{Smile 🌹}
အရိုက်ခံရတဲ့ ဒဏ်ကြောင့် ညဘက် အဖျား တက်လာလို့ နစ်ချာရှိုင်း ပြုစုရပြန်၏။ကိုယ့်ထက် အသက်ထက်ဝက်လောက် ငယ်ပြီး ညီလေးအရွယ်ထက် တူလေးအရွယ် ကောင်လေးက သူကြောက်ရတဲ့ အဖေကိုတောင် တစ်ခွန်းမကျန် ပြန်ပြောနေတတ်ပေမယ့် မိမိကိုတော့ တစ်ခါမှ ပြန်ခံပြောတာမျိုး မရှိတာ ကို သူကျေနပ်နေမိတယ်။
မွေးကင်စ ကတည်းက ချီပိုးလာခဲ့တဲ့ ကောင်လေးက ခုချိန်မှာ ကိုယ့်တပည့်ဖြစ်လာလိမ့်မယ်လို့ တကယ်မထင်ထားခဲ့ဘူး ။
...။
"ဖေဖေ ကလေး အသံကြားတယ် ဘယ်ကလာတာလဲ "
၁၅နှစ်အရွယ် ဆယ်တန်းကျောင်းသားလေး နစ်ချာရှိုင်း က ကျောင်းကပြန်လာရင်း အိမ်ထဲတောင်မဝင်ရသေးဘဲ သူ့ရဲ့ အဖေကို မေးနေလေ၏။
"ဘေးခြံက ဖေဖေ သူငယ်ချင်း ဦးသုခ မိန်းမ ကလေးမွေးတယ်လေ သားရဲ့ "
"ဟို ဗိုက်ကြီးနေတဲ့ ဒေါ်ဒေါ်က ကလေးမွေးပြီးလား"
"ဟုတ်တယ်လေ သားရဲ့ "
"သား ကလေးလေးကို ကြည့်ချင်တယ် .."
"သား ရေမိုးချိုး ညစာစားပြီး သွားကြည့်ပေါ့ ."
မွေးချင်း မရှိလို့ ညီလေး/ညီမလေး လိုချင်နေသူ ဖြစ်တာမို့ ကလေးတွေ မြင်ရင် အသဲတယားယားနဲ့ ချီလိုက်ရမှ ကျေနပ်နေတဲ့သူ။
"ဒေါ်ဒေါ် ကလေးလေးက ချစ်စရာလေး ..ကျွန်တော့်ကိုပေးပါလား ဟင်"
မွေးကင်စ ကလေးလေးရဲ့ နုနုဖက်ဖက် ပါးလေးကို ဖွဖွလေး တို့ထိရင်း ..ကလေးလေးရဲ့ မိခင်ဖြစ်သူ ဒေါ်ကလျာကိုတောင်းဆိုလိုက်သည်။
"ရတာပေါ့ သားလေးရယ်..သားလိုချင်ရင် ကြီးလာမှယူ ..အခုက ငယ်သေးတယ်"
"ဒါဆို ကျွန်တော် နေ့တိုင်း လာကြည့်လို့ရတယ်မလား "
"ရတာပေါ့ သားရဲ့မောင်လေးပဲ "
"ဒေါ်ဒေါ် ..ကလေးလေးရဲ့နာမည်က ဘာလဲဟင်"
"ကလေး နာမည်မပေးရသေးဘူး သားရဲ့ "
"ဒါဆို ကျွန်တော်နာမည်ပေးလို့ရမလား ဟင် "
"အင်"
"ကျွန်တော့် ညီလေးကို ရဲရဲရင့်ရင့်နဲ့ ကြီးလာစေချင်တယ် ပြီးတော့ သုခချမ်းသာနဲ့ ပြည့်စုံတဲ့ သူ ...ရဲရင့်သုခ ...တခြားသူနဲ့ တူတာမလိုချင်လို့ ပင်းရဲရင့်သုခ လို့ပေးမယ် ..ဘယ်လိုလဲ ဒေါ်ဒေါ် "
YOU ARE READING
ဦးနစ်ရဲ့ အဆိုးလေးကျွန်တော်
Fanfiction(ကျွန်တော်မှမဟုတ်ရင် ဦးနစ် လက်ထပ်ဖို့ စိတ်မကူးနဲ့ ) ငြိမ်ငြိမ်လေးနဲ့ သွားတဲ့ fic တွေကို ကြိုက်တာမို့ အားမရရင် ဆော်ရီးပါနော်။စိတ်ကူးယှဉ်ဇာတ်လမ်းလေး တစ်ပုဒ်သာသာ။
