#مني_وإلي❤️
بقلمي:meme mohammed
_10 _
قاعده سرحانه وهو بيعاين ليها لاحظت لسكوتو الطوّل قبلت عليهو لقتو بيعاين ليها قالت ليهو بإستغراب: مالك؟
قال ليها وهو مبتسم: سرحان في جمالك يا ستهم
دنقرت راسها وهي مبتسمه قال ليها: وحلاتو الخجلان
رفعت راسها وضربتو في كتفو وقالت ليهو: عمران ياخخ
عمران قال ليها: والله نفسي تكوني معاي على طول وماف زول غيرك يناديني تاني
مَهره رجعت عاينت للبحر تاني وقالت ليهو: ياريت لو اي شي بسهوله زي م انت متخيل
قرب منها ومسك يدها وقال ليها: انا قبل كدا قلت ليك م هأخليك لغيري صح؟
مَهره ابتسمت ليهو وم قالت شي
قال ليها: وكونو في اختلاف بينا زي دا م معناها اخليك لغيري
مَهره ابتسمت تاني وقالت ليهو: بتمنى اكون منك وليك
عمران باس يدها وابتسم وقال: وانتي فعلاً مني ولي❤️.
"جزئيه من الماضي"
________________
كلهم مبسوطين عشان الليله خطوبه شَهله وآصِف ، كِنان واقف مع الشباب بيعلق الزينه ،وشَهله ومَهره قاعدين في غرفتها ومعاهم الميكب ارتست
مَهره بتعاين ليها وهي مبتسمه قالت ليها:خلاص هتتخطبي لحب عمرك المكرهاني بيهو!
شَهله ضحكت وقالت: والله انتي عارفه م اتوقعت يكون بيحبني
مَهره ابتسمت وسرحت وقالت: ياريت لو الحب ساهل يا شَهله م انكر انو حلو بس صعب وعايز ليهو زول بحب وبيقدر في نفس الوقت
شَهله قالت ليها وهي مبتسمه : معاك حق على فكره وطالما في حب معناها في نهايه للحب يا سعيده يا حزينه
مَهره ابتسمت ليها وقالت: انا وانتي اقرب مثالين لجملتك دي
شَهله قالت ليها: لالا الاتنين هنكون سعيده وكونو م كنتي مع حبك الاول يبقى ربنا بيعوضك
مَهره ضحكت وقالت ليها: اقول ليك شي؟
شَهله قالت ليها: قولي
مَهره ابتسمت وقالت: انا م قدرت احب ادهم
شَهله قالت ليها:حبيبتي انا كنت عارفه دا هيحصل عشان كدا من الاول رفضت علاقتكم دي وفوق لدا كان معرس ومطلق
مَهره اتنهدت وقالت ليها: معليش اكيد لخير
شَهله قالت ليها: والله الخير في الموضوع دا كلو بتك ليندا
مَهره قالت ليها: م انكر والله دي حقيقه
شَهله ضحكت وقالت ليها: يلا انا خلصت تعالي اقعدي
مَهره قالت ليها: لالا ماف داعي انا بتمكيج براي
شَهله حمرت ليها طوالي مَهره جات وقعدت مكيجتها مكياج خفيف بعد خلصت نزلت لبتها لقت مِسكه شايلاها وكِنان قاعد معاها
جات شالت بتها وقعدت كِنان قال لامو: بسم الله يا امي دي منو
مَهره قالت ليهو: احسن ليك بطل استهبال
كِنان قال لأمو: الصوت م غريب علي لكن الصوره غريبه علي
امو ضحكت وقالت ليهو: بطل عبط
وقامت خلتهم براهم
مَهره قالت ليهو: اها شفت لي موضوع الشغل؟
كِنان قال ليها: م اتعرفنا
مَهره قامت بزهج قالت ليهو: والله امشي واخليك
كِنان قام وقال ليها: تكوني ريحتينا زاتو امشي انتي وبتك المزعجه دي
حمرت ليهو ومشت تلبس ،مِسكه جاات وضحكت قالت ليهو:احسن ليك بطل استفزاز
كِنان قال ليها:بتتغاظ بسرعه اسوي شنو
مِسكه ضحكت وقالت ليهو: طيب قوم احسب الكراسي عشان صحبات شَهله جايين
كِنان باس راسها وقال ليها: كلو تمام م تشيلي هم
