ابتسم علي وهمس بأذنها دون أن يسمع أحد قائلا
- عيونه
ابتعدت فرح بارتباك و وقفت بجوار نور فهتف علي قائلا برزانة
- أنا رجعت من بدري يا سلمي
هتفت سلمي قائلة
- ازاي أنت مش قولت هتكمل دراستك في كندا
نظر إلي فرح قائلا
- في حاجه هنا شداني مقدرتش افضل هناك
رفعت انظارها اليه و تسارعت أنفاسها وجه كلامه إليها قائلا
-انتي كويسه؟
هزت راسها في صمت فهتفت سلمي قائله بضحك
- شكل فرح مخضوضه بس
هتفت فرح بانفعال خفيف قائلة
- لا انا كويسه
اخفي علي ابتسامته فهتفت نور قائله
- مالك
زفرت فرح قائلة
- مفيش حاجه أنا هروح علشان اتاخرت
هتفت سلمي قائله
- لا استني أما اعرفك على علي الاول.
تنهدت فرح و نظرت الي علي الذي يكتم ضحكته فاكملت سلمي قائله
- ده علي يا فروحه كان معانا في الجامعه و سافر يكمل برا و دي فرح صاحبتي
زفرت فرح قائلة وهي تمد يدها
- اتشرفنا
ضحك علي قائلا وهو يسيطر على نفسه قائلا
- الشرف ليا
ابتسمت من سخافه الموقف تأمل ابتسامتها بحب فهتفت قائله
- أنا داخله سلام
اتجهت الي الداخل فهتف علي وهو يلاحقها بعيناه
- أنا كمان اتاخرت ، سلام يا بنات
لحقها مسرعا ونادي قائلا
- فرح
لم تلتفت إليه فركض إليها قائلا
- فرح استني
لم تجيبه فلحق بها و امسك يدها قائلا
- هو أنا مش بناديكي
نظرت إليه قائله بغضب
- عايز ايه يا علي
نظر إليها واقترب منها قائلا
- انتي زعلانه مني؟
تنهدت بضيق هي ليست غاضبه ولكنها مشوشه لم تكن تتخيل انها ستقابله بهذه الطريقه لم تتوقع ابدا أن يكون هذا هو الشخص الذي تتحدث معه يوميا!
كادت أن تذهب فأمسك يدها مره اخري واوقفها قائلا بحنو
- فرح انتي بجد زعلانه مني؟
هتفت فرح قائله
- مش زعلانه بس مكنتش احب نتقابل كده اول مره
ضحك علي و غمز قائلا بمشاكسه
- هو في احلي من كده
أخفت ابتسامتها قائله
- مكنتش عايزني اقابلك ليه بقي يا استاذ علي مانت ماشاء الله حبايبك كتير اهو
ابتسم علي بخبث قائلا
- وهي استاذه فرح غيرانه ؟
ابتسمت فرح و أعادت شعرها للخلف واقتربت منه قائله بمشاكسه
- واحنا بقالنا كتير نعرف بعض عشان اغير عليك يا استاذ علي؟
أنت تقرأ
لن أتخلي عن حُبِك (بعد التعديل )
Romansa"حب ، خيانه، خذلان، الم، ضعف،انتقام " كيف لفتاه ان تتحمل كل هذه الأشياء ! ماذا لو كانت من اقرب الناس اليها! بطلتنا تمر بجميع الأزمات لم يبقي معها الا بعض الأشخاص القليلون فلقد خسرت أحبابها فهل سيتخلي عنها حبها الوحيد؟! -اقتباس✨ - مخدتنيش معاك ليه...
