عواصف الديار

العاصفـه ثلاثون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

شعندي غيرك يا حزن عيني وبچيها ❤️

من دخل علينه علي شايل آن ....

هرولت شهرزان الها و آن صرخت بصوت
مثل صوت الطفل توقفت خايفه تباوع
وعلي بالضيم حاله

خلاها على القنفه وباوعلنه غمض عيونه
بمعنى بعدين افهمكم
تقرب منها وظل يهمس بأذنها
وهيه بس تصرخ وتحرك بأديها ورجليها مثل الطفل

وگعت شهرزان وظلت تبچي
- اختي شبيهااا شسووه بيهااا

- علي : تخاف من الاصوات صوتچ اشش

خلت ايدها على شفايفها كاتمه صوتها
وهوا يهدء بيها
طلع شريط حبوب من جيبه شربها وره دقائق نامت
اخذ الشرشف غطاها والتفت علينه
- علي : امشو للغرفة افهمكم

دخل للغرفة واحنا ورا
گعد مسح شعره و وجها بحيره
- شهرزان : بس فهمني شبيها

- علي : سامر مفقدها عقلها ناهيها نهي
كل السوته مو بوعي فاقده
حتى
جر نفس بتعب وكمل
- حتى تدرر على نفسها بدون لاتدري

- إيهاب : شلون لگيتها و وين ؟ وهسة سامر ال**** وين

- علي : لزمو الشرطه راح بالسجن

- شهرزان : شسوه بيهاا ليش هيج !!

دنگ راسه وبده يسرد النه الصار بالتفاصيل

...

- علي : من خابرت شهرزان عليه وگالت شفت سامر اجيت متخبل
طلع من البنايه راقبته
حس عليه وحاول يتيهني منه ماگدر
طلبت مساعده من صديق إلي بالاستخبارات
خطيه اجه وجاب ويا هواي ضباط

ظلينه يومين نراقب لحد ما توصلنه وين گاعد
ماقبلوا يقتحمون اله نتأكد من وجودها
وانه گلتلهم ادخل واشوفها بعيوني موجوده لو لا

بدلت واتقمصت دور المحتاج
ظليت هواي اتوسل واقنع بيهم
بالگوة يلة قنعو الحراس ادخل
طرقت الباب طلعت مساعده گلتلهه محتاج
دخلت تجيبلي وعافت الباب مفتوح