عواصف الديار

العاصفه الثالثـة وعشرون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

وَقفت أمام مِرآتي
وَقد بَانت على وَجهي خساراتي
أرى شَخصًا على المرآة يكرُهني
وَما أقسىٰ كُره الذَاتِ للذاتِ

جاي اتحلم مو حقيقه هاي مو أمي بوسطكم ....

صار وجهها ينطي الوان وسامر گاعد يضحك
انلزمت من وره باوعتلها وصرخت
- عوفينيييييي خليني اشوفهاا

- لا لااا مو هيَّ  اشششش

- شنو موهيَّ  هاي هيَّ  الواگفه گداميييي

- خلتولي لاتباوعيلها شوفيني باوعيلي

تقدمت أخذتني منها وشمرتني بالگاع
- علياء : شطلعچ يا خبله

- لا مو هيَّ مو إنتِ ماكو أم تسوي هيچ
تدرين بيه تدري شجاي يصير بحالي
اي تدرين بس أتمنى ماتدرين

- علياء : أخذيهااا ظلت ماتعرف تحچي
وعقابچ بعدين متقصده عفتي الباب مفتوح مو ؟
تردين تخربين اليوم شغلي

- لا ست شعليه بيچ والله مو اني

- علياء : لا إنتِ لأن ماكو غيرچ المسؤل عليها هنا

- والله مو اني عفتها نايمة وچنت احضرلكم الاكل

- علياء : كافييييي صعديهاااااا

سحبتني من أيدها ومثل الريشه انرفعت
صعدتني فوگ واني صافنه
عقلي شارد ما مستوعب
دخلتني للغرفة وگفت يم الباب تريد تطلع
- گليلي شسوي ابچي شلون ابچي وارتاح مابقن عندي دموع
حاچي گليله ينطيني حبايه اريد انام

بدون لاترد عافتني وطلعت
ضربت الباب وركعت نفسي بالحايط وماكو جواب منهم
معقوله الشفته ؟  هيَّ بوسطهم ! يعني تدري بيه هنا
وممُكن هيَّ إلي الخططت ويا على خطفي

ليش هيچ سوت مو تتسمى أم !
ليش من دون الأمهات الرحمه ما مزروعة بگلبها
ليش ماتحبني ليش جاي تعذب بيه ؟