عواصف الديار

العاصفه التاسعـة

#عواصف الديار 🔥

بقلمَـي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

شگد لگيت وجُوه سمرهَ وماعثرت ألا بـ سمارك💙

" بدأ العد التنازلي للنهايه لم تتبقىٰ الىٰ أيام معدوده "
جمدت اطرافنه ونعقد اللسانه عم الصمت بانحاء المكان
شهكت نورس وخلت اديها على وجهها تبچي
احتميت بشهرزان وصرت وره ظهرها عميمه وگعت بالگاع خايفه
بس شهرزان البينه بقت قويه وما خافت
- شهرزان : شبيچن صدگ عود ؟؟؟
لاتخافن هسة يطلع واحد سكران وحرامي وراد يخوفنه

- نورس : همَّ  اجوني يردوني انيييي

- شفتي شمكتوب ؟ لا فدوه اريد اعرس ماريد اموت

- شهرزان : اششش اشش كلشي ماكو يلااا گومن نرجع للغرفة

گومنه نورس ورجعنه گعدنه بالزوية وعيونه على الباب
- شهرزان : شگد خوافات اوي

- ومساعه منو الكمز من گالت نورس سمعته حچه ؟

- شهرزان : اي يعني توقعته وراي واني ما متحضره

- المن ؟

- شهرزان : لسحلته

- بالضيم إنتِ

- نواهل : طالعه على عمتها ماتخاف

- مبين من تعابير وجهچ

- نواهل : جاي اسمع صوت علي وينه !!

- ياااا نسيته بالدكان

- نواهل : وعايفته يصيح

وگفت يم باب الغرفة خايفه اطلع
- يا يا والله من وره الخوف شهرزان جيبي الموبايل

طلعت بالظلمة راحت جابته واجت
- الووو

- علي : سُكررررر هاي إنتِ

- ايي نسيت الموبايل بالدكان

- علي : اشتعلتتت صفحتچ
سدا بوجهي رجعت دگيت مايجاوب
شمرت الموبايل ورحت توضيت وصليت
الخوف طاغي على ملامحنه والصمت موقفنه
صار الفجر وطلع الضوه بدلنه وطلعنه نورس نزلت يم المستشفى
واني يم جامعتي وشهرزان راحت لجامعتها
دخلت ما طايقه نفسي وكُل تفكيري يم علي
حاولت اتصل بي لكن ما احصله حضرت بس المحاضره الاولى
الباقيات ضربتهن وگعدت بالحديقة اتصل واتصل وهوا ماكو
طگيتها بـ بچيه وشمرت الموبايل
دنگت اتفحصه شفته تفلش عضيت شفتي السفليه متندمة