نبي بعض بس الاقدار ما تبينا

البارت السادس 🫶🏻

البارت السادس 🫶🏻
،
،
يوم جديد في ديرة بيشه الي اشرقت شمسها
[•[ في غرفه البنات ]•]
فلوه : يلا قوموا للصلاه رغيّد قومي اخوانك
رغد : يمه ليش انا ليش ؟
فلوه : لانك الاصغر يلا قومي اخوانك خليهم يلحقون على الصلاه
رغد : يوه الحين بكفخوني و خصوصاً سياف !
فلوه : قومي و اذا كفخوك عادي يوم لك و يوم عليك
رغد : اليوم الي لي انتظره ولا حصلته !!!
فلوه : قومي قومي بلا حلطمه
قامت رغد و اخذت الجلال حقها و اتجهت لغرفة اخوانها .. او بالاحرى و الاصح ( عيال عمها )
فلوه وهي تسحب بطانيه امجاد : امجادوه و وجععع قومي صلااااههههههه
امجاد : سمي يمه الحين اقوم
جلست شوي و ما قامت
فلوه بغضب : امجااااد
قامت امجاد و هي تقول : زين زين قمت
لبست جلالها وراحت تتوضى
فلوه : اميره قومي صلي
اميره بمياعه : يا ربيي يعني لازم تفجعوني وانا نايما
فاطمه : هذي لو قومها ابوي وش بتسوي ؟
انفال : حتى و وجهها مفقع تتمايع

[•[ في غرفة العيال ]•]
رغد و هي تدق الباب : حسين سياف سطام الحقوا على صلاة الجماعه قووووووموااا
سياف من داخل الغرفه : انقلعي يا مزعجه
رغد و هي ترفس الباب : انا مزعجه ؟؟؟  قم يلا صل قم
حسين : رغيّد انقلعي
رغد : وش الي انقلع قوموا صلاه
حسين : خلاص بنقوم
جلست تطبل على الباب و العيال انزعجوا
فتح سياف و قال بعصبيه : شكلك من زمان ما تكفختي مني !!! تبين كف ؟ ما تخلين الواحد ينام يا مزعجه !
رغد بهياط و عناد في سياف : اذا انت رجال و فيك خير تعال كفخني
فتح  سياف الباب الي كان وراه و لحقها وهي تنزل الدرج و تصارخ : يمههه يمههه سياف بيذبحني
سياف : والله ما افكك !!
فلوه وهي تاخذ رغد وراها و دايم تفرع بين مضارباتهم المعتاده و مناقراتهم الي مهما كبروا مستحيل تخلص
رغد من ورى فلوه : يمه شوفيه
سياف : يمه وخري خليني اكفخها وعلمها من الرجال !
رغد : تخسيييي
سياف سحبها من ورى فلوه و مسك يدها ولوها بشكل خفيف بس يضل يوجع
رغد : يااا كلببببب وخرررررر !!!
سياف : انا رجال ولا لا ؟
رغد : ليه تشك في نفسك ؟؟ ههههههههه
امجاد بعد ما خلصت وضوء : يعني وانتي بأسوء حالاتك لازم تطقطقين ؟
فلوه : انا تعبت منكم تكافخوا
سياف وهو يرجع يدها اكثر و اقوى : هاه ؟؟؟
رغد : ااااااااااه ياخي فككككك جعلك بالمغص
سياف قرصها بيده الثانيه : انا رجال ولا لا
رغد : لا
ضربها سياف على راسