#مني_وإلي❤️
بقلمي:meme mohammed
_9 _
عمران: مَهره احسن ليك تقيفي
مَهره بتطلع ليهو لسانها وقالت ليهو: ابيييت
شافت ام عمران طوالي اتدست بوراها قالت ليها: خالتو الحقيني عمران هيدقني
عمران وقف قال ليها: قولي لامي عملتي شنو
مَهره قالت ليهو: قلت ليك دا اخو صحبتي سلمت عليهو بس
عمران جا عليها وقال: تسلمي عليهو تناديهو بدلعو؟؟
مَهره وهي لسه واقفه ورا ام عمران قالت ليهو: ياخي اختو بتناديهو كدا انا ذنبي شنو
عمران قال ليها: كان مره اطلعي من ورا امي هسي دا
مَهره قالت ليهو:بقت كدا يعني؟؟
ام عمران بتضحك فيهم قالت: يا ولدي م خلاص خليها
مَهره قالت ليها: لالا خليني امرق ليهو
وقفت قدامو بكل ثقه قالت ليهو:اها وريني هتعمل شنو؟؟
عمران عاين في عيونها وقال ليها: بعد تبعدي مني بوريك هأعمل شنو
مَهره قربت وقالت ليهو: ولو قلت لا؟؟
عمران عاين ليها وابتسم ابتسامه بالجنبه وقال: م هأخليك بسيطه يعني
مَهره وقفت على اصابعينها عشان قصيره قالت ليهو: برضو ابيت
عمران طوالي نزل وعضاها من جضومها هي ادتو كف قالت ليهو: انت قليل ادب ولا شنو عايني يا خالتي
قبلت وراها لقت امو ماف رجعت تاني عاينت ليهو وهي رافعه عيونها ورقبتها فوق ومعصبه قالت ليهو: جابت ليها قله ادب كمان
عمران مسكها من انفها وقال ليها: حلاتو المعصب
وزح منها قال: يلا انا هامشي الشغل واياك ثم اياك تمرقي
مَهره قالت ليهو: امشي وهتجي تلقاني ماف
عمران وهو طالع قال ليها: يبقى تنتظريني في بيتكم وم عندي شغله بأيمن ولا احمد
مَهره وسعت عيونها وقالت: وشك زاتو امشي
عمران ضحك ومشى جات ام عمران قالت ليها: يابتي والله غيرك لولدي م عايزه
مَهره خجلت وقالت ليها: لكن يا خالتي في فرق بينا عارفه حبنا مستحيل
ام عمران قالت ليها: ماف شي مستحيل وبعيد من ربنا حاسه نهايتكم بيت
مَهره سرحت وقالت: ياريت يا خالتي والله بحبو اكتر مني
ومسكت الخاتم الاداهو ليها عمران وقالت" والله بحبك❤️"
"جزئيه من الماضي"
_________________
مسكت تلفونها لقت مكالمه من طليقها رمت التلفون وم اشتغلت بيهو شالت بتها وطلعت برا اول م طلعت في زول نط قدامها قالت ليهو: آصِف الله يخلعك ياخ
آصِف ضحك وقال ليها: ماف حمدلله ع السلامه
مَهره حمرت ليهو وقالت: هسي لو بسببك رميت البت هيحصل شنو
آصِف ضحك تاني وقال ليها: لالا عارفك م بترميها
مَهره قالت ليهو: حمدلله ع السلامه
آصِف قال ليها: بعد شنو ع العموم الله يسلمك
مَهره بقت تعاين حوالينا قالت: وين ناس البيت؟
آصِف غمز ليها وقال: ناس البيت ولا قصدك كِنان
مَهره حمرت ليهو وقالت: قله ادبك دي م هتبطلها؟ زح كدا
وطلعت برا لقتهم قاعدين كلهم الا كِنان
شَهله عدلت قعدتها وقالت لآصِف: اها يالشليق بعد جيت وشفت مَهره العمل شنو؟
مِسكه قالت لشَهله: اجي يا بت م تخلي الولد في حالو
آصِف ضحك وقال لخالتو: والله يا خالتي ماف احترام لي ولا كأني اكبر منها
شَهله حمرت ليهو وقبلت على مَهره قالت ليها: بقيتي كيف
مَهره حركت راسها وقالت: الحمدلله
وطت صوتها وقالت ليها: ادهم بيتصل تاني م عارفاهو مالو ، وم عارفه فاطمه حصل ليها شنو
شَهله قالت ليها: م تشتغلي بيهو هيكون عايز يشيل البت
مَهره عايزه ترد جا كِنان طالع ولابس لبس الشغل عاينت ليهو ونزلت عيونها سريع كِنان بهناك ابتسم ليها وم قال شي سلم على آصِف ووامو وقال ليهم: يلا انا هأمشي بعد دا
وخبط كتف آصِف وقال ليهو: خلي بالك منهم مسافه اجي
آصِف ابتسم ليهو وقال: عيب عليك يا اخوي اتوكل
كِنان جا على مَهره ودنقر شال ليندا ومَهره بتعاين بعيونها بس ومبتسمه كِنان باسها وقال ليها: مع السلامه يا صغننه
مَهره شالتها منو وقالت: بالسلامه يارب
كِنان عاين ليها وقال: الله يسلمك
مِسكه متابعه بعيونها ومبسوطه من الحاصل الا شَهله بتعاين بزعل كدا بعد كِنان طلع ، شَهله جات على مَهره وقالت ليها: تعالي عايزاك
مَهره قامت معاها ومشو الغرفه
شَهله قالت ليها: مَهره لازم تشوفي صرفه في موضوع بتك دي
مَهره اتنهدت وقعدت وقالت: شَهله عايزه احكي ليك شي
شَهله وهي منتبهه قالت ليها: قولي
مَهره عايزه تتكلم كدا جا آصِف خبط الباب مَهره عدلت طرحتها جا قعد جنبهم وقال: شنو هتحبسو نفسكم كدا؟
شَهله سكتت م قالت شي ، اما مَهره قالت ليهو: شوف جنونك وقله ادبك دي م هتعملها وانا م هاقدر اطلع معاكم عشان تعبانه
آصِف عاين لشَهله وغمز ليها وقال: اها نمرق انا وانتي يا السمحه؟
شَهله حمرت ليهو وقالت: م ماشه مكان انا
آصِف قال ليها: ياساتر يارب مالك
شَهله قامت على حيلها وقالت: م ماشه معاك قلت ليك
ومرقت وخلتهم آصِف طلع معاها جراها من يدها وقال: يابت مالك مزاجك م في محلو
شَهله حمرت ليهو وم قالت شي قال ليها: امشي البسي هنطلع انا وانتي
شَهله ابتسمت ومشت قال ليها: اعوذ بالله من هرموناتك يا شيخه
بهناك مَهره بقت ماشه وجايه وقالت" كنتي هتقولي شنو انتي هتقعي في مصيبه اكيد، من شروطهم ماف زول يعرف اتخيلي بقى يا مَهره يا غبيه ادهم يعرف انك وريتيها هيشيل بتو ويدفنك حيه، اووف يارب ساعدني"
