#مني_وإلي❤️
بقلمي:meme mohammed
_20 _
عمران جا داخل لقى مَهره قاعده في الصاله بتاعت بيتهم عمران بإستغراب قال ليها: اعوذ بالله
مَهره رفعت حاجبها وقالت ليهو: شفت عفريت ولا شنو
عمران ضحك وجا قعد جنبها قال ليها: لا بس نورتي بيتنا يا ست الكل
مَهره ابتسمت وسكتت ، عمران ضيق حواجبو وقال: كأني ناسي حاجه
مَهره عاينت ليهو بإستغراب قالت ليهو: مالك
عمران قام وهو مبتسم دخل غرفتو وجاها راجع مدا ليها علبه مَهره بإستغراب: فيها شنو
عمران ضحك وقال ليها: خلي الاستعجال وافتحي شوفيها
مَهره ضحكت وفتحتها لقتها مليانه شوكلاتات بكل انواعها ابتسمت لعمران قالت ليهو: بحبك
عمران قال ليها: وانا بريدك ريدهه
مَهره خجلت ونزلت راسها، عايزه تتكلم جات اسمهان ام عمران داخله قالت ليهو: لسه في قله ادبك دي
مَهره عدلت قعدتها والخجل عايز يقتلها ، اسمهان بتعاين ليهم ومبتسمه قالت ليهم: نفسي اشوفكم في بيت واحد
مَهره ابتسمت ليها وقالت: ان شاء الله بس خايفه اهلي م يوافقو
اسمهان عاينت ليها وقالت: زمان انا وامك كنا صحبات شديد ولهسي صحبات من جات وسكنت جنبنا هي بقت جارتي واختي وصحبتي طوالي معاي لمن جيت اولد مَهره عمران كان عمرو ١٠ سنوات، قالت لي خليهو مع اولادي فعلاً كلمت ابوك وانا مشيت كنت هاولدها عمليه، فجأه لمن صحيت لقيت امك كمان ولدت استغربت لانو مفروض هي في نص التاسع لسه، انبسطنا وعرفتها جابت بت طوالي سميناكم الاتنين مَهره، الاسم كنا بنتشاكل فيهو انا وامك على اساس لو واحده جابت ولد هتسميهو ظافر لو بت مَهره، كنا صحباات رغم اختلاف الديانات والمعتقدات بس حبيتها زي اختي واكتر
مَهره ابتسمت ليها ومشت حضنتها قالت ليها: م كذبت لمن قلت انتي كمان امي
اسمهان ابتسمت وقالت ليها: عشان كدا عايزاك لولدي عمران
مَهره ابتسمت وم قالت شي
اسمهان قالت ليها: صدقيني هيوافقو في النهايه نحن عشره عمر
مَهره حركت راسها بمعنى " م هينفع" قالت:صدقيني يا خالتو
اسمهان طبطبت عليها وقالت: ولدي م هيعرس غيرك
عمران قال ليها: وانا غيرها م عايز❤️.
