سَهيتْ بنظِرة عيونك واثّاري هالعيونُ بلاد

Part 12

في مكتب يزيد ~
دخل فيصل وهو يجلس : ياخي ليه جايين هنا
يزيد : ابيك تساعدني
فيصل : البر اطلق والأفكار فيه احلى
يزيد : الحين خل البر واسمع
فيصل : قول
يزيد : انا ابي واحد منهم بس
فيصل : وش تبي فيه
يزيد : بلعب بعدادات عمره وألعب باعصابهم
فيصل : بتخطفه؟
يزيد : بخطفه بحرقه اللي هو اهم شي اجيبه
فيصل : مين منهم؟
يزيد : لسى ما اعرف
فيصل : انالله و في وش اساعدك انا بالله؟
يزيد : ابيك تعرف لي بكره بكررره تحديداً مين يطلع ومين بيتحرك
فيصل : بتقفل طريقهم!
يزيد : بديت تفهمني
فيصل : وانا كيف بعرفهم؟
يزيد : يكفي انك تنتظر قدام بيتهم وارسلي الصوره وانا اتكفل بالباقي
هز رأسه فيصل بطفح منه وهو بقوم : أجل انا ماشي ورايا شغل
يزيد : تمام
-
في بيت سلطـان في الصاله ~
دخلت أرجوان و وريف خلفها ترتجف من الخوف والتوتر ، مسكت ايدها : انا مره خايفه!
أرجوان : لاتخافين لاتخافين امشي تسلمين على امي وحريم اخواني وبعدها نطلع للبنات
مشت وريف خلفها بتوتر و الود ودها تمسك هياف وتقطعه ،  تقدمت أرجوان وهي تلقي السلام وتحب رأس امها : يمه
فهده : هلا بحبيبتي وين رحتي؟ ومين البنوته الحلوه ذي
أرجوان : يمه هاذي وريف بنت فارس اللي ساكنين بالحيّ الثاني أبوها اظن يعرف أبوي هي صديقتي واهلها مسافرين ناديتها تجلس معانا وتسولف تغير مود يعني
فهده : اها انتي بنت أفنان ؟
هزت وريف رأسها بحياء بـ أي
فهده : حياك الله البيت بيتك يمه تعالي 
تقدمت بتوتر وهي تسلم عليها وتسلم على الباقي بخجل وحياء قطعها ، نطقت أرجوان اجل انا بأخذها وبنروح للبنات
فهده : تمام
-
في بيت أيّهم ~
صحىٰ من نومه بتعب وإرهاق ، سحب جواله من تحت المخده يناظر الساعة ويقوم متوجه للحمام يأخذ شاور ويطلع ينشف شعره ويبدل ملابسه ويخرج من البيت متوجه لبيت سلطان ..
-
عند البنـات الساعـه 1 بالليل ~
أرجوان : ايوه! حيّ الله وريف بيننا
وريف : الله يحييك
أرجوان : عرفتي البنـات لحد الان ولا ؟
وريف ببتسامه خفيفه : الا عرفتكم وكلكم حلوين وسوالفكم تهبّل
ريم : عاد انا الأحلى فيهم
جوري : حبيبتي حياك بيننا وانتي بعد طيوبه وعسسووله مره
جنى : اي والله عسوله
وريف : تحرجوني كذا
وداد : اموووّت على المستحي
أرجوان : خلاص خفو خفيييفاااااات طلعتو
جنى بضحك : تحبون تفشلونا
ليال : اثقلو قدام البنت
وريف : خذو راحتكم عادي
ريم : كيف تجلسين بالبيت لحالك ماتخافين؟
وريف : اخاف نادر بس تعودت
دُرر : من متى انتي وأرجوان صديقات ما قالت لنا ؟
أرجوان : مو لازم أقولكم بكل صديقاتي شوية خصوصيات
ريم بتقليد : شوية خصوصيات يمه منك
-
عند هياف وآسر بالحوش ~
هياف : وش تسوي هنا ليه ماتدخل؟
آسر : ابي ريحة الدخان تروح مني اصبر
هياف يمثل الصدمه : اوه تدخن!
آسر : انقلع
أبتسم من طرأ بباله طيفهّا وقال بنفسه : ‏ودك ماتشوف من العيون إلا عيونهَا.
قاطع تفكيره هياف : افا انقلع!
آسر : وش يسوون داخل ؟
هياف : ابد جالسين ويحشون
آسر : اجل انا بدخل اسلم وبدورلي مكان انام
هياف : رح بيتكم نام
آسر : عشان سلطان يدعسني
هياف : اقول رح بس أيّهم في بيته وماتكلم عليه
آسر : صح خلص بروح
هياف : شاطر
آسر : امش قبلي يلا
-
بعد نص ساعـه روحت جنى وأهلها لبيتهم ، وروحو جوري وريم ، و وداد وليال ، ومابقى الا دُرر وأرجوان مقابلين وريف ، فارشين بالأرض من التعب مو قادرين يتحركون ، نطقت أرجوان : أقول وريف
وريف : هلا
أرجوان : دام أهلك مسافرين وانتي لحالك نامي عندنا وش حادك تجلسين وحدك
وسعت وريف عيونها : لا لا مابي أثقل عليكم بنام ببيتنا عادي
أرجوان : لا والله ماتروحين خلاص حلفت انا نامي عندنا احنا هنا لحالنا وبكره ترجعين
دُرر : اي وش تجلسين لحالك ماينفع
وريف : بس انـ ..
