#عواصف الديار 🔥
بقلمَي زهراء الساعدي
جميلاتي لاتنسون التصويت والتعليق بين الفقرات
+ متابعه لحسابي 💋
______________
مـات الولد مـات ..
باوع لعبدالله بعدها رفع راسه ابتسم بخبث واردف
- سعد : مثل ما أذيتينه راح نأذيچ بأغلى شي تملكينه
مثل ماخليتنه سالفه بحلوك اهل الديرة راح نخليچ سالفه
بس مو أي سالفه ، چچ سالفه حزينه وحزينه جدًا .....
حچه هيچ وطلع صرت اتحرك مثل البيها صرع جواهم
وهمه ولا يهتزون مقيديني بأقوة ماعدهم من حيل
من طلع وره فترة زمنية عافوني وطلعو
وگعت بالگاع ما اگدر اگوم رجليه ماتشيلني
صرت ازحف لحد ماوصلت لعتبة الباب
استندت على الحايط و وگفت
طلعت للدربونة اهرول وگفت بالنص اتلفت
مابقى إلهم اثر أخذو ابني وراحو وماعرف وين
بثوبي وشعري الطالع ورجليه الحافيات هرولت بقوة لبيتهم
اسمع اصوات الناس وراي توقفتي
لكن ما استجابيت الهم ، عقلي مشوش وعيوني مغوشه
وصلت صرت اطرق بالباب الكبير بإيدي الصغيره
اطرق واصرخ من اعماق روحي
ما اجاني جواب ولا انفتحلي الباب
وگعت هلكانه ، راحت قوتي وضعفت
ضعفت لكن هالمرة ضعفي غير
ما اگدر ابچي وانطي لنفسي وقت وارجع قوية
ما اگدر اتحرك نهد حيلي وراحت روحي ويا
اني حاليًا اضعف وحده بالدنيا من ناحيه الروح والجسد
أغلى ماتملكه في هذه الدنيا الام
ضناها ، وتعبها ، وآملها
تصير وحش وتفقد عقلها لو تقربو لأحد اولادها
شعور ولا ابشع منا
قطعه من قلبي نشالت وانوخذت بإيدي الضلام
سمعت صوت وراي ام نور اجتي وأخذتني
ماقبلت ادخل جوه وظليت گاعده بالباب
- ام نور : هوا ابو مستحيل يإذي
هزيتلها راسي وثنيت شفتي
تگول ابو حقها ماتعرفهم شنو هذول
علمود سمعتهم وصيتهم وفلوسهم ومنصابهم
يأذون ابنهم واخوهم وامهم وابوهم
ماعدهم مشاعر ولا رحمة وحوش مو بشر بالديرة
أنت تقرأ
عواصف الديار
Mystery / Thrillerأهَـلاً بَـكُم فيَ عواصف الديار سَوف تشاهدون الكثير من الغل والطغيان هيا بنا لنغوص معـًا ونعيش الحُب والفقدان .. باللهجه العراقية روايـة حقيقيه ، بقلمَـي زهراء الساعدي توضيـح لا احلل اخذ الروايـة ونشرها اطلاقاً
