Navya
"Good morninggggggg" මම නිදාගෙන ඉඳපු ඇඳේම අනිත් පැත්තට පනින ගමන් අක්කා කතා කරා..
"ම්හ්.......morning"මම තාම නිදිමතේ,ඒ බව මගෙ කටහඬෙන් හොඳටම තේරෙනවා..රෑ ඇහැ පියාගත්ත වෙලේ ඉඳලා අක්කායි අම්මායි ඇවිත් කතා කරනකල් මට නින්ද ගිහින්..එක අතකින් ඒක හොඳයි.මොකද එක එක විකාර ඔළුවට එන්නැතුව නින්ද ගියානෙ.
"නැගිටින්න......"අක්කා මගෙ බෙඩ් ෂීට් එක අයින් කරන ගමන් කිව්වා..
"විනාඩියක් දෙන්න,මම ලෑස්ති වෙලා එන්නම්.." කියාගෙන මම බාත්රූම් එකේ දොර වහගත්තෙ පිටිපස්සෙන් එන අක්කාගෙ මූණට වදින්න වගේ වේගෙකින්.
"තමුසෙ ඇයි දොර වහගත්තෙ!!නංගි!අරිනවා මේ දොර!!!!" අක්කා බෙරිහන් දෙන්න ගත්තා..
"වොෂ් එකක් දාගෙන එන්නම් කිව්වනෙ...ටිකක් ඉන්නවකෝ....මම එන්නම්." කියලා මම දත් මදින්න ගත්තෙ අක්කා ව ගාණකට ගන්නෙ නැතුව..
"මොකද නංගි මේ,මොකක්ද මේ වෙලා තියෙන්නෙ?ඔයා මෙහෙම හැසිරෙන කෙනෙක් නෙමෙයිනෙ."අක්කා මං ගැන දන්නවා..එයා දන්නවා මං මෙහෙම හැසිරෙන කෙනෙක් නෙමෙයි කියලා..ඒත් මටවත් මේ වෙලාවෙ මාව පාලනය කරගන්න බැරි එකයි දුක.
"අ-අක්කා ඉන්නකෝ...මම එන්-නම් කිව්වනෙ.විනාඩි 10යි,ඔයා පහළට වෙලා ඉන්න"
එතනින් පස්සෙ මට උත්තරයක් නෑ..මං හිතන්නෙ අක්කා කේන්ති අරගෙන.ඒත් දෙයියනේ මං කියලා මොනවා කරන්නද?මටත් නිකන් පිස්සු වගේ..
වොෂ් එකකුත් දාගෙන පහළට එන්න කියලා දොර අරිද්දිම අක්කා ඇවිත් මාව බදාගත්තා..
"මම දන්නවා ඔයා හොඳින් නෙමෙයි කියලා..මොකද උනේ කියන්න මට" අක්කා කියද්දි මගේ ඇහෙන් කඳුළු බිංදුවක් වැටුනේ දන්නෙම නැතුව..
එතනින් පස්සෙ පැය එකහමාරක විතර වෙලාවක් ඇදුණු අපේ කතාව මගින් නතර වුණේ සචින් අයියා නිසා..
"Excuse me මැඩම්ලා දෙන්නා,ඔයාලාගෙ කතාව ඉවර නම් මම ඇතුළට එන්න ද?" වහලා තිබුණ දොරට තට්ටු කරන ගමන් සචින් අයියා ඇහුවා..මම දොර ළඟට දිව්වා.
"ආදරණීය මස්සිනා වෙනුවෙන් මේ නෑනා පොඩ්ඩගෙ කාමරේ දොර හැමවෙලේම විවෘතයි.."කියලා විහිලුවෙන්ම කියන ගමන් මම දොර ඇරියා..
