#مني_وإلي❤️
بقلمي:meme mohammed
_7 _
ابوها جا داخل وهو زعلان وقف فوق راسها قال ليها: تستاهلي اخوك عرف يربيك وتاني اسمع منك كلمه عشان هادفنك هنا
هي راقده في السرير وجسمها م حاسه بيهو بسبب ضرب اخوها ، ابوها مرق وخلاها بتبكي وبتتوجع وبتقول " اشهد ان لا اله الا الله واشهد ان محمداً رسول الله" بقت بتترددها كم مره ، جات امها داخله قالت ليها: احسن ليك تفكري في تصرفك دا عشان م يقتلوك
كوركت في امها وقالت: م هأتراجع عن قراري م هأتراجع
وبقت تردد " اشهد ان لا اله الا الله واشهد ان محمداً رسول الله"
امها عصبت منها ومرقت وخلتها بعد مسافه جا اخوها بيكورك قال ليها: عندك الليله بس لو م اتراجعتي هاقتلك هنا دا
م قالت شي، بعد طلع شالت التلفون واتصلت ع حبييها: عمران الحقني ابوي واخواني هيقتلوني
وقفلت الخط جاها عمران بعد زمن اتصل ليها وقال: رسلت ليك مَهره هتطلعك هي
قفلت الخط وفعلا جات وطلعتها سريع سريع بالباب الورا اول م شافت عمران اتعلقت فيهو وبقت تبكي زي الشافعه قال ليها: كلو بيهون وكونو عملتي خطوه زي دي يبقى ربنا م هيسيبك
حركت راسها وركبت العربيه وساقوها شقه عمران، اول م رقدت في السرير قالت: لازم اسافر
عمران حرك راسو بمعنى "لا" وقال ليها : ماف ليك طلعه من هنا هتقعدي معاي وانا بعقد عليك
"جزئيه من الماضي"
_________________
مَهره وهي مخلوعه قامت على حيلها قالت لشَهله: فاطمه مالها؟
شَهله قالت ليها: فاطمه منو؟؟
مَهره قالت ليها بتوتر: مره ادهم
شَهله بإستغراب قالت ليها: مالك ومالها يابت؟؟ مش كانت يوم من الايام ضرتك؟
مَهره سكتت وعاينت لبتها
قالت ليها: ارح ننوم
شَهله حركت راسها ومشت رقدت قالت ليها: بكره هنمرق وآصِف جاي بعد يومين
مَهره ابتسمت وحركت راسها قالت ليها: لي زمن منو ياخ
شَهله سكتت م قالت شي ، رقدت في الكنبه وبقت تعاين للسقف قالت لمَهره: لو ابوك واخوانك جو اعتذرو ليك هتوافقي؟
مَهره قالت ليها: م عارفه مستبعده اجابه السؤال لانو م هيحصل
شَهله قالت ليها: ولا حتى عمران؟
مَهره عاينت ليها واتنهدت وقالت: عمران اختار واحده غيري اصلا ف برضو م هيرجع
شَهله قالت ليها: بالعكس حاساهو هيرجع ليك
مَهره قالت ليها: م حاسه اتجاهو بشي ، الانتظار الطويل قتل اي شي جواي كفايه هنت عليهو ال٤سنوات دي
شَهله سكتت م قالت شي بعدها رقدو نامو ...
