عواصف الديار

العاصفه الثالثـة

#عواصف الديار 🔥

بقلمَـي  زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋

____________

احنا المتعبين اهلنه
مدري المتعبينه اهلنه  

تبسمرت بمكاني من گال
- ارجعي لبيتكم اختچ مالها رجعه وياچ راح تنسجن ....

عجزت اطرافي عن الحركه ظليت  بس صافنه
حسيت نفسي بدوامه افتر راسي  فر
بأخر طاقه عندي صرت ادافع واضرب بيهم
واحد منهم دفعني وگعني بالگاع
- حقراءعوفوهااااا

ما اهتمو لكلامي واخذوها
ظلت بس بعيونها تتوسل بيه انقذها

طلعت بدون لا اباوع وراي
عميمه تركض  وتحچي تريد تلحگ بيه
- نواهل : يمه گلبي راح يطلع من مكانه انتظري

انسدت اذاني صرت ما اسمع وعيوني ماتشوف شي
غير منظر اختي من يسحلون بيها
قبضت ايدي وصرت اضرب بگلبي
- ريت اني ابدالچ ياعزيزه گلبي سوده ابوجهييي امدانيي

جرتني من ايدي و وگفتني
- نواهل : سميي بالله لا تتسودنين عليه

اشهگ واحچي - عميمه اخذوها اخذوهااا

- نواهل : اذا ظلينه بهذا البچي ما نگدر انطلعها
اسكتييي خلينه نفكررر

- شنفكر عميمه راحتتت اختي راحتت

سحبتني واخذتني للبيت
دخلنه و وجهنه فارغ گعدنه بالطرمه حايرين
- عميمه ندفعلهم فلوس ؟

- نواهل : للمركز لو لصاحب المعمل

- المنو لازم ادفع ؟

- نواهل : اظن لصاحب المعمل لأن هوا الرافع الدعوة

- نروحله ندفعله شگد مايريد

صفنت تفكر بعدها جاوبت
- نواهل : گومي امشينه اله

حتى مادخلنه جوه گبل طلعنه
وصلنه للمعمل ماموجود انطونه عنوانه واتوجهنه اله
صرنه بمنطقة شبه مهجورة
بين مسافه ومسافه يله نشوف بيت
على الوصف وصلنه يم بابه نزلنه خايفين
دكينه اكثر من مرة يله طلع النه حارس
- نواهل : ابو البيت موجود