"حب ، خيانه، خذلان، الم، ضعف،انتقام " كيف لفتاه ان تتحمل كل هذه الأشياء ! ماذا لو كانت من اقرب الناس اليها! بطلتنا تمر بجميع الأزمات لم يبقي معها الا بعض الأشخاص القليلون فلقد خسرت أحبابها فهل سيتخلي عنها حبها الوحيد؟!
-اقتباس✨
- مخدتنيش معاك ليه...
انتهت حفل عقد القران و بدأوا المعازيم في الذهاب لم يتبقي سوى عائله كارما و سليم و بعض أصدقائهم اقترب مراد من سليم قائلا بتساؤل - مشوفتش فرح راحت فين
انتبه الجميع اليه و خصوصا علي الذي ظهر عليه القلق و نظر إليه سليم بهدوء وقال - تلاقيها مستنيه برا او في الحمام
هز مراد راسه بالنفي قائلا - لا مش برا بقالها حبه مش ظاهره وانا دورت برا و اتصلت عليها موبايلها مقفول.
دب الرعب بقلب علي و نظر إلي والده الذي يقف ببرود وكاد ان يتجه إليه بغضب ولكن سبقه سليم الذي اتجه اليه قائلا بصوت حاول ان يجعله ثابت برغم كل ما بداخله - اختي فين ، عملت فيها ايه.
نظر إليه جاسر ببرود قائلا - وانا هعمل فيها ايه منا قدامك من اول كتب الكتاب
نظر إليه علي بغصب و اقترب منه صائحا - عملت فيها ايه انطق انا كنت ساكت و مستحمل عشان متقربش منها عملتلها ايه
نظرت إليه كارما و هتفت قائلة بانفعال - فرح فين يابابا
لم يبالي سليم لأي احد و اقترب منه امسكه من ياقه قميصه و صرخ بغضب اعمي و هو يكاد ان يلكمه غير مكترث انه أكبر منه في العمر غير مكترث لاي شي فقد طفح الكيل لن يتحمل فكره ان تصاب صغيرته بأذي - اقسم بالله العظيم لو حصلها حاجه ما هيكفيني دمك انا سكتلك المره اللي فاتت عشان خاطر بنتك بس المرادي مفيش حاجه تشفعلك اختي لو مرجعتش هقتلك يا جاسر يا خولي فاهم ولا لا
اقتربت منه كارما وهتفت ببكاء - خلاص يا
قاطعها سليم صارخا بغضب - مش عايز اسمع صوت اتفضلي قدامي عالعربيه
امسكها من معصمها و كاد ان يسحبها معه الي السياره فهتفت نيڤين بقلق - واخد كارما علي فين هي ملهاش ذنب يا سليم
هتف جاسر قائلا - واخد بنتي علي فين
هتف سليم قائلا بسخريه - متنساش ان بنتك بقت مراتي وانا مش هسيب مراتي في بيت راجل خاطف اختي
التفت الي كارما و هتف بجديه - من النهارده هتيجي تعيشي ف بيتي قدام عيني مش هتقعدي في بيت الراجل ده يوم زياده انا مش هأمن عليكي هناك تاني
سحبها معه الي الخارج ليوصلها الي المنزل ثم سيتعامل مع جاسر الخولي بينما اتجه سيف الي جاسر بعدما خرج الجميع للبحث عن فرح وهتف قائلا - فرح فين
