يا أملح من الدمع واحلى من الديم الملح كله .

البارت العشرون

عند الجد داغر(جد وجد)
بعد ما راحوا البنات من عندها جلست تسولف
مع الهام قالت باستفسار: ها  وش رايس فيهن؟
ردت الهام : ماشاءالله تبارك الرحمن يهبلون واضح انهم حليلين بس بنرجسية ولو انا ابقى الأجمل ضحكت وجد ثم سألت : ايه نسيت اسألس جت اخت احم احم ؟ اردفت باستغباء : اخت من ؟ وجد: تعرفين من اقصد لا بغضب لاتسوين نفسس غبيه : اها عرفت من تقصدين مادري والله جت أو لا ؟ بسأل امي اذا رجعت
وجد: طيب بتذكير لاتنسين بنفس اللحظه دق  جوال الهام وردت عليه : يلا خلاص جايه
رد عليها: تراس طولتي ماصارت والله عزيمه
اطلعي بسرعههه
الهام : طيب وسكرت وودعت وجد وطلعت وراحت مع اخوها
عند ليث (ابو ضاري )
صحت من النوم ونزلت تحت عشان تفطر جلست ولمحت وجه اخوها اللي شوي ويتشقق من ابتسامته قالت: بسم الله الرحمن الرحيم اللهم سكنهم مساكنهم وش فيك شوي ويتشقق وجهك ؟رد بضحكه : الله يسكنك انتي اهب ياوجهج قلي ماشاء الله الواحد حتى مايضحك عندكم ردت عليه باستهزاء:  الا يضحكون بس مو زيك قل قل وش عندك بخوف لايكون مسوي مصيبه وحاطها علي اعترف وش هي
رد بجديه شوي : ولا مصيبه ولا شيء بسخريه اليوم شكلج مخثرقه (مخرفه) ؟ قالت : ولا مخثرقه ولا شيء بس بعض الناس يخلونا نشك فيهم رد : عارف انج تقصديني اردفت : انا قلت ضاري؟ ضاري: مايحتاج تقولين انا اخوج واعرفج ردت : مادامك حافظني على قولتك ليه تسألني من اقصد؟ لف على ابوه : يبه شوفها وتقولي لا تناقر اختك ماشاءالله تشوفها هي الملاك البريئ وانا الشيطان رد ليث بعصبيه  : عيب ياولد ذي اختك من امك وابوك
لفت على اخوها وطلعت لسانها له وضحكت ثم قعدت وكانها ماسوت شيء ضاري بصراخ: يبههه امسكها عني لا اذبحها
ليث ببرود: جرب تلمسها وشف وش راح يصير لك سكت وخلصوا من الفطور يوم جت تروح لغرفتها مرت من عندها وبهمس : ياحرام ياللي بس يهايط وهو ماعنده ماعند جدتي ومن بعدها ضحكت وراحت صرخ : انا اوريج يا الجنيه صرخت من بعيد: انت الجني  مو انا وراحت ركض لغرفتها وسكرت الباب  قال : لا تحسبين راح تهربين مني ونزل وقعدت تضحك بشكل هستيري.