في جانب تاني
كِنان قاعد في اللابتوب وشغال جات مِسكه داخله ليهو وقالت: ممكن ادخل؟
كِنان قفل اللابتوب وقام على حيلو قال ليها: اتفضلي يا ست الكل
قعدو الاتنين قال ليها: اها احكي
مِسكه قالت ليهو: بعد دا عمرك بقى ٢٧ وداخل ع ال٣٠ ياولدي م عايز تعرس ولا زولتك دي م جابت سيره للموضوع؟
كِنان عقد حواجبينو وقال: زولتي منو يا امي؟؟
مِسكه بإستغراب قالت ليهو: شَهله قالت لي انت بزولتك وحتى مضيفه معاك
كِنان ضحك بصوت وقال ليها: م عندي زوله يا امي ، شَهله دي عندها امور بتعرفها براها
مِسكه قالت ليهو: الحمدلله يا ولدي خلاص بجيب ليك العروس انا
كِنان عمل روحو اهبل وم فاهم قصدها قال ليها: هتجيبي لي امريكيه ولا شنو؟
مِسكه قالت ليهو: بِس عليهن الكافرات ديل بري م بجيبها مره ولدي كان شنو وشنو
كِنان ضحك وقال ليها: مالهم سمحات وحلات الدنيا عليهم
مِسكه قالت ليهو: بنات بلدك احلى منهم ماف ملامحهم وسمارهم زاتو سمح
كِنان ضحك وقال ليها: م بغالطك في الحته دي لكن قاصده منو انتي؟؟
مِسكه قالت ليهو: بري لسه م جات لكن بفتش ليك
كِنان ضيق عيونو وقال ليها: سمح البتجيبوهو كلو سمح
مِسكه قامت قالت ليهو: الله يرضى عليك يا ولدي
وطلعت وخلتو ، كِنان ضحك ومسح وشو واتنهد ...
في المستشفى
جا ادهم داخل الغرفه قعد جنبها عاين للدرب الفيهو دم غمض عيونو مسافه وقال"م اتوقعتك تعملي في روحك كدا" اتنهد وم قال شي
فتحت عيونها عاينت شمالها لقت ادهم قاعد جنبها قال ليها: ليه عملتي كدا؟ ليه يافاطمه؟؟ دي نهايه ايمانك وثقتك بربنا؟
فاطمه بقت تكورك قالت ليهو: ليه جبتني هنا ليه كان تخليني اموت
ادهم كورك شديد قال ليها: تموتي كافره؟؟ عايزه تموتي منتحره؟؟
فاطمه قعدت تبكي قالت: الموت اهون لي من اعيش كدا
ادهم بإستغراب قال ليها: تعيشي كدا؟؟؟ كدا كيف يعني؟؟ م شايفه حياتك انتي؟ قاعده معززه مكرمه في بيتك ومعاك راجلك ومرتاحه؟ يعني شنو ماف اولاد دي نهايه العالم يا فاطمه؟؟
فاطمه بقت تبكي شديد قالت ليهو: عايزه ولدي بس
ادهم قال ليها وهو معصب: انا مش وعدتك قلت ليك هاجيبو ليك؟
فاطمه بقت تكورك قالت ليهو: مشيت ليها البيت ليه رجعتها مش؟
ادهم قال ليها: ارجعها كيف وانتي على ذمتي كيف؟؟ ينفع ارجعها ونحن هنا؟ فاطمه فكري بعقل ياخي
فاطمه سكتت م قالت شي بس دموعها نازله وادهم خلاص اعصابو باظت نزل راسو وبقى مدنقر بس قال ليها: تاني لو عملتي كدا م هيحصل خير يا فاطمه اعتبري روحك طلقانه من هسي
فاطمه قعدت تبكي وقالت ليهو: عليك الله م تخليني
ادهم رفع راسو قال ليها: انا قلت ليك م بخليك ولمن طلقتك كان لسبب صح؟؟ ورجعتك تاني ف م تجيبي سيره الموضوع دا تاني مفهوم؟
فاطمه حركت راسها بمعنى "طيب" وسكتت ...
في السودان
جات داخله لاخوها قالت ليهو: دلال جات برا
عمران وهو معصب قال ليها: قلت ليك يا مَهره م عايز اشوف وشها كفايه خدعتني وخلت مَهره تبعد مني
جات داخله قالت ليهو: م خدعتك انا قلت ليك اخوها هو الخلاني اعمل كدا وكلو غصباً عني
عمران قام على حيلو قال ليها: وانتي م عندك اي انسانيه؟؟ يقولو ليك اعملي تعملي؟ م عندك رأيي؟؟
مَهره وهي مخلوعه قالت ليهو: يعني شنو يا عمران؟؟
عمران قبل عليها وقال: قلت ليك م خنتها انا ، قلت ليك اني حبيتها وقلت ليك هامشي وافتشها دا كلو م كذب ، انا لسه بحبها يا مَهره
مَهره عاينت لدلال وقالت ليها: اطلعي برا سريع
دلال عاينت لعمران وعاينت لمَهره وقالت ليهم: مَهره في امريكا
#يتبع...
