عواصف الديار

العاصفه الثانيـة

#عواصف الديار 🔥

بقلمَـي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
____________
هلي أنتم سبب حزني
عكس ما اريد تدعولي علىٰ مصله
طحت طيحة دمع عالگاع
محد گالي اسم الله

جمدت من شفت المنظر واهتزت كُل ذره بجسمي
حاصر طفل وره المكتب ونازع جزء من ملابسه
منظر يلعب الروح ويسطر العقل 

احتاريت شسوي اصرخ وافضح روحي
لو ادخل واورط نفسي
لو اطلع واعوفه وكأنُ شيئًا لم يكن
ما انطاني گلبي وحسيته اخوي الصغير
دفرت الباب ودخلت

التفت علي والولد ركض إلي
حضني من وره وظل يشهگ بخنگه
سيطرت الرجفه على جسمي ماعرفت شسوي
ظليت واگفه واصفن

باوعت للطفل بيده علاگه مال جكاير ورصيد
لزمته من ايده واخذته وياي

صرت امشي سريع وما التفت وراي
عبرت الشارع وانطيت المحفظه لإبوي
درت وجهي على الطفل ونزلت لمستوى
بعدت اللثام ابتسمت وهوا بادلني الابتسامه
- سوالك شي؟

دنگ راسه ورد
- لا ما سوه

- حبيبي بعد لا تجي هنا هذول وحوش ما يرحمون

- چا وين اروح هذا رزقي

- روح لأماكن عامه ومفتوحه لا تدخل معامل لو محلات

- ليش ؟

- لأن بعض العدنه نفوسهم ضعيفه ومايخافون الله
ويسولك اشياء مضره

- بعد ما ادخل للوحوش

مديت ايدي ورددت - وعد هذا ؟ توعدني ما تدخل بعد

لزم ايدي واردف - وعد للموت

بست اديناته الصغار تقربت يم أذنه وهمست
- العالم وحوش على هيئه بشر لا تنغر بيهم

هز راسه متفهم حضني وراح
ظليت اباوعله بقهر ، الله يعلم شنو قصته
وليش هيچ يطلع يشتغل ابدال ما يتواجد بالمدرسة
يارب يوفي بوعده ومايدخل أماكن مغلقه