عواصف الديار

أعلان 🔥

#عواصف الديار 🔥

جميلاتي لاتنسون التصويت والمتابعه والتعليق بين الفقرات

نبدي على بركة الله
~~~~~~~~~~~~~~~~~~
الغلاف من تصميمي

أهَـلاً بَـكُم فيَ عواصف الديار
سَوف تشاهدون الكثير من الغل والطغيان
هيا بنا لنغوص معـًا ونعيش الحُب والفقدان

اين نحن ؟
في ديار الغل والشقاق
ينبعُ منهمَ الحقدُ والنفاق
الدَمُ في قاموسهم مُباحّ
جرمهمَ يقبض الأرواح
يحيكون القوة بالسلاح
منافقون اغبياء ، عاهرون جهلاء
ماكرون كفراء ، يسلبون دمٍ الأبرياء
هدفهم قتل هذهِ الأرواح ، وأحرامهـا من الحُب والافراح

من نحن؟
العاشقون ، الأوفياء
المنكسرون ، الأقوياء
الطيبون ، الأنقياء
وجدنا أنفسنا في منتصفُ ديار السفهاء
هدفنا انقاذ الأبرياءِ
لكَن ...
انهارت جميع الأسوار ورمتنا في عواصف الديار ..

بقلمَـي  زهراء الساعدي
__________________

خانتني دمعتي ونزلت من طرف مدمعي بدون لا يلاحظون مسحتها
يحلمون يشوفن دمعتي بعد ، مستحيل أخليهم يتشمتون

عضيت شفتي السفليه ودرت وجهي رمقتهم بنظرات كلها تحدي
تملئ عينهم الوقاحه ويتسرسل على وجهم الـ خبثَ

:- عليمن تباوعين بعد اكو غير مخطط براسچ تردين تنفذي ؟

:- شكم گلب كسرتو ؟ شكم روح كتلتو ؟
من يا طينه انتو شنو من قابليه عدكم ؟

تقدم من بينهم صار گبالي ورد مستهزء
:- أحمدي ربچ خليناچ عايشه صوتچ ما اريد اسمعه
اطلعي بره بدون مشاكل
لو متعوده على الأهاين وتردين اطلعچ بطريقتي

ضحكت بصوت بينت علامه الاستغراب على وجهه
باوعت بعيونه واردفت
:- شنو طريقتك راويني؟

رفع ايده راد يضربني لزمتها بقوة ولويتها
:- الأيد التنمد على بنتّ شهم تنبترتَ ما تنكسر

ظلو يباوعون بصدمة نترت ايده وتقدمت
صرت بوسطهم وحچيت بصوت
:- ماتت ذيج التقبل بذلكم وتسكت على جرائمكم
راح احاسبكم نفر نفر على افعالكم والله لأزين شواربكم
وادوس عليكم واكسر هذا خشمكم العالي
بالمناصب والفلوس وداعه عزيز گلبي
اسحلكم سحل وهذا قصركم التتفاخرون بي افلشه على روسكم قذرين

بصقت بالگاع واخذت ملابسي وطلعت
حرف واحد ما نطقو ظلو بس يصفنون
باوعت لبيتهم نظره اخيره  ظل گلبي يدگ سريع
قبضت ايدي وضربته بكل قوة ، ماريده يدگ الهم ولا يحن عليهم 
جريت نفس ورددت بحدهَ
:- حين تثور القوة لا مكان للقلب ابداً .....

_________________

يا مرحباا بالمشتاقتلهم 🥹
اجيتكم وجايبه وياي قصه ناررر🔥
مختلفه من كل الجهات وانتم راح تشهدون على اختلافها
قصة جديده وسرد جديد وبدايه جديده
توضيح القصه حقيقيه عمري🤍
ضيفوها للمكتبه حتى اول ما نبلش بنشرها يجيكم اشعار🙈
ابدأ بتنزيلها حسب حماسكم وتفاعلكم
إي استفسار على القصه هذا يوزر الانستگرام مالتي 👇🏻
zahralsadi