لن أتخلي عن حُبِك (بعد التعديل )

الثاني

نظر إليها باستغراب من تواجدها هنا عند منزله وهتف قائلا
-انا بيتي هنا،المفروض انا اللي أسألك السؤال ده ،انتي اللي بتعملي ايه هنا عند بيتي

هتفت باستفزاز قائله
-هو مفيش حد ساكن هنا غيرك مثلا كنت بوصل واحده  هنا ولا في عند سيادتك مشكله ولا حاجه

زفر بتعب قائلا
-حد كلمك يابنتي انتي كل ما اشوف وشك تبقي عايزه تتخانقي يخربيت نكدك

هتفت بحده و رفعت اصبعها قائله بتحذير
-بقولك ايه انت مزودها معايا اوي وانا عديتلك كتير فاعرف انت بتتكلم مع مين و خلي بالك من طريقتك بقي عشان قربت اجيب أخري منك تمام؟

ضحك بسخريه و قال
-هكون بكلم مين يعني

هتفت كارما بكبرياء قائله
-بتكلم كارما جاسر الخولي،خلي بالك بقي من اسلوبك معايا عشان مضايقكش بعد كده

حاول تذكر من هو  جاسر الخولي فقد سمع هذا الاسم من قبل هاهو تذكر فهو رجل الأعمال الشهير في مصر و كندا ناظرها نظره من أعلاها لاسفلها و قال بلا مبالاة.

-طب حاسبي يا ست المهمة عشان اطلع لأخواتي مستنيني عالعشا مش هخليهم يستنوا اكتر عشانك ولا تحبي تيجي تتعشي معانا ولا حاجه ؟!

هتفت بسخريه
-لا كتر خيرك

مشت وتركته بينما ابتسم هو و صعد الي المنزل
دخل سليم البيت وجد محمد و أمه و ساره جالسين علي المائده في انتظاره بحث بعيونه عن فرح فلم يجدها التفت إليهم قائلا
-هي فرح مش هتاكل ولا ايه؟!
رد محمد قائلا
-لا هي لسه جايه من ربعايه و دخلت عالاوضه قالت مش جعانه
هز رأسه قائلا بقلق
-هروح اشوفها..كلوا انتوا لحد ماجي

هتفت امه في غضب
- يعني احنا مستنينك كل ده و في الاخر بتقول. ناكل احنا و كل ده عشان ست المحروسه،خلي بالك انت بتدلعها زياده عن اللزوم و انا مش عاجبني النظام ده،معرفش انا ايه اللي خلاني اوافق علي جوازه ابوك دي من الاول

هتف سليم بغضب مكتوم و صوت منخفض
-وطي صوتك عشان متسمعش و هي متعرفش حاجه عن جواز بابا فلوسمحتي متتكلميش عن الموضوع ده تاني هي ملهاش ذنب في حاجه

صاحت بغضب اعمي
- لحد امتي هتفضل تدافع عنها! متنساش أن ليك اخوات تانيين ليهم حق عليك..عمري ماشوفتك قاعد مع ساره زي مابتقعد مع فرح..عمرك اخدت ساره في حضنك ولا عملت معاها زي ما بتعمل مع فرح! عالاققل دي من لحمك و دمك لكن التانيه من واحده منعرفهاش و المفروض انها متفرقش معاك ،اختك اللي من لحمك و دمك أولي

صاح بها سليم فلقد استشاط غضبا لا يحب كلام امه هذا فهو يعلم أن فرح ليست من نفس الام و لكنها افضل من اخته التي من امه وأبيه يعلم مدي برائتها و عفويتها و يعلم أنها لا تكره ولا تحقد علي أحد فهي طبيعيه مع الجميع و عفويه بقوه لا يستطيع أحد أن يراها ولا يحبها عكس ساره تماما فهو لا يعلم لماذا يكرهونها هكذا هي و امها فهي لم تأذيهم بشيء و ليست ك ساره حقوده و اخلاقها ليست جيده لذلك سليم لا يحب التعامل معها كثيرا.
-انتي مش ناويه تجيبيها لبر يا ماما مش هتبطلي تقولي كلامك ده اللي بتسممي بيه عقل بنتك اتاريها لما جتلي بتقولي لو كانت فرح كنت عملت كده..فيها ايه اختي من ام تانيه يعني ماهي من نفس الاب يعني من لحمي و دمي برضو هي ذنبها ايه من جوازه بابا خلي بالك انتي بتظلميها ساره لو كانت زيها كنت هبقي قريب منها زي منا قريب من فرح كده اشمعنا محمد مبيشتكيش يعني ماهي اخته زي ما هي اختي بس عشان انتوا بتحقدوا عليها أننا بنحبها انا و محمد و مدلعينها بتعملوا حركاتكوا دي ،وأقسم بالله يا ماما لو جبتي سيره جواز بابا و ماماتها تاني مش هيحصل طيب تمام؟!