عواصف الديار

العاصفه العاشـرة

#عواصف الديار 🔥

بقلمَـي  زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

حقا أحبك إنّي لست أُنكره
وكيف أنكر بي ما الله مُبديه!
هل ينكر الطير غصنا كان يحمله؟
أم ينكر الزَهر غيما  كان يَسقيهِ ؟

نسحبت للدكان ونحصرت علىٰ الحايط
طاح الموبايل مني ماگدرت المح المقابيلي منو
ردت ادنگ خنگني من رگبتي وثبت راسي
خله ايده علىٰ حلگي مانع صوتي يطلع .....

رد بلفيح - اششششش

عقدت حاجبي الصوت مو غريب علي
رفعت اديه زلغت ادي ودفرته ابطنه ابتعد متألم
دنگت للموبايل اخذته وخليته بوجهه
نصدمت من شفته اردف بصدمه
- غزاله !!!!!

نعقد لساني عن الكلام انفتحت البرده دخلت عميمه
شايله توثيه و وراها البنات يضون الها
شهگت هيَّ ونورس وگالن بصوت واحد
- إيهاب

ظليت صافنه صدمتين نفس اللحظة
ضحك بصوت وحضنهن
- إيهاب : مشتاگلچن يابعد عافيتي

- نواهل : شجابك !!

- إيهاب : شني مافرحانه بيه ؟

- نواهل : راح اطير من الفرح بس خاف صاير شي ؟

- إيهاب : ماصاير اخذت اجازه واجيت

لمحت أثار بوجها قربت الفلاش لوجها ضيگ عيونه
- نواهل : شصاير بيك

- نورس : شنهايي ليش هيچ وجهك

- إيهاب : بعددد اصرخن ولطمن هنه زلغتين

- نورس : وجهك متأذي يا زلغتين ؟

- إيهاب : هسة شني نبقى واگفين هنا

- نواهل : شهرزان ليش هنا مافهمت الصايرر

- إيهاب : وصلت للديره هسة وخلصن جكايري
شفت الشباك مفتوح دخلت منه ارد اخذ بدون لا ازعجچن
داهمتني ست شهرزان عبالي حرامي والله