عواصف الديار

العاصفه الخامسـة

#عواصف الديار 🔥

بقلمَـي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
____________

كان درساً عظيماً ، كلفني قلبي بأكمله

زحفت ادور علي ، ماگدرت اقاوم اكثر كحيت التراب
ونزلت راسي للأرض عيوني بدت تغوش  ونفسي صار سريع
رنت أذني ودگات گلبـي صارت سريعة
بادت روحي وماحسيت بعد بشي ......

فزيت على صوت ضجيج
فتحت عيني وغمضتها اكثر من مرة يلة گدرت اشوف بوضوح
باوعت بتعب لارجاء المكان ، غرفة مابيها غير السرير
صوت جهاز القلب يرن بأذني ، المغذي معلگ بأيدي
رفعت ايدي اليسرى تلمست راسي ، ملفلوف وحراره الدم ظاهرة
بره عصرته بقوة اريد اتذكر الصار وياي
- شجابني لهنا ؟ وين چنت أخر مرة !!

ضربت على جبيني اكثر من مرة
ربع ساعه يلة استرجعت ذاكرتي الاحداث
- اني چنت وياا !! أخر مره زحفت ادور علي وانغمى عليَّ

نهضت من السرير بهلع ، شلعت الكانونه والاجهزه
ظلت ايدي تنزف ما اهتميت ، امشي واعرج بملابس العمليات
اطوطح بل ممرات اخذتني اقدامي لصوت الضجيج
ناس تصرخ ناس تركض ، رفعت عيني شفت هذا باب الطوارئ
صرت اهرول بين الناس بالرغم من مأساتهم رمقوني بنظرات تعجب
صرت يم الباب مديت رجلي اليمنى  اريد اطلع
صارت ايد على كتفي سحبتني للداخل
- مجنونة انتِ شنو هذا المنظرر !!

نترت ايدها ورديت - اي مجنونة ابتعدي مني

- عفوًا هاذي مو مصحة للعقول المن جايبنچ هناا ؟

- اولاً اني ما اجيت هنا انتم الجبتوني
ثانياً وكـ معلومه ألچ المجنونة ماتعترف وتگول اني مجنونة

نظرتلي من رجليه لراسي رفعت حواجبها الثنين ماعاجبها الوضع
ردت اطلع ثاني مره استوقفتني
- انتِ مسؤله من عدنه مايصير هيچ اطلعين
باوعت لأيدي وكملت
- اظاهر هاربه منا لأن حتى الكانونه خالعتها

- هاربه مجنونه كلشي البيه انتِ مالچ دخللل
رفعت اصبعي وأشرت للوراها
- روحي ساعدي هذول الناس احسن من ثرثرتچ الزايده