عواصف الديار

العاصفه الثانيـة عشر

#عواصف الديار 🔥

بقلمَـي  زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

ثِگلن آحلامي على عيوني و بچـيت

رجع للبيت واني دخلت  الابتسامه شاگه حلگي
والفرحه منتشره بانحاء جسمي شفت آن حضنتها فرحانه
- آن : اريد بالتفاصيل تسولفيلي الصار

- كلام عادي وغزل  يخبل

- آن : يمة يمة الحُب

ثنيت شفتي ورديت
- نامي يلة باچر ورانه جامعة
عيبت عليه وراحت تخابر

تلفلفت بفراشي وي اضطرابات عقلي
مديت ايدي على گلبي ينبض بقوه وطاير مثل الفراشات
أحساس اول مرة أحس صرت اشم بنفسي ادور عطره
كلماته ترن بإذاني وعيونه ماتروح من بالي ..

ثاني يوم بالجامعة ماشفت إيهاب نحصر بالامتحانات النهائيه
مايگدر يوصل إلي ويسولف طلعت للكراج انتظرته
ربع ساعه يله اجه
- إيهاب : اغتصبو اخلاقي وحگ علي

ضحكت بصوت ورديت
- خلصت السنه تسخيت طبعًا هسة تنحصر هالحصره

- إيهاب : يابه نعلوني نعل

- جاوبت لو لا ؟

- إيهاب : سحلتهن مثل ماسلحتيني بحبچ

- اعتبر نفسك ناجح

- إيهاب : تعرفين نفسچ بربو*

شهگت ورديت - شنوووو

- إيهاب: زلت السان ولعباس

- خزرته من المرايه وهوا ظل يتعذر
وصلنه يم جامعة آن اجتنه تركض
- آن : نحمست حمس من الشمس شصار بيكم

- ازدحامات

صعدت مزعوجه شغل الها تبريد يلة هدت
طول الطريق يباوع لعيوني توترت من نظراته
رفع موبايله يراسل .ما اجاني اشعار چا هذا ويامن يحچي؟
سويت نفسي ادنگ تقدمت  ودنگت راسي وعيوني معلگتها علي

اجاني اشعار رساله طلعت منه
" بربر ماگو داعي لهاي السوالف العين ماتشوف غيرچ "

- شنو بربر ؟

- إيهاب : بربو* بس لابسه ملابس