وطلع يلبس وخلاها قاعده ، في قعدتها جا آصِف وهو فرحان قال ليها: ياست الكل شنو لكن
مِسكه قالت ليهو: عريس الموسم بركه الكبرت وشفتك عريس
آصِف غمز ليها وقال: عريس بتك يا ستهم
مِسكه ضحكت وقالت ليهو: م هتكبر على حركاتك دي نهائي قوم قوم البس
قام على حيلو وشال القميص والبنطلون قال ليها: رأيك شنوو
مِسكه قالت ليهو: حلوو شديد اي شي فيك سمح يا ولدي
آصِف باس راسها وقال ليها: م اتحرم منك يا امي
ومشا طلع غرفه كِنان اول م دخل لقاهو بيكوي هدومو آصِف ضحك وقال ليهو: والله مسكين خلاص شكلك هتعيش عزابي وتموت عزابي
كِنان عاين ليهو وقال: يازول ماف احلى من كدا خليك انت مبسوط بأختي دي بس
آصِف ضحك وقال ليهو: حقود وحسود بس
كِنان عاين ليه بالجنبه وواصل مكوه آصف قال ليهو: م تخلي واحده من الشغالات ديل يكوو ليك
كِنان فصل المكوه وقال ليهو: طرحته القميص بس يلا يا ابو الشباب ادخل استحمى عشان ادخل بعديك
آصِف شال البشكير ودخل الحمام وكِنان بقى واقف بفكر قال بينو وبين نفسو" الله يجازيك يا آصِف هتخليني افكر في موضوع انا م كنت عايز افكر فيهو" وضحك ومسح وشو بيدو
بهناك مَهره شايله بتها وبتلعب فيها
مَهره وهي بتضحك: وحبيبي ياناس الصغنن البقى يبتسم لامو
باستها وقالت ليها: استحاله اخليك لابوك انتي بتي وحته مني
جات مِسكه خبطت الباب مَهره قالت ليها: اتفضلي
دخلت مِسكه وهي شايله فستان في يدها قالت ليها: كِنان جاب ليك دا عشان الحفله
مَهره ضحكت وقالت ليها: ياخالتي ماف داعي قولي ليهو شلت فستان من شَهله
مِسكه ابتسمت وقالت ليها: م تكسفيهو والبسيهو يابتي
مَهره م حبت تكسر بخاطرها وشالتو منها قالت ليها: عمري م هأنسى وقفتكم معاي
مِسكه ابتسمت وقالت ليها: انتي زي شَهله عندي واحد
مَهره ابتسمت ليها، ومِسكه طلعت وخلتها ، مَهره قالت بينها وبين نفسها" اما امرك عجيب يا كِنان" فتحت الكيس لقت فستان بحجابو ابتسمت ولقت فستان صغير شديد لبتها ضحكت شديد وقالت" مالو صغيروني شديد كدا"
في المساء
الكل مبسوط ومشغلين الDJ بعد لبسو الدبل واخدو صور مع بعض كلهم قامو يرقصو الا مَهره قاعده عشان شايله بتها جاتها مِسكه قاالت ليها: قومي ارقصي مع الشباب
مَهره حركت راسها وقالت: لالا يا خالتي عشان ليندا وانا زاتي تعبانه
مِسكه قالت ليها: جيبيها وقومي ارقصي شويه وتعال
ادتها ليندا وقامت ترقص وهي مندمجه مع صحبتها قبلت لقت محمد قاعد ومبتسم وبيعاين ليها اتخلعت وقالت" دا الجابو شنو هسي" تلقائياً قبلت وعاينت لبتها لقت مِسكه شايلاها مشت سريع شالتها وقعدت في الكرسي فجأه لقت محمد فوق راسها قال ليها: ياربي ادهم عارف انك هنا؟؟
مَهره رفعت عينها وعاينت ليهو وقالت: انت وصحبك م هتقدرو تشيلو مني بتي
محمد ضحك وقال ليها: وانا م جيت عشان اشيلها جيت اسلم عليك وماشي
مَهره حمرت ليهو وعصبت ولسه قاعده و زهجانه وبتها بدت تبكي بقت تهزها وتسكت فيها قالت ليها: مالك ياماما في شنو بس
رقدتها في كتفها وبقت طبطب عليها فجأه جا داخل واحد عاينت ليهو ومن الخلعه قامت قالت : عمران!!!!!!
#يتبع....