"جزئيه من الماضي"
__________________
قالت لعمران: هأديهم بتهم 💔
عمران قرب عليها وقال: عارفو قرار صعب بس اكيد ربنا هيعوضك حبيبتي
مَهره عاينت ليهو ودموعها في عيونها م قالت شي ، دخلت الغرفه ورقدت جنب بتها بتبكي ، جات اخت عمران داخله قالت ليها: مَهره حبيبتي روقي
مَهره م قالت شي اكتفت بإنها تضم بتها عليها، بعد مسافه اتنهدت وقالت: من وانا صغيره نفسي اجيب بت واسميها ليندا كنت بتشاكل مع عمران في اسم بتنا، بس ربنا اراد تكون بتي براي وحته مني، مَهره انتي عارفه الدنيا دي بتجي علي شديد م عارفه ليه بس عندي يقين وثقه تامه انو ربنا م هيخليني ، بس والله البيحصل دا فوق طاقتي
مَهره اخت عمران حضنتها عليها وقالت ليها: عارفه في قرارات بنقررها بتكون مصيريه وفي نفس اللحظه بتكون صعبه وتقيله على الزول بس هي قرارات لابد منها لازم تتعمل لانو دا الصح، ف بالنسبه انو الحاجه دي فوق طاقتك، انتي فعلاً بتحسي كدا بس ربنا لو عارف انك م هتستحملي م كان ختاك في الموقف دا صح؟
مَهره حركت راسها وحضنتها قوي قالت ليها: م عندي اخوات بنات بس انتي اختي يا مَهره
مَهره اخت عمران ابتسمت وقالت ليها: وهأفضل معاك على طول
مَهره اتنهدت وقالت ليها: عايزه اقعد مع بتي شويه لحدي بكره
مَهره اخت عمران قالت ليها: م الا تديها ليهم بكره
مَهره قالت ليها بسرعه: بتي لو كبرت قدام عيني هاتعلق بيها وهتتعلق بي اكتر من كدا وانا م بقدر ، ف خلي عمران يشيل تلفوني يتصل لشَهله تكلمهم
مَهره اخت عمران ابتسمت ليها وقالت: ربنا يقويك حبيبتي
وطلعت خلتها ، مَهره بقت بتعاين لبتها وبتلمس يدها ورجلها ووشها وبتعاين ليها وهي مبتسمه قالت ليها: م هأشوفك بتكبري قدام عيوني ولا هأشيلك واعلمك المشي، ولا هافطمك انا ، ولا حتى ادخلك الروضه وامشي اجيبك واوديك ، ولا هتقولي لي ماما، ولا هتكبري وتدخلي المدرسه واقريك واسمع حكاويك عن صحباتك ولا هاقعد معاك اسرح ليك شعرك وادندن ليك، وم هازفك لراجلك ولا تجي تختي اولادك عندي عشان طالعه، ولا هاشوف احفادي، م عارفه ليه جيتي حياتي وليه حصل كدا بس اكيد كل شي لخير ، وم هأنساك وهافضل احبك على طول يا حبيبه قلب امك انتي
وباستها في راسها وبقت تعاين ليها ووشها كلو دموع حضنتها عليها قوي وبقت تهزها، عمران متابع كل دا وبيعاين ليها بحزن دخل وقعد في الكرسي القدامها قال ليها: م تبكي يا مَهره
مَهره رفعت عيونها وقالت: عمران دي بتي م عارف الشعور دا صعب كيف!!!
عمران قال ليها: عارف اصعب شي في الدنيا الام تبعد عن ولدها والولد م يلاقي امو قدامو بس على الاقل هي لسه صغيره م هتتألم على بعدك
مَهره ابتسمت وقالت ليهو: صح هي شافعه بس عندها روح ومشاعر وبتفهم الحته دي صح لمن تكبر هتنسى بس في اللحظه دي الشافع مليان مشاعر كبيره شديد
عمران ابتسم ليها وقال: بقيتي كبيره يا مَهره بتذكر لمن شلتك اول م ولدوك
مَهره ابتسمت ليهو وقالت: شعورك كان شنو؟
عمران سرح بعيد وقال: من الاول حسيت في شي، حسيت الشافعه الانا شايلها دي م هتكون غير حاجه كبيره في حياتي ، الوقت داك كان عمري ١٠ سنوات شافع لسهم فاهم شي بس بقيت مهتمي بيك كأنك انتي ومَهره واحد لحدي م كبرتي وعرفت مشاعري ليك اكبر من كدا
