عواصف الديار

العاصفه الخامسـة وعشرون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

شـايف من تحـس الـوجـع يآكل بـيك.!
تـشوف الله الوحـيد المعتني بگلبك

عقدت حاجبي مستغربه شتقصد
فتحت الموبايل وتقربت مني شهگت خايفه
من شفت صور الاوراق ....

عضيت شفتي السفليه بتوتر شلون گدرت تاخذ موبايلي؟
- رسن : طلعتي مو هينه ملعونه تردين تخربين
القصر من تالي ؟ لچ اجت شيوخ وكبار وماگدرو يهزونه
تالي وحده فگر مثلچ تجمع ادله ضدنه ؟

رفعت الصندوگ وشمرت الغراض البداخله
أخذت الوردة وظلت تگطع بيها
- سحر : وردة العاشگها ورسائلة محتفظة بيهن الخاينة

مشيت المن بيهن ، لميت بقيه الوردة
داست على ايدي وعصرتها بالگاع بقوة
كتمت صرختي ونزلت دمعتي احر من الجمر
اجتني رفسه من وره گطعت نفسي
عفت كلشي لميته ولزمت ظهري
تقدم سحبني للغرفة شمرني بالگاع قفل الباب وتقدم
وگفت بوجهـة وصرخت
- هاا تريد تبدأ بجريمتك تغتصبني وتضربني
عبالك راح اسكت ههههههههه لااا ماتت ذيچ التسكت

راد يتقدم دفعته وتفيت
- اگص راسك واحرگ جثتك لو تقربت

- سعد : كبر راسچ من حسبتچ مرة

- هههه يايوم حسستني اني مرة ؟ شو خلصتها وياي
غلط وضرب واهاين تجي مثل الحيوان تاخذ التريده
وتبصق بوجهي ويم اهلك صاير طلي
كافي بعد كافي كلشي انتهى وراح ادفعك الثمن غالي

- اللسانچ

ضربني راشدي وگعني بالگاع
وگفت صرت گباله ركزت بعيونه ثنيت شفتي واردفت
- ياغلطة عُمر باگت لـذة العشرين

- سعد : لمي ملابسچ واطلعي بعد مالچ گعده هنا

- أصلًا اني الراح اطلع ومستحيل ابقى هنا
بسجن عفوًا بقصر مليان ظلم وحقد
مليان ارواح بريئة مقتولة
ماريد يأثر ظلمكم على ابني ويصير بي شي

تراجعت فتحت الكنتور الم ملابسي
لميت كلشي يخصني ويخص ابني
باوعت للغرفه فرغت من ملابسنه
وغراضنه نهائيًا حتى المشط اخذته وياي اخاف
منهن حقيرات يسون السحر إلي وهنَّ مغمضات
وطول هاي الفتره الاني بيها يمهم
مستحيل خليتلهن فرصه يلمحن شي يخصني
حتى ملابسي مبللات واشرهن يمي بالغرفة