عواصف الديار

العاصفه السادسـة وعشرون

#عواصف الديار 🔥

بقلمَي زهراء الساعدي

جميلاتي لاتنسون التصويت والتعليق بين الفقرات
+ متابعه لحسابي 💋
______________

شَايف مِن اشِتاگله ومَاگدر احچِيله؟
مِثل اليحِب الله ومَا يصَليله ..

مر اسبوع واني هنا رجعت لبيت عميمة
رتبتـة ونظفته من الغبار رجعت سحبت خط مولد
طلعت مكينتي وبلشت اخيط من جديد

عيني على الاوراق والفلاشات
اسويها وأروح اقدمهن لأقرب مركز واشكتي ؟
اي يستاهلون لحد أخر لحظة من طردوني
بگلبي مسامحتهم وگلت اعوفهم همه و الله
بس من ثاني يوم اجاني سعد وخله المسدس براس
عبد الله ألي هوا ابنة المامعترف بي حتى يهددني
عرف نقطة ضعفي وخوفني بيها

نشالت الرحمه والتسامح من گلبي
من خلاني أتنازل على كل حقوقي واتطلق منه
بدون لا أخد حقي وحق ابني وحضانه شهم
كلشي صار تحت تهديد قتل أبني
أخذ كُلشي وخلاني اتنازل لصالحه بالقوة والسلاح

صالي اربـعة أيام من بديت بالعده
معتزلة عن العالم الخارجي
يومي يخلص ابين الخياط وعبد الله
حتى اكل ما اكل من وره الوحده التكتل

فزيت على صوت طرقات الباب
بچة عبد الله خايفه رحتله
نايم بكركوتة
خطيه وحده من الجيران انطتة ألـة

بسته وهديته
فتحت الباب طلعت وحده من البنات
تريد كلابيتها انطيتها إلها سلمتني الفلوس
بستهن وخليتهن على جبيني هذن اليوم اروح اجيب
حليب وحفاظات لشهم دخلت تمددت بصفة
اهز بي وسارحة بعالم افكاري المتشتتة

طردت الافكار وفتحت موبايلي الجديد
سجلت بالفيس بحساب جديد
بحثت على اسمه نبض گلبي بقوة من شفت صورتة
دخلت على حالتـه  رجفت شفتي ونزلت لمعتي
من سمعت مخلي اغنيـة " طفاچ القدر يا شمعتي "

سديت الموبايل وصرت ابچي بحرگه
اشهگ مثل الطفلة علي
ما اگدر انكر حبُه .
اعشقه واتنفسه واتمنى ينعاد الزمن بيه
وما اغلط هاي الغلطـة

قاطع نوبه نحيبي اشعار
عبالي اشعار عادي بس طلع مو عادي ابدًا
رجف گلبي من شفت جايتني رساله منه
هيچ گبل راسل ومايعرفني ؟

مادخلت عليها وماعرفت محتواها
شوي ورن عليه مسحت دموعي وعقدت حاجبي
مستغربة شني معقولة عرفني لا لا مستحيل
حسابي جديد ومخليه اسم مستعار