يا أملح من الدمع واحلى من الديم الملح كله .

البارت الخامس عشر

عند البنات

استغربوا من ورد يوم طلعت كانت متوتره يوم شافوا عبدالرحمن في المول عرفوا السبب وقاموا يضحكون  ودقت سلاف على ورد
قالت : الو وينج
ورد: ثاني محل على اليسار
سلاف : لا تتحركين جاينك
ورد : تمام
وسكرت وراحوا عند ورد وسالوها ليش طلعت
ورد بارتباك : شفت فستان و عجبني
البنات : كذابه قولي الحقيقه
ورد : هذي الحقيقه
البنات بخبث:  احنا شفنا عبدالرحمن هينا  لا يكون طحتي فيه
ورد باحمرار:  خلاص بعترف يوم كنت معكم بالمحل لمحته فيه وطلعت بروح المحل اللي قدامه يوم جيت بفتح الباب هو فتح واصطدمت بواحد يوم رفعت راسي لقيته عبدالرحمن وانا اصرخ وانحاش
ديم بضحك : الحين تلقينه يقول وش ذي البنت الهبله اصطدمت فيني وما اعتذرت وصرخت وانحاشت
سلاف بمزح : عاد انتي ياورد صرختج أعوذ بالله صرخه جنيه

ورد : بنات لا تكذبون صرخه خفيفه

ديم: خلاص لاتبكي صرختج خفيفه وتضرب سلاف على كتفها صح سلاف

سلاف بألم : صح
ورد :يلا مشينا للبيت
وفي طريقهم للكوفي اللي موجود فيه غيث عشان يمشون للبيت تذكرت ديم : بنات انتم رحوا  للكوفي وانا برجع نسيت العطر

قالوا البنات : خلاص اجل نرجع معاك
ديم : مايحتاج ربع ساعه وانا عندكم
وراحوا البنات عند غيث
قالهم : مين اللي باقي
قالوا ديم
غيث : وين راحت
البنات :  تبي تجيب عطر وتجي
غيث :  مفروض رحتوا معها
البنات : قالت مايحتاج
غيث بعصبيه : مفروض ماتخلونها لحالها انتم اجلسوا هينا وانا بروح اجيبها

عند ديم
ماتدري عند اللي صار مع البنات وتختار بين العطور على راحتها لاتحس بشخص واقف وراها لا تلتف يوم شافته غيث 
تنهدت : الحمدالله خرعتني
غيث بعصبيه : ليه ماجيتي مع البنات
ديم : نسيت العطر وخليتهم يروحون
غيث بصراخ : مره ثانيه تكونين موجوده معاهم وما تروحين لحالج
ديم : خير عسا ماشر تصارخ علي
غيث : بس يلا أمشى قدامي للبنات
ديم بعناد:  ماني رايحه
غيث : غصب تروحين خلي عنك العناد
وراحوا عند البنات
وركبوا السياره البنات وغيث معصب ونزل كل وحده عند بيتها  يوم جاء عند بيت ديم يوم جت تبي تنزل همس استودعتك الله الذي لاتضيع ودائعه في حفظ الرحمن