عواصف الديار

العاصفه الثامنـة

#عواصف الديار 🔥

بقلمَـي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

أحبك بالقصيدة أستحي من احچي وياك ❤️

بنص الليل والكهرباء طافيه
فزينه ثلاثتنه على صوت صريخ بنيه راج الديره رج ...

لزمت ايد آن مرعوبه وهيَّ حضنتني ترجف
صوتها كان مرعب ويقشعر البدن
گامت عميمه وصارت ادوس علينه وتتعثر
ولسانها يردد بجملتين فقط
- نواهل : هذاا صوتهاااا ، هذااا صوتهااااا !!!

شغلت فلاش الموبايل .لبست شيلتها وطلعت تهرول
طلعت وراها اريد افهم شصاير !!
لزمت آن طرف ثوبي وصارت تهرول ويانه
شفته الناس ملتمه گبال باب صاير مقابيل بيتنه
واحد منهم دفره ودخل من بينهم دخلت عميمه وراحت جوه
التفت لـ آن انطيتها الموبايل
- لا ادخلين وراي ابقي هنا

هزت راسها ترجف عفتها ودخلت وره عميمه
نصعقت من المنظر وبالرغم من الظلمة
وبس فلاش الموبايل يضوي نبهرت بجمالها !!

بنيه سبحان الخالق شعرها وصل لركب رجلها ويلمع من شده الشقار
حاضنه عميمه وكل جسمها يرجف تقربت شلت الچرجف
وخليته على راسها كانت تهذري بالكلمات وماتعرف شتحچي
سحبتها وطلعتها بره
- نواهل : كلمن لبيته يلة

تعرفهم راح يگصونها ويألفون الف سالفه عليها
اطشرو وراحو لبيوتهم دخلتها يمنه گعدتها بالغرفه تهدي بيها
- نواهل : جيبي ماي الها

هزيت راسي ومشيت صبيت گلاص ماي
اجت آن وراي فززتني
- وگعتي گلبيي !!

- آن : جاي شيصير منو هاي وليش عميمه رجفت عليها ؟

- ما اعرف خلي نروح ونشوف

مشينه للغرفة قدمت الماي شربتها
بعدها حضنتها مثل الطفل وظلت تمسد على راسها
گاعدين صافنين نريد نفهم كلشي مافهمنه
نامت ودمعتها علىٰ خدها خلت راسها على المخدة
غطتها وثبتت الموبايل گبالها حتى لا تخاف من الظلمة
گامت للصاله اخذت موبايل آن شغلت الفلاش ورحنه وراها

گعدت على القنفه تجر بالنفس
- آن : منو هاي وليش هيچ تصرخ

- وليشش محد ساكن وياهاا !!