#مني_وإلي❤️
بقلمي:meme mohammed
_15 _
مَهره بتتكلم مع شَهله قالت ليها:عارفه اي شغلانه والسلام لكن اسوي شنو هاكل واصرف على روحي من وين
شَهله سكتت مسافه سلمت عليها وحضنتها ومشت
مَهره واصلت شغلها ،من بعيد عاينت لقت واحد واقف متوتر عرفتو سوداني من ملامحو بقت بتتابع بنظرها بس استغربت لمن جات واحده سانداها الممرضه وقعدت في الكرسي واستغربت اكتر لمن عاينت ليها لقتها بتبكي ، لفت انتباهها الراجل اخدها في حضنو وطبطب عليها ، مَهره تلقائياً ابتسمت ، قامو الاتنين ومشو ، هي بقت تفكر مالهم والحاصل عليهم شنو، موقف حنيه الراجل على مرتو خلا شريط ذكرياتها كلو مع عمران مر عليها نزلت منها دمعه ومسحتها سريع وواصلت شغلها، تاني يوم جو نفس الراجل والمرا ومَهره مستغربه مالهم بس المره دي جات داخله بالكرسي وبتتألم جو مارين جنبها والراجل جاري سريع لدرجه هي اتخلعت من الحاصل مشت وراهم دخلو الغرفه بقت واقفه برا سمعت كلامهم ، خبطت الباب ودخلت قالت ليهم: انا مستعده اعمل كدا
الراجل عاين ليها من تحت لفوق وعاين لشكلها ولبسها الوسخان لانها ببساطه بتنضف في المستشفى هي أُحرجت من نظراتو ليها وم قالت شي
"جزئيه من الماضي"
_______________
شَهله وهي مستغربه بتتكلم في التلفون: مالك يا كِنان البيخليني اجي زي الوقت دا شنو
كِنان قال ليها: هأرسل ليك السواق يا شَهله
شَهله قالت ليهو: ياخي انت هسي مالك معصب
كِنان سكت مسافه بعدها قال: لو م جيتي انا هأجيك يا شَهله
شَهله قالت ليهو: اعمل البريحك
كِنان قفل الخط
شَهله قالت بإستغراب: كِنان قال لي ارجع
مَهره وهي بتحرك في بتها قالت: كيف يعني مش قلتي ليهو هتبيتي معاي؟
شَهله حركت راسها بمعنى "اي"
مَهره عايزه تتكلم سمعت صوت عمران بيكورك ليها
مَهره ختت البت في السرير وقالت لشَهله: عمران دا ناوي يجلطني هسي في داعي لبياتو معانا دي
شَهله ضحكت م قالت شي ، مَهره طلعت وهي معصبه قالت ليهو بزهج: خير مالك
عمران خت يدو ورا راسو وبقى مبتسم، مَهره منتظراهو يرد بقت تعاين ليهو ، قال ليها: اشتقت ليك
مَهره حمرت ليهو ومشت قبل تدخل الغرفه قال ليها: بايت معاك عشان م بخليك براك في البيت
مَهره رجعت ليهو وقالت: انت متخلف ولا شنو؟ م شايف شَهله معاي؟
عمران قال ليها: شايفه انو شَهله ممكن تعمل ليك شي ؟
مَهره سكتت م قالت شي
عمران قعد في الكنبه قال ليها: مَهره ليه بأي طريقه عايزه تبعديني منك؟
مَهره عاينت ليهو مسافه والدموع اتجمعت في عيونها قالت ليهو: اسباب كتيره يا عمران انا وانت م بننفع لبعض
عمران وقف على حيلو قال ليها: انا قلت ليك راضي بأي شي وعارفه انا بحبك قدر شنو صح؟
مَهره عاينت ليهو وقالت ليهو: معليش م هاقدر اعمل كدا
مشت وخلتو واقف ، عمران رقد وبقى سرحان
بيحكي قال" عارفها عنيده والفي راسها بتعملو ، بس فكره انها بتبعدني منها قاصده م قادر اتقبلها نهائي، دي حبيبتي وحته مني ولي كيف تبعد مني؟ ، م كفايه السنوات الراحت وهي م جنبي؟ هسي كمان عايزه تحرمني منها؟ استحاله اخليها لغيري تاني، مَهره لعمران وعمران لمَهره دي قصه محسومه من زمااان وحكايه اني ارجع واخليها وراي دي م هيحصل لو انطبقت السما مع الارض، وهتفضل حبيبتي البحبها حتى لو بعدنا عن بعض ، البعد خلاني احبها اكتر من اول، عايز ابل شوقي بس عايزها جنبي وم هأقبل بفكره انها تبعد مني تاني❤️"
