نبي بعض بس الاقدار ما تبينا

البارت الثالث 🫶🏻

البارت الثالث 🫶🏻
،
،

في الجهه الثانيه من المجلس عند العيال
سطام : خلك open minded بمعنى ( منفتح )
حسين : و وش هوو ؟؟؟
سياف : اقول لك شكله يسبنا من ورى التريلات ولا ؟
حسين : ماهي بعيده
سطام : لاااااا يعني منفتح
حسين : لا خلنا مغلقين ازين
سطام : و بعدين ليه ما تخلي بنات عمو يسلمون عليا
سياف بعصبيه : هذولا خواتي و ما يصلح احد يسلم عليهم مو محرم لههممم
سطام : مسوي طالع منها وانت بعد مو اخوها !!
سياف : ادري ما يحتاج تقول لي بس احنا عايشين مع بعض من يومنا صغار و تربينا مع بعض واحنا اخوان
حسين : و سياف صادق بعدين احنا بحسبة اخوانهم
سطام : وانا بعد اخوهم
سياف : لا ،، انت من جنبها و يا ويلك تروح يمهم والله لـ احش رجولك حش ..
سطام : طيب دامهم اخواتكم ليش يتغطون منكم ؟
سياف : يوووهههه بثر بثر متى تفهم انت ؟؟؟
حسين يمد له التمر : اقدع
سطام الي ما يعرف بعلوم الرجال و الكلام هذا : الله يقدعك
سياف : مكتوب على جبهته "ملك الردود" ..
حسين : الله يفشلك
سطام : ايوا نيبغى قهوه v60 اطلب لكم ؟ ( وجلس على الجوال )
سياف : حسين لو اقعد اكثر بأصفقه
حسين : قم قم صب ولا تصفقه ولا شيء
ثابت : هاه حسين تاقلمت و ابوك ميت ولا عادك تحبه و متعلق فيه زيك يوم كنت بزر
حسين اعطاه نظره و مارد عليه سكت لـ انه يعرف وش كثر عمه ذا كريه
اميره : وش فيك ما ترد على ابويا
حسين : غثى ..
و قام وهو منزعج

لحقته رغد وهو في الطبخ وجالس فوق الكرسي و حاط يده على راسه و يقول : حسبي الله ونعم الوكيل الحمدالله على كل حال الحمدالله على كل حال
رغد وهي تمسح على ظهره : عادي وانا اختك
رفع حسين راسه شافها و ابتسم ابتسامه مغصوب فيها عشان يطمنها
رغد وعيونها تبرق من الدموع : وش صار في يوم ولاده امي لي ؟
كلام رغد جاء صدمه على حسين و قال : يلا يلا نروح
قعدته رغد وقالت : ليه محددد يقووووللل لي ؟؟؟!!
حسين تنهد و مو عارف يقول لها او لا : اسمعي رغيّد اسألي جدتي تكفين ما ابي اقول لاني ما اعرف التفاصيل
رغد : وليه ما تقول لي ؟ مو لازم التفاصيل
حسين : بعدين تعرفين
رغد : اذا زعلت من عمي ترى عادي ، وش فيها اذا انت يتيم !! .. وش فيهم اليتامى مو عيب انك يتيم العيب انك تكون رِدي اصللللللل تكون مو قد كلمتك و حسين بقول شيء .. انت تدري اني اكثر وحده ما ذقت اي حنان من ابوي او امي ولكن قسم بالله انك انت و سياف صرتوا لنا السند و العضيد بعد ربي الله يحظكم لنا ما ابيك ابد تكون متضايق ترى انا اخذ منك القوه و ضيقتك والله من ضيقتي
مسح على راسها حسين و هو يقول : والله جبرتي بخاطري قسم بالله
رغد : تذكر { فَأَمَّا الْيَتِيمَ فَلَا تَقْهَرْ } .. و يلا قوم انا و انت ندخل المجلس و راسك مرفوع
حسين ابتسم وقال : ما بلقى زي حنانك يا خيتي
رغد ابتسمت و قالت : ولا بلقى اخ و سند مثلك
سياف دخل وهو يتافف : افففف افففف يا هذا الغثيث سطام يعني مسوي فله و مضحك ياخي ودي اعطيه واحد كوع اخلي فمه معد يتكلم
رغد : اهوههه هذا ما درى عن المصيبه الاكبر
حسين : و ليه وش صاير بعد
سياف : حياتنا كلها اصلاً مصايب وقفت على ذي قولي وش عندك
رغد : بيعيشون معنا يعني الله يعينكم و يعيننا على الغثى
سياف : ياااا ليللللللللل ما تحملنا نص ساعه الحين بيعيشون معناااااا !!
دخلت فلوه و هي تسمع النقاش : ايه بيعيشون معنا
سياف باللغه المصريه : اقدع ناس يا قدعاااان .. و طلع
رغد و حسين : هههههههههههههههههههههه
فلوه : رغيّد جيبي المعمول الي في الثلاجه
رغد : ابشري
و راحوا للمجلس و جلسوا يسولفون