عواصف الديار

العاصفه عشرون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________
بخت ينراد حتى نعيش مرتاحين

بلحظة خوف وتوتر رفعت السچين وهرستها بصدره ....

بهل لحظات نشلت رجلي عن الحركه ظليت بمكاني صافنه
ابتعد وبقت السچين مچلبه بصدره
نزف دم كلش قوي .رفع ايده سحبها والدم ظل يطلع مثل النافوره
شالها ورجع يريد يضربني ركضت للباب اصرخ
فتحته صار بوجهي إيهاب شافني انصدم من وجود الدم على أيدي
هزيت راسي بالنفي  واردفت
- والله ماقصدت ماردت اكتله

رمش أكثر من مره ما مفتهم دفعني ودخل
انصدم أكثر من وجود حامد واگع
التفت عليه عيونه حمر
- إيهاب : شصار نورس

وگعت اشهگ اجاني يهز بيه
- إيهاب : احچي لاتخبليني شصار شسويتي !!!

بالگوه تطلع الكمات مني
- كـ كتلته والله والله هددته گتله لاتتقرب اضربك

- إيهاب : شراد يسوي ؟

- مـ ما ادري بس گال تردون تهربون قبل ما أخذ حقنه

گام مني صار يمه دفره وبصق
- إيهاب : حيوانننننننن

زحفت يم رجلي اتوسل - راح يموت أخذه أخذه

- إيهاب : خلي يموت هذا العار الديره تهز هندي وحگ علي

- ماريد انسجن

باوعلي خايف وكأنو هسة يلة استوعب
تقدم رفعه من الأرض وصل يم الباب دار وجهه عليه واردف
- إيهاب : نظفي الدم

عافني وطلع لميت روحي اشهگ
كل ذره بجمسي ترجف
نظفت الدم وغسلت اديه وبدلت طلعت من الحمام شفت إيهاب
تشنجت بمكاني خايفه - مـ مات ؟

- إيهاب : هم يوم سامعه بالعار يموت !!

وگعت بالگاع فرحانه
- إيهاب : گومي يلة اليوم مسافرين

- اليوم

- إيهاب : اي اليوم هذا ال*** مارفع دعوة عليچ
وادري ضاملچ مصيبه

وگفت ارجف هرولت للغرفه صرت الم بالملابس
خلصت كلشي وطلعت شفته گاعد يدخن ويهز برجله
- إيهاب : خلصتي ؟