انتبهت جميع حواسها الي تلك الجمله هل سيسافر حقا بعد ساعه! خرجت نبرتها مهزوزة و قالت
- مين اللي قالك كده!
ابتسمت عفاف بسخرية واكملت
- كنتي متوقعه يتمسك بيكي طبعا و يتحدي باباه و الكل عشانك انا قولتلك شوية و هيزهق و يسيبك بس انتي اللي غبية
نهضت فرح غير مبالية بحديث عفاف اخذت هاتفها و اتجهت الي الخارج نزلت الي الاسفل أشارت لاحدي سيارات الأجرة وركبت متجهه للمطار
وصلت في اقل من نصف ساعه نزلت مسرعه بعشوائية وركضت الي الداخل مسرعه وهي تبحث عنه كالمجنونه حتي وقعت عيناها عليه صاحت بصوت مرتفع مهزوز
- علي !
تحركت قدميها بدون إرادتها و ركضت عليه و ما أن ركضت خطوتان حتي وقعت فوق الارض الباردة ووقع قلبه معها ولكن لم يتحرك من مقعده الذي يجلس عليه ظل جالسا بنفس حاله الجمود التي كان بها نهضت مسرعه و لم تهتم بشكلها ولا بأي أحد من اللذين حولها ركضت حتي وصلت إليه و رمت نفسها داخل أحضانه وهي تبكي بقوة و تضمه بقوة وهمست
- ليه بعدت عني الفتره دي؟ وليه انت هنا؟ليه انت من غيري يا علي !! مش قولت هتكلمني كل يوم ! انت بعدت ليه !
علي بمجرد ما احتضنته وكأن قلبه ردت فيه الروح من جديد، ولكن لم يستطع أن يحضنها لم يستطع أن يحاوطها بيديه نزلت دموعه غصب عنه مسحها بسرعه وهي مازالت داخل حضنه وهو تاركها تحتضنه بعد فتره خرجت من حضنه واحاطت وجهه بيديها ونظرت اليه بوجع ودموع وعتاب وهتفت قائله
- معقول موحشتکش؟ احنا مكنش بيعدي يوم علينا غير وأحنا مع بعض،كل يوم كان بيبدأ بيك وينتهي بيك، ازاي هنت عليك تبعد عني كده؟ طب مفكرتش في مستقبلي؟ مش انت اكثر واحد بتخاف عليا وعلي مذاكرتي، طب بلاش ده، مفكرتش فيا انا؟ حبيبتك؟ انا كنت هتجنن واعرف انت مختفي ليه وفين ، انت مش قولت هتتكلم معاه ومش هتسافر انت بتعمل ايه هنا.
كان علي يستمع اليها بقلبه خائف أن ينهار في اي لحظه، لم يكن عليها المجيء الي هنا ، لم يكن عليها ان تراه، من الذي أخبرها بمكانه ! لم يكن ينظر إليها و اشاح بوجهه الناحيه الأخري فنهضت فرح و جلست أمامه الناحيه الأخري حتي ينظر إليها و هتفت ببكاء
- انت مش بتبصلي ليه! طنط عفاف وانا جاية قالتلي أن انت مسافر ، كانت شمتانه فيا و بتقولي انك هتبعد ،بس انا عارفه انها بتكدب عليا عشان انت مستحيل تبعد عني صح يا علي؟ مش انت مش هتسيبني ؟ مفيش حد بيسيب حبيبته و روحه مش كده؟ مش انا اغلي حاجه عندك ؟ مش انا روحك اللي انت عايش بيها مش انا النفس اللي بتتنفسه؟ انت قولتلي انك عايش علي حبي انت قولتلي كل الكلام ده هي بتكدب عليا صح؟
اشاح بوجهه الي الناحيه الأخري وهو يكتم دموعه و الم قلبه الذي يستمع اليها و يقاوم رغبته في اخذها بين يديه ليدفنها بداخله و يخفيها عن الجميع خصوصا بعدما لمح مظهرها الواهن و وجهها الذابل و جسدها الذي نحف كثيرا عن قبل نهضت فرح و اتجهت الي الناحيه الأخري و هي تبكي بقوة و تعالي صوت شهقاتها أحاطت وجهه بيديها المرتجفه وهتفت وسط بكائها و شهقاتها التي تمزق القلوب
- علي رد عليا يا حبيبي عشان خاطري، قولي أي حاجه، قولي انك مش هتسيبني عشان خاطري!
أنت تقرأ
لن أتخلي عن حُبِك (بعد التعديل )
रोमांस"حب ، خيانه، خذلان، الم، ضعف،انتقام " كيف لفتاه ان تتحمل كل هذه الأشياء ! ماذا لو كانت من اقرب الناس اليها! بطلتنا تمر بجميع الأزمات لم يبقي معها الا بعض الأشخاص القليلون فلقد خسرت أحبابها فهل سيتخلي عنها حبها الوحيد؟! -اقتباس✨ - مخدتنيش معاك ليه...
