سَهيتْ بنظِرة عيونك واثّاري هالعيونُ بلاد

Part 1

يوم السبت الساعه 3 عصراً ~
سلطان : عزام
عزام : سم
سلطان : قلت لاخوانك الليله يجون
عزام : اي قلت لهم وبيجون ان شاءالله بعد شوي
سلطان : زين
دخل هياف : مين بيجي اليوم ؟ بطلع انا
عزام : وين بتطلع ؟
هياف :  اليوم يوم الوطني نسيت ! بطلع مع الشباب
عزام : لا ، لا تطلع اليوم بنجتمع وبنحتفل في البيت
هياف : ابشر

في الصاله  ~
خرجّت وداد متجهه للمجلس تدور ورا هياف ومالقت غير سِراج متكي : سِراج ! زين لقيت احد فيكم
سِراج  : وش فيك ؟
وداد : مافيني شي قم ابيك تروح السوبر ماركت تأخذ اغراض الان!
سِراج  : شوفي هياف مافيني حيل
وداد : دورت وراه مالقيته قم
سِراج  : وشهي اغراضك ؟
وداد : برسلك الاغراض شوفها وجيبها كلها مو تنسى
سِراج  : كم تدفعين ؟
وداد : الي تبييه بس قم يلا قبل يجون البنات
سِراج : اي بنات ؟
وداد وهي تطالعه باستغراب : وانت وش عليك اي بنات ! يلا قم بسسرعه والا بعلم حبيبة القلب عليك
قام سِراج وهو يمشي باستفزاز يحب يقهرها ، ضربته بظهره بصراخ : سِراج تحرررك !
ضحك سِراج وهو يطلع للخارج 

عند البنات بغرفه ارجوان  ~
جوري : اف بنات وش ذي اللمّه الحين بنطلع نشوف الاحتفالات!
دُرر : اي والله خاطري نطلع
وداد : اقول ابوي قال مافي طلعه منع هياف بعد بنحتفل كلنا في البيت اليوم
ارجوان : دام منع هياف اجل انسو الموضوع
ريم : يستاهل احسن خلوه مايطلع واحنا جالسين
دُرر : خلاص اهدو قولو وش نلبس الحين ؟
وداد : انا فستاني جاهز الصراحه
جنىٰ : اي جاهز يا سراقه
وداد : انطمي انطمي بس
وراحت كل وحده تشوف لها فستان  . .

                             بقدم الاحداث شوي قدام ~
اجتمعو بمجلس الرجال وصار كِله فوضى وازعاج والكل يتكلم وهياف وآسر اللي مستمرين مناقره ، والجد مبسوط بلمة عيِاله حواليّه بس فاقد أيّهم بلمتهّم ، بوسط الفوضى
نطق الجد بصوت شوي مرتفع : عزام !
انخفضت الأصوات والكل ألتفت للجد احترام وتقدير له
عزام : سم طال عمرك
سلطان : أيّهم متى راجع ؟
عزام : بكره طال عمرك
سلطان : هو موجود بالمركز والا بالحد ؟
عزام : لا موجود طال عمرك
سلطان : الله يهون عليه ان شاءالله
بعد دقايق طويلة من الكلام بدأ الجد يحكي لهم عن ماضيهم وكيف كانت حضارتهم ، وايش الفعاليات الي كانو يسوونها ، وقد ايش ان الكُل متمِسك بعاداته وتقاليده والحماس في احفادهم انهم يحافظون على تراث وعادات اجدادهم واخذهم الوقت بعدها بثواني طويلة ، صار وقت العشاء والكل قام ..
عند البنات ~
قررو يكلمون سِراج يوديهم يتقهون ومِنها يشوفون فعاليات اليوم الوطني لان الجدّ مايرفض طلب لـ سِراج ، وافق انهم يطلعون حب رأس جده ويتشكره وهو يطلع للسياره ركب ورفع جوّاله يدق على وداد بعد ثواني ردت : هلا
سِراج : انا بالسياره ، معاكم خمس دقايق بس تجهزون وتنزلون والا اروح واخليكم
وداد بصراخ : كذذاااب ! يعني جدي وافق ؟
سِراج : فقعتي طبلة اذنيي ! اي وافق وخمس دقايق مافي غيرهم
وداد : تمام تمامم يلا مارح نطول
بعد خمس دقايق من الإنتظار نزلوا البنات ركض للسياره مِين بتركب قدام ، تعايدو وداد وارجوان وصرخ فيهم سِراج : كلكم تركبون ورا يلا
ارجوان وبضحكه : ترا كذا تصير سواقنا يعيوني !
سِراج : اقول لايكثر هياف بيجي يلا
ركبو وحركو للكوفي يجيبون قهوه لهم وللبنّات المنتظرين ، وبدت ضحكات البنات تتعالى من شافو الفعاليات وكيف الشوارع زحمّه وكل وحده فِيهم رفعت جوالها تصور توثق الفعاليات والسعادة الي باينّة عليهم ويرسلوها بقروب البنات عشان يقهروهم
وبعد نص ساعه رجعو للبيت وكملو سوالفهم وضحكهّم ، والشباب رجعو للمجلس . .

اذا فيه اغلاط حبايبي سوو انفوسكم ماتشوفون لاني اكتب سريع سريع عشانكم ويارب تكون بداية حللوه واتمنى تنّال أعجابكم الرواية ❤️!