"සුදු බේබි!!!!!"
අද මැනුවෙල් ගෙනත් දුන්නු කිරි එක වෙනදා වගේ රස නැති එකට පුපුරු ගගහා ගල් බැම්ම උඩට වෙලා පුරුදු පරිද්දෙන්ම ඈත පේන කඳු වළල්ලට නෙත් යොමාගෙන හිටපු සුදු බේබි ගැස්සිලා ගියේ ඈතින් ඉදංම විලාප තියාගෙන එන නේත්‍රගේ සද්දෙ නිසා.
"දෙයියනේ නේත්‍ර ඇයි මේ?"
දුවගෙන ආපු පිම්ම සුදු බේබිගෙ ඇඟට පැනලා සුදුබේබිගෙ පපුව අස්සෙ මූණ හංගගත්තු චූටි නේත්‍ර ඉකිගගහා අඬද්දි,සුදුබේබුත් හරි හරියට නේත්‍රගෙ පුංචි සරීරෙ තමන්ගේ පපුව අස්සෙ හංගගත්තා.ටික වෙලාවක් නේත්‍රව සන්සුන් වෙනකන් නේත්‍රගේ පිට අතගෑව සුදු බේබි වදුරෙක් වගේ තමන්ගෙ අස්සෙ එල්ලිලා හිටිය නේත්‍රවට් අල්ලගෙනම වලව් වත්තෙ තණතුල්ලඋඩ ඉඳගත්තා.සුදු බේබිත් එක්කම කකුල් නවලා ඉදගත්තු නේත්‍ර තාමත් සුදුබේබිගෙ අස්සට වෙලා ඉකි ගහනවා.
"කියන්නකො මගෙ නේත්‍ර......ඇයි මේ?"
සුදු බේබි නේත්‍රගේ සිනිඳු කොණ්ඩෙ උඩින් හාද්දක් තවරන ගමන් කියද්දී නේත්‍ර තව ඩිංගක් සුදු බේබිගෙ අස්සට ගුලි උනා.
"මාව ගෙයින් දොට්ට දැම්මා සුදු බේබිඊඊඊඊඊඊඊඊ..........."
නේත්‍රා ආපහු පාරක් මහා හයියෙන් විලාප තියන්න පටන් ගත්ත නිසා සුදු බේබි ඔලුව දෙපැත්තට හරෝන ගමන් වටපිට බැලුවේ ලොකු මැණිකේ හරි මහමුදියන්සේ හරි වටපිටාවක ඉන්නවද කියල බලන්න.මේ වෙද්දී වලව් සිරිත් ගැන යම්තාක් දුරකට තේරුම් අරං උන්නු සුදු බේබි මේ වගේ නේත්‍ර තමන් එක සමසමව ඉඳගෙන ඉන්න එක මහමුදියන්සේ දැක්කොත් නේත්‍රට ගුටි කන්න වෙන බව දැනගෙන හිටියා.නේත්‍ර කාගෙන්වත් නියපිටින් පාරක් කනවට සුදු බේබි කැමති නොවුන නිසා සුදු බේබි එන්න එන්නම පරිස්සම් වුනා.
"ගෙදරින් දොට්ට දැම්මා?ඒ ඇයි?"
සුදුබේබි නේත්‍රගෙන් අහද්දි නේත්‍ර කලේ "දන්නෑ" කියන්න වගේ ඔළුව දෙපැත්තට වැනුව එක.හැබැයි නේත්‍රගෙ ඇඩිල්ල නැවතුනේ නැති තැන සුදු බේබි කළේ නේත්‍රවත් හිටවන්න ගමන්ම හිටගත්තු එක.
YOU ARE READING
නිවාලන්න මා...
Fanfiction"ලස්සනම දේ?" "නමේම තියෙන්නෙ......" "ආහ්?" "නේත්‍ර " ........................................................ "ආසම තැන?" "මෙතන" "ආහ්?" "සුදු බේබිගෙ පපුතුරුල" ......................................................... "නස් නාරං?" "ඔව්....නේත්‍ර ආසයිනෙ"...
