#عواصف الديار 🔥
بقلمَـي زهراء الساعدي
جميلاتي لاتنسون التصويت والتعليق بين الفقرات
+ متابعه لحسابي 💋
______________
فراشاتي اتحملو الاحداث
لزمو اعصابكم عُمرييي وأخذو من كل حدث عبره
خلونه ننتظر النهايه ونشوف شراح يصير بعدها نحكم💋
هدم روحي بكلماته واعتابه دخلت جوه خليت ايدي على گلبي
صرت اتنفس بصعوبه
مو سهل الفراگ اصعب من الموت
دخلت للحمام جوه الماي ابچي واشهگ
أول مره ما اكون گد كلمتي
المفروض ما ابچي وأضغط على نفسي مثل كُل مره
بس ما اگدر ماكو شي يصبرني غير البچي
طلعت لفيت شعري ودخلت بالفراش
صرت ارجف كلشي مر علي كلماته لمساته غزله
عيونه ولمعتهن
شقانه ضحكنه
مستحيل اگدر امحي كلشي وكأنو شيئًا لم يكن
تذكرت كتاب المذكرات
وگفت أخذته وطلعت للدكان فتحت الشباك وگعدت
فتحته وشفت المكتوب من رايحه اعترفله وشگد چنت فرحانه
أخذت ايدي القلم وهيه ترجف من البرد والاغلب من القهر
صرت ابچي واكتب
عيوني ورمت وصارت تحرگتي بس دموعي ماتبطل جاي تنزل
بدون ارادتي حسيت براحه شوي من كتبت كلشي بداخلي
رفعت راسي شفته واگف يدخن ويراقبني
تبهذلت صرت ماعرف شسوي وبحركه سريعه غلقت الشباك
عضيت شفتي السفليه وصعدت شهگاتي البعلومي
رفعت راسي ورددت
- يأرب هديني طفي الجمره البروحي هون علي المصايب
هلمره الاختبار صعب ياربي هونها علي
اجت عميمه صارت ورا ظهري خلت ايدها علىٰ كتفي
- نواهل : روحي صلي ركعتين علمود تهدأ روحچ
وبأخر سجده رددي
اللهم بك أستعين وعليك أتوكل اللهم ذلل لي صعوبة أمري
وسهل لي مشقته وارزقني الخير كله أكثر مما أطلب
واصرف عني كل شررب اشرح لي صدري ويسر لي أمري يا كريم
وسوي تسبيحه فاطمه الزهراء ماتقصر وياچ مولاتي
هزيت راسي ومشيت رجعت كتابي وتوجهت للصلاه
صابني الهدوء والراحه دخلت لفراشي ونمت
گعدت ثاني يوم عيوني ما تنشاف تخوف من الورم
اجتني آن فكت حلگها مصدومه
- آن : بخطبتچ هيچ عيونچ ؟
أنت تقرأ
عواصف الديار
Misterio / Suspensoأهَـلاً بَـكُم فيَ عواصف الديار سَوف تشاهدون الكثير من الغل والطغيان هيا بنا لنغوص معـًا ونعيش الحُب والفقدان .. باللهجه العراقية روايـة حقيقيه ، بقلمَـي زهراء الساعدي توضيـح لا احلل اخذ الروايـة ونشرها اطلاقاً