أرجوان : لا بس ولا غيره خلص الموضوع عندي بعطيك بيجامه من عندي ألبسيها ويلا انسدحي وانا بنقز أقول لهم انك بتنامين عندنا ومن الحين لبكره خير
هزت رأسها بأستسلام : تمام
نزلت أرجوان تتوجه للصاله تقول لأمها وبعد ترحيب من أمها ورضىٰ توجهت للمجلس لأجل تقول لأبوها ، دخلت بهدوء تشوف سلطان متكي وحوله هيـاف ، أردف ترحيب من شافها : هلا ببنيتي هللاا وش بغيتي
فز هياف من شافها وهي تقربت وهي تحب رأس أبوها : هلا فيك مافي شي بس بقولك
سلطان : قولي!
أرجوان : يبه انا عندي صديقتي وريف بنت فارس تعرفه أظن الي ساكنين بالحيّ الثاني أهلها مسافرين وانا جبتها عندي واقترحت عليها الحين تنام عندنا لانو مابيها ترجع بيتهم لحالها وكذا قلت لها لا جاء بكره ارجعي وش تقول؟
سلطان : بنت فارس اي أعرفه حياها الله واللي تشوفينه انتي سويه
أبتسمت له تحت أنظار هيـاف اللي مايقل عنها من فرحته وشعوره وتفكير أرجوان الي اعجبه ، حبت رأس ابوها : تسلم الله لايحرمني منك
سلطان : ولا منك يا عيني
-
في غرفة أرجـوان ~
دُرر : عظامي مكسره
وريف : تبين أغمزك؟
أرجوان : ذي تتكسر على طول خليها
ضحكت وريف على أشكالهم وبعد ثواني من سـوّالفهم تنهدت دُرر بسرحان ، نطقت وريف : فيك شي؟
دُرر : لا بس شلت هم رجعتنا
أرجوان : اي والله الله يعين بالكرف الي بيجي
وريف باستغراب : ترجعون وين؟
دُرر : الديره
وريف : متى؟
أرجوان بعد بكره أظن ان شاءالله يعني
سرحت وريف بتفكير وضيق خيّم على قلبها بمجرد ما تخيلت أنها ما بتلقىٰ هيـاف ،  وبنفس الوقت حست بقهر منه ليه ما علمها وقال لها ، كيف بيروح ويخليها ! كيف بتعيش بدونه هنا ، من زمان ماراحو الديره وش الطاري الحين بالذات ، ألف سؤال و سؤال يددور ببالها نزلت عيونها بضيق لاحظته أرجوان وتنحنحت : وريف فيك شي؟
وريف : لا بس حزنت انكم بترجعون ومابشوفكم مره ثانيـه
فهمت شعورها أرجوان وعرفت تفكيرها ونطقت بتغيير للمود : لا لا بنلتقي كل فتره وفتره ان شاءالله وقولي أرجوان ماقالت عاد تبين الصدق حبيناك والله صح دُرر
دُرر : اي والله أتفق
وريف ببتسامه : وانا بعد والله اني حبيتكم والود ودي أسهر معاكم دايم
أرجوان بغمزه : الجاياات أكثر
أبتسمت وريف بسرحان وهي تتمدد وتتغطى و ما مرت دقايق إلا والكل نام ، بقت هي بسهرها والتفكير يأكل رأسها الين قرب الفجر وغفت..
-
اليوم الثاني الصبـاح ~
صحت وريف بتعب وهي تلتف حولها تشوف أرجوان ودُرر نايمين حولها وبسابع نومه من سهرّتهم ، ظلت تتأملهم لثواني ببتسامه خفيفه وهي تتذكر سوالفهم وضحكهم وكيف عدا أمس عليهم بروقـان أسعدها ، تغيرت ملامح وجهها من طرا على بالها ان بكره اخر يوم لهم وبيرجعون للديره وهيـاف بيروح معاهم وبترجع وحدها ، أمتلىٰ قلبها بالنكد والتناهيد ، جلست بهدوء تسحب جوالها وترسل لهياف " صاحي؟ " بعد دقايق طويله رد هياف بـ : " هلا بقلبي ايوه صاحي " تنهدت بضيق وهي تكتب " انا برجع البيت وما اقدر اطلع معك البنات نايمين بطلب آوبر " قرأ رسالتها وقاطع كتابتها بأتصال وهي ترد : ليه تدق يصحوون!
هياف : وش تطلبين آوبر!
وريف بضيق : خلاص برجع وما اقدر اجي معك عشان مايشوفونا
هياف : فيك شي ضايقوك بشي ؟
وريف : لا
هياف : انا انتظرك تحت بالسيـاره أنزلي
وريف : واذا شـ ..
هياف بمقاطعه : كلهم نايمين
وريف : تمام
بعد ثـواني طويله نزلت وهي تركب السياره بهدوء تحت أنظاره اللي ملازمتها ، ماتحب أنظار التفحص منه وهو يشغل السياره ويتحرك ، نطقت بهدوء : ركز بالطريق لاتناظر!
هياف : وش فيك؟ وش مكدر خاطرك من الصباح؟
وريف : مافيني شي
نطق بحنيّه : يوجعك شي؟
وريف : لا
كمل طريقه ووقف أمام بيتها وهي تنزل بهدوء ويلحقها للداخل بعد ما طفىٰ سيـارته : وش تسووي؟
هياف : قوليلي تفضل!
وريف : هياف!
سبّقها هياف يتوجه للغرفه ويجلس على السرير ، دخلت بهدوء تفسخ عبايتها وتطالعه : ليه تناظر؟
هياف : تعالي اشتقت
وريف : هياف!
قام يتقدم بخطواته لها يحاوط خصرها ويقرّبها له أكثر ، رجف جسدها من قرّبه وهي تحط إيديها على صدره تبعده : هياف فكني
هياف : ليه؟
قرب وجهُ منها ونطق بهدوء : ملامحك ملامح زعل مين مزعل وريفي؟
قشعر جسمها وبانت رجفتها ونطقت بتردد : أنت
هياف : أنا ؟
هزت رأسها بـ أي وهي تتجنب نظراته
نطق بخفوت : طالعيني وقوليلي وش زعلتك فيه؟
وريف بضيق : ليه ماقلتلي بتروح؟
هياف : وين بروح؟
وريف : بترجع الديره
هياف : ومين قال برجع ؟
رفعت نظرها له : وش مين قال أهلك كلهم بيرجعون بعد بكره
هياف : بس انا مابرجع معاهم!
وريف : ليه؟
هياف : كيف اروح وأخليك لذي الدرجه ما أبيك انا ؟
أبتسمت له وهي تضرب كتوفه وتحضنه : حيوان انت حيوان زعلت لانك بتروح
شدها له ونطق : مابروح في حلقك جالس ومتربع
نطقت بخفوت : هياف
هياف : سمي
وريف : أحبك والله
هياف : وانا أموت عليك!
أبتعدت عنه وهي تبتسم له وتحاوط رقبته : أبوك مايهاوش؟
هياف : لا قلت له عندي شغل
وريف : واذا د..
هياف : مابيصير شي الحين روقتي ولا ؟
هزت رأسها بـ أي ببتسامه ، باس خدودها وهو يتوجه للخارج : أجل انتبهي لك زين وتبين شي دقي علي
وريف : ان شاءالله وانت بعد
-
بعد مرور الوقت العصر في قروب البنـات ~
وداد : بنات
أرجوان : هلا ؟
وداد : بروح مع سِراج المول تبون معايا أمركم؟
أرجوان : اي تعالو خذوني
وداد : تمام وغيرك؟
جوري : خذوني انا بعد نفسيتي ماش بغير جو
وداد : تمم ياعيني اجهزو وبطلع معاه الحين وأجيكم
بعد ربع ساعه من طلوعهم " فالسياره "
أرجوان : اقول سِراج
سِراج : قولي
أرجوان : تراك بتقهوينا وتغدينا انا ما أكلت
سراج : ابشري وش تبون غداء ؟ وتبون نأكل بالمطعم والا ناخذه للبيت ؟
أرجوان : لا المطعم أحلللى
جوري بصوت خفيف : لا للبيت أحلى
رفع نظره لها : ليه؟
أرجوان : مدلعه خلها نبي بالمطعم أحلى الطعم يجي لذيذ
وداد : اي والله نبي بالمطعم افضل ومنها نتقهووى
جوري : بس انا مابي
أرجوان : وش ماتبين مو قلتي بتغيرين جو؟!
جوري : بالمول بس
أرجوان : وبالمطعم بعد لاتخربين علينا
سِراج : وش تخرب عليكم
أرجوان : خلاص نبي نستانس ونطلع امش وما عليك منها
-
في مكتب سلطـان ~
سلطان : انا أبيك تتزوج!
أيهم : ماجبت هالطاري الا إنك حصلت عروس الظاهر
هز سلطان رأسه ببتسامه ونطق الأيّهم : منهي ؟
سلطان : أبيك تقول تم بالأول
أيهم : انت تعرفني ياسلطان !
سلطان : ولاني اعرفك أبيك تقول تم و تطاوعني على كلامي
أيهم : تم ، منهي ؟
سلطان : بقولك بكره
أيهم بتنهيد : على خير