عواصف الديار

العاصفه الرابعـة عشر

#عواصف الديار 🔥

بقلمَـي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

رش الدرب تيزاب حافي اعتنيلك
چا شلي برجليني الماتجيلك !

رديت برجفه
- سـ سامر ....

تقدم وضحك بنبره خبيث
- سامر : بشحمه ولحمه انه سامر الاتفقتي وي العصابه علي

هزيت راسي بالنفي - لا والله لا

قبل لايرد صرخت سمراء انتقلت نظراتنه الها
شهگت من شفتها سابحه بالدم ضحك بصوت اعلى
اتقرب يمي همس بخبث
- سامر : رجعتلچ ، وماعوفچ بعد اله اخبلچ

راح صعد بسيارته ومشه كعدت بالگاع اصرخ
طلعت عميمه خايفه شافت سمراء ظلت تلطم
لبست عبايتها وشالتها عقلي انسطر سطر
هذا سامر شنو هلصدفه شجابه علي من جديد !!

اهرول بس بدون وعي ماشوف شي گدامي
صرنه يم السيارات أجرت عميمه تكسي وتوجهنه للمستشفى
طول الطريق تدعيلها وسمراء تبچي
نزلنه نركض ونسينه ندفع كروه خطيه الزلمه راح وما اخد
دخلنه للطوارئ اخذوها وراحو شگد لون العباء اسود
دمها صبغها وسواها حمره النزف النزفته مرعب

گعدت على جثماني جمدت من المنظر
ومن رجوع سامر لحياتنه جملته الأخيره ترن بأذني
هذا فاهمني غلط وناويلي على نيه سوده  ...

رجعت عميمه تتسأل ماگدرت احچي لساني انربط
اجت ام سمراء تركض ولبنات وياها بهل اثناء
طلعت الممرضه تقدمت حچت بتأسف
- الله يعوضكم سقطت الطفل وحالتها مُزريه البنيه لأن تخيطت

عضيت شفتي عقلي نسى حامل ونسى يفهم الممرضه
عميمه وامها ظلن وحده تباوع للثانيه ولبنات وجهن اصفر
لطمت علىٰ رأسها واردفت
- أم سمراء : سويتيها  يسمراء غطيتي وجوهتنه بالگاع

طاحت من طولها ركضنالها نصدمت وخليت ايدي على حلگي
من شفت شفتها معوجة صرخنه اجن الممرضات شالنها
دخلنه وراها للغرفة طردونه ظلينه بالنص حايرين
لمنو نروح وعلى منو نطمأن ..

ضربت ام سمراء جلطه والحمدلله عبرت
وسمراء سقطت الطفل بس بعديش عميمه وامها درن
رجعنه لبيتنه گاعدين بالغرفة وحده تباوع للثانيه
حچت بتعب
- أم سمراء : منين حبلتي ؟