#مني_وإلي❤️
بقلمي:meme mohammed
_19 _
مَهره قامت على حيلها قلعت عيونها قالت: ادهم!!
عمران يادوب ركز ليها عاين لأدهم بإستحقار، مَهره جرت الغرفه جوا وقفلت الباب بالمفتاح مَهره اخت عمران اتخلعت قالت ليها: مالك؟
مَهره قعدت وهي بتبكي وبترجف م قادره تتكلم ، جات شَهله خبطت الباب مَهره ابت تفتح وبتأشر لاخت عمران م تفتح الباب جاها صوت شَهله بتقول ليها:مَهره افتحي واسمعيني
سكتت شويه تاني قالت ليها: فاطمه جايه تتكلم معاك م هيشيلو بتك ، وصدقيني انا عشان عارفه م هيشيلو منك البت وافقت يجو معانا اطلعي اسمعي عايزين يقولو شنو
لمن م جاها رد مشت قعدت في الصاله معاهم
ادهم عاين لعمران وقال ليهو: معليش انت منو؟
عمران عاين ليهو وقال: على ما اعتقد دا شي م بيخصك
ادهم عاين ليهو وم قال شي، فاطمه قاعده سرحانه بس، والجو متوتر شديد بعد ٥ دقايق كدا جات مَهره طالعه قالت ليهم: عايزين مني شنو؟؟
ادهم قال ليها: تعالي اقعدي عشان نتفاهم
مَهره حمرت ليهو وم قالت شي جا عمران مسكها من يدها قال ليها: تعالي اقعدي
وقعدها في الكرسي جنب شَهله ، شَهله عايزه تتكلم مَهره وقفتها قالت ليهم: جايين لشنو؟
ادهم قال ليها: فاطمه عايزه تتكلم معاك
مَهره عاينت لفاطمه الكانت سرحانه ادهم قال ليها:اها يا فاطمه عايزه تقولي شنو
فاطمه عاينت ليهم كلهم وعاينت لمَهره قالت ليها: صح انا وانتي بيناتنا حاجه مشتركه واللي هي البت بس م حصل قعدتي معاي وعرفتي الحاصل علي وانا مالي
مَهره عاينت ليها بس وم قالت شي
فاطمه واصلت قالت ليها: لمن جيتي داخله علينا وقلتي انتي هتتكفلي بالحاجه دي وقتها كنت قايلاهو ولد لانو احساسي بيقول لي كدا طبعا انتي عارفه انا بحب ادهم لياتو درجه ولمن طلقني عشان يتزوجك بس عشان العمليه تكون حلال وقتها انا كنت ببكي ليل ونهار عشان عارفه قوانين البلد لازم يكون مطلق او م متزوج قبل كدا، مرت الايام وكنت بوصي ادهم يكون معاك طوالي عشان البيبي وفي مره بتذكر مشيتي تفحصي الدكتور قال ليكم في احتماليه البيبي يجي معاق انا دخلت في نفسيات وبقيت بتابع مع دكاتره نفسيين وم واحد لالا كم واحد ومن وقتها انا بقيت بقول لادهم م يمشي ليك خلاص نحن م عايزين البيبي ، وفعلاً ادهم انقطع عنك وبقى معاي عشان كنت في حاله صعبه شديد وبإهمال مني اضطرو يشيلو لي الرحم وفعلاً دا الحصل تاني دخلت في نفس الدوامه وبقيت الليل كلو ببكي وبدعي، لمن ولدتي وادهم عرف مشى الدكتور وسأل منك قالو ليهو انتي والبيبي كويسين واليوم داك ادهم عرف انها بت بس م وراني ، محمد صحبو هو الوحيد عارف وقايلني عارفه وقع قدامي في الكلام وعرفت انها بت وعرفت انها كويسه وم معاقه بقيت بقول لأدهم بس عايزه بتي وفعلاً ادهم كان ببفتشك طوالي ومحمد لمن لقاك في بيت كِنان هنا مسكنا طرف الخيط، عايزه اقول ليك عارفه الدنيا جات عليك قدر شنو وعارفه ليه عملتي كدا بس انا تاني م هاقدر اجيب اولاد وانتي عارفه الشعور دا صعب كيف، كل الجايه اقولو ليك اديني بتي ووعد مني اخلي ادهم يرجع ليك الشقه والعربيه والحساب بس اديني بتي عايزه اعيش شعور الامومه لو مره واحده
وبقت تبكي مَهره قالت ليها بكل برود: عايزه تشتري بتك يعني؟
فاطمه قالت ليها: لالا م قصدي كدا بس بعمل اي شي عشان اشيل بتي عليك الله اكسبي فينا خير عارفاك تعبتي وشلتيها بس في النهايه هي بتي انا
مَهره سكتت م قالت شي قامت على حيلها ودخلت خلتهم قاعدين ، عمران قال ليهم: معليش لحدي هنا وخلاص تقدر تتفضلو
كِنان قال ليهو: بتطردنا انت؟
عمران قال ليهو :لا ياخ العفو بس الزمن ااتأخر ومَهره تعبانه عايزه ترتاح
ادهم قال لفاطمه: يلا يا فاطمه
فاطمه قامت بكل صعوبه وطلعو كلهم
عمران بعد قفل الباب جا خبط ليهم الباب:مَهره اطلعي مشو خلاص
طلعت اختو قال ليها: وينها مَهره
قالت ليهو: تعبانه شديد راقده خليها هسي اتكلم معاها بكره
عمران اتنهد ومشى رقد في الكنبه وخلاهم جوا ،،، مَهره صحت من النوم مخلوعه قالت لمَهره اخت عمران: وينها ليندا
مَهره اخت عمران قالت ليها:بسم الله راقده جنبك هدي
مَهره اتنهدت وقعدت في السرير بقت تبكي قالت لاخت عمران: والله يا مَهره انا عايزاها بس هي فعلاً لو اثبتو كدا هتطلع بتهم هي
مَهره اخت عمران جات قعدت جنبها وبقت تطبطب عليها قالت ليها:عمران حكى لي كل حاجه قبل شويه وفهمت الحاصل انا من رأيي بدل تدخلي في محاكم وجرجره تديها ليهم لانو هي فعلا بتهم والاتفاق البينكم تولديها وتديها ليهم صح
مَهره زادت في البكا وقالت ليها: لكن هم م كانو عايزينها عشان افتكروها معاقه
مَهره اخت عمران قالت ليها: احسن تديها ليهم لانو هسي او لقدام هيشيلوها منك وانتي للوقت داك هتكوني اتعلقتي بيها زياده وم هتقدري على بعدها
مَهره قالت ليها: دي روحي انا وشايله مني كيف اخليها لزول غيري م بقدر لا م بقدر
مَهره اخت عمران حضنتها عليها وقالت: خلاص هسي روقي وبعدين نشوف حل للموضوع دا
مَهره بكت في حضن صحبتها وبقت تتنهد لحدي م نامت ...
صحت تاني يوم بصوت بتها بتبكي شالتها ورضعتها وبقت تسكت فيها جا عمران خبط الباب هي لبست سريع سريع الطرحه قالت ليهو: ادخل
عمران دخل قعد جنبها في السرير قال ليها: عارف شعورك صعب بس فكري فيها تاني شايفه حالتها صعبه كيف
مَهره قالت ليهو بزعل: حتى انت يا عمران!
عمران قال ليها:انا م عايز غير مصلحتك هتدخلي في محاكم وجرجره والنتيجه معروفه ماف داعي لدا كلو صح؟؟
مَهره اتنهدت وم قالت شي ، قال ليها: م عايز احبطك وازعلك يا مَهره بس البت مصيرها ترجع لاهلها صح انتي ولدتيها بس هي في النهايه بتهم
مَهره بقت تبكي وحاضنه بتها ، عمران قرب منها واخدها في حضنو قال ليها: هشش هششش روقي حبيبي
مَهره وهي بتبكي قالت ليهو: يعني اعمل شنو هسي
عمران قال ليها: فكري براحه وقرري في النهايه انا وريتك قراري ووريتك مصلحتك وين وانا اكيد م عايز ليك غير السمح يا مَهره ،
بعد عنها وقاال ليها: بحبك يا مَهره بحبك
مَهره ابتسمت ليهو وم قالت شي، عمران قال ليها: يلا مَهره منتظرانا على الفطور
مَهره قالت ليهو: م نفسي والله
عمران قال ليها: م هو م على كيفك يلا يلا
شال ليندا وطلعو الاتنين مَهره اختو قالت ليها: صباح الخير يا عسل
مَهره ابتسمت وقالت ليها: صباح النور
بعد فطرو مَهره اخت عمران لمت الصحانه وغسلتهم وعملت شاي ونادتهم قعدو يشربو ومَهره سرحانه م بتشارك معاهم في الونسه
عمران قال ليها: مَهره! م تفكري كتير
مَهره اتنهدت وم قالت شي، ختت كبايتها ودخلت غرفتها
عمران قال لاختو: مشكله كبيره والله
مَهره اختو قالت: صراحه قصه عجيبه شديد ومستغربه من الحاصل دا حتى في الافلام م بيحصل
عمران قال ليها:بيحصل خصوصا في بلد زي دي وبتحصل كتير والحاجه دي تجاره عديل م بتحصل مره لالا، في ناس دا مصدر دخلهم عديل، بس هنا م عندهم حلال وحرام عشان كدا مَهره اقتنعت لادهم وهو استتغل الحته دي وفعلاً اقنعها بالزواج بس كل شي باطل لانو زواج مبني على اتفاق في النهايه
مَهره سكتت م عرفت تقول شي
عمران اتنهد وقال ليها: امشي ليها اقعدي معاها
مَهره حركت راسها بمعنى"طيب"وقامت عايزه تفتح الباب جات مَهره طالعه من الغرفه قالت ليهم:انا قررت خلاص
عمران جا وهو مخلوع قال ليها: هتعملي شنو؟؟
مَهره قالت ليهم:.....
#يتبع....