مَهره عاينت ليهو بكل حب قالت ليهو: خايفه في يوم اخسرك
عمران بإستغراب قال ليها: ليه بتقولي كدا؟
مَهره قالت ليهو: اي شي بحبو بخسرو وانت شايف ، اول شي اهلي بعد كدا بتي وم تنسى صحبتي
عمران قال ليها: مَهره انتي م خسرتيهم ابدا هم لسه قاعدين وانا م هتخسريني هاكون معاك في كل خطواتك الجايه، هنأسس بيت وهنكون سوا ونعيش في ثبات ونبات ونخلف صبيان وبنات
مَهره ضحكت ليهو وسكتت ، عمران ابتسم وقال ليها: ايوا كدا اضحكي انا م عايز اشوف وشك غير يكون ضاحك بس، وبالنسبه للناس القلتي انك خسرتيهم ف هم لسه قاعدين ، اهلك هترجعي ليهم ، وصحبتك شَهله لو م كانت لسه معاك م كانت جات مع اخوها يبقى هي لسه صحبتك واما بالنسبه لبتك ، ف دي ظروف خاصه م تربطي موقف بمواقف تانيه كل حاجه ليها ظروفها براها يا مَهره
مَهره عاينت ليهو نظره حزن وقالت: ياريت لو م لاقيت ادهم
عمران قال ليها: انا معاك في النقطه دي عشان استغلك وانا برضو م حبيتو
مَهره ضحكت وقالت ليهو: انت قصتك شنو لا حبيت كِنان لا حبيت ادهم حبيت منو بالظبط
عمران قال ليها: م حبيتهم لانهم قربو منك وشاركوني فيك
مَهره قالت ليهو: بس ماف زول شاركك في حبي
عمران ابتسم ليها وقال: بتعترفي انك بتحبيني يعني؟
مَهره قالت ليهو: ياتو يوم بطلت احبك يا عمران
عمران ابتسم ليها وم قال شي، مَهره دنقرت بتعاين لبتها لقتها نامت باستها وشمت ريحتها مسافه ورقدتها في السرير ، عمران متابع بنظراتو قال ليها: متأكد ماف احن منك
مَهره ابتسمت ليهو وقالت: وانا متأكده ماف اطيب ولا احسن منك اتوقعتك م هتقيف معاي واتوقعت هتبطل تحبني وم هتصدقني، م كنت عايزه احكي ليك الحصل لي بس حكيت عشان كنت شايفاك اقرب واحد لي حكيت وبشفافيه شديد ، اتوقعت هتخليني وهتزعل بس م خاب ظني فيك لمن لقيتك واقف معاي وبتطبطب علي وقتها عرفت انا اخترت صح يا عمران
عمران قال ليها: استحاله اقيف ضدك في يوم، انا ربيتك انتي ومَهره اختي على يدي يعني عارف اخلاقكم وعارف ثقتي فيكم قدر شنو، بس انتي خفتي تحكي لي مع انك من جواك عارفه اني م هازعل منك
مَهره قالت ليهو :كان بيجيني احساس انك هتسامحني واحساس تاني بيقول لي لا، عمران بيسامح اي بس م على غلط كبير زي دا
عمران قال ليها: خليك عارفه ثقتي فيك اكبر من ثقتي في نفسي زاتو، م عايزك تخافي مني ولا تخافي من زعلي انا م بزعل منك والله ويكفي جداً انك معاي وبليت شوق السنين❤️.
مَهره ابتسمت ليهو وقالت: م عارفه عملت شنو في حياتي عشان تكون معاي لانك اعظم انتصاراتي بلا شك
عمران وقف على حيلو وقال: وانا م بخذلك يا مَهره انتي حبيبتي البحبها شديد
مَهره ابتسمت ليهو وم قالت شي، عمران قال ليها: انا هامشي واصحي مَهره قبيل نامت في كنبتي
مَهره ضحكت وبقت تعاين ليهو ، هو مشى ينادي مَهره وهي حضنت بتها ورقدت سرحت مسافه في الهيحصل وهي كيف هتتحمل دا كلو، بس قالت"طالما عمران معاي انا م بخاف من شي كفايه هو اماني ومأمني"
تاني يوم مَهره صحت اول م فتحت عيونها قعدت تبكي جات مَهره اخت عمران داخله مخلوعه قالت ليها: مالك بسم الله
