والله
آصِف وهو بيضحك: شنو يعني مشيتي بلد الاجانب ونسيتينا
مَهره قالت ليهو: والله تقول شنو بس مشاكل كتيره الحمدلله
آصِف قال ليها: والله ربنا يصلح الحال، قالو لي قاعده مع ناس شَهله
مَهره ضحكت وقالت ليهو: اي والله انا وليندا
آصِف قال ليها: صحي حمدلله ع السلامه ياخي وتتربى في عزك يارب
مَهره ابتسمت وقالت ليهو: الله يسلمك يارب ، اها هتجي متين تشوف بت اختك
آصِف قال ليها: والله بجي ان شاء الله بس اموري تظبط بجي زياره
مَهره قالت ليهو: ان شاء الله
جات شَهله داخله شالت التلفون وهي طالعه وقفتها قالت ليها: بيفتش علي وعايز البت
شَهله التفتت عليها وقالت: انا وريتك لو دخلتي معاهو في موضوع زي دا م هيخليك
مَهره قالت ليها: تفتكري انا كنت عارفه دا هيحصل؟؟
شَهله قالت ليها: والله م عارفه اقول ليك شنو
مَهره بحزن قالت ليها: هيجمد حسابي في البنك وهيشيل البيت والعربيه
شَهله بخلعه قالت ليها: وخلا ليك شنو طيب؟؟
مَهره قالت ليها: خلا لي بتي بس💔
شَهله عاينت ل ليندا وقعدت قالت ليها: وهتربيها من وين
مَهره ضربت راسها بيدها وبقت تبكي قالت : حسبي الله ونعم الوكيل فيهو حسبي الله
شَهله سكتت م قالت شي طلعت وخلتها ، جات ام شَهله وقعدت معاها قالت ليها: يابتي راجلك وين انتي؟؟؟
#يتبع...