مَهره بتبكي بس وحاضنه بتها، جا عمران على صوت بكاها قال ليها: مَهره نحن اتكلمنا في الموضوع دا امبارح صح؟
مَهره قالت ليهو: الكلام ساهل يا عمران
عمران جا عليها وشال البت منها اداها لمَهره اختو ، وهو مسك يد مَهره وساقها قال ليها: تعالي غسلي وشك واتسوكي وتعالي لي برا
مَهره عملت كدا فعلاً وجات طالعه لقت مَهره اخت عمران ماسكه ليندا وبتطبطب عليها وعمران قاعد في الكنبه جنبها ، قعدت والدموع في عيونها قالت ليهم: هيجو متين؟
عمران قال ليها: م حددو زمن بس ارح هسي نفطر طلبت اكل من برا
مَهره قالت ليهو: م نفسي في شي
عمران بزعل قال ليها: صحتك م بتغفر ليك عشان كدا قومي اكلي ، جبت ليك الاقاشي البتحبيهو
مَهره ابتسمت ليهو وقامت قعدو في السفره وبدو ياكلو مَهره اكلها بطيئ وعمران لاحظ ليها قال ليها:افتحي خشمك سريع سريع
مَهره فتحت خشمها اداها لقمه وضحك قال ليها: زي الشافعه يأكلو فيك
مَهره اخت عمران ضحكت فيهم ، ومَهره بقت تاكل احسن من اول ، بعد خلصو، مَهره اخت عمراان لمت السفره وقعدت معاهم، مَهره شايله بتها وقاعده مرت ساعات ومَهره قلبها بيرجف وماسكه اعصابها بالعافيه وطول الساعات دي هي ساكته م بتقول شي بس شايله بتها في يدها وقاعده، فجأه الجرس دق مَهره ضربات قلبها بقت قويه شديد وبتهز رجلينها وهي متوتره ، جا ادهم داخل سلم عليهم وقعد مَهره خلاص دموعها بقت تنزل قالت ليهو: خلو بالكم منها
ادهم قال ليها: اكييد دي بتنا
مَهره قلبها وجعها لمن قال كدا، سكتت م قالت شي، ادهم قعد قريب النص ساعه ومَهره اخت عمران ضيفتوو
ادهم قام وقال ليهم: يلا يا جماعه استأذن انا
مَهره بقت قاعده وبتعاين ليهو وعيونها مليانه دموع قالت ليهو: ربنا يخليها ليكم
باستها وبقت حاضناها ، عمران جا عليها وقال: مَهره جيبيها
مَهره بقت حاضناها مسافه ادتها لادهم وقالت ليهو: عندها حساسيه من الحليب الصناعي كتبت ليكم واحد كويس جربتو قبل كدا ونفع معاها اعملو حسابكم
ادهم حرك راسو بمعنى "طيب" وشال البت اول م شالها بقت تبكي مَهره قوت قلبها وقالت ليهو: مصيرها تتعود
ادهم قال ليها: لو عايزه الشقه والعربيه والحساب دا من حقك
مَهره قالت ليهو بإستهزاء: معليش انا م ببيع بتي وم عايزه منك شي
ادهم طلع وشال شنطتها ومشى ، مَهره قعدت في الكرسي وبقت تبكي بصوت وبتكورك مَهره اخت عمران مسكتها وبقت تطبطب عليها، عمران واقف بعيد وقلبو واجعو على حبيبتو وهو شايفها بتتألم ، فجأه مَهره اختو كوركت ليهو قالت: تعال يا عمران بقت تقيله علي
عمران جا عليها شالها ودخلها غرفتها بقى يصحي فيها ابت تصحى مَهره اختو جات داخله قاست النبض قالت ليهو: شيلها نوديها المستشفى سريع
عمران وهو متوتر شالها ومَهره اختو جرت توقف تاكسي ، ومشو بيها على اقرب مستشفى دخلو بيها الطوارئ وعمران ماشي وجاي متوتر ومَهره قاعده بتدعي بس جا الدكتور طالع قال ليهم: اطمنو اطمنو م عندها شي بس هبوط حاد وجاها انهيار فجأه اديناها مهدئ وبتصحى بعد ساعتين او اكتر على حسب
طبعا كان بيتكلم معاهم انجليزي ، عمران حرك راسو بمعنى "طيب" ومشى وخلاهم ، بعد مرت ساعتين مَهره صحت عاينت ليهم وقالت: عايزه ارجع السودان
#يتبع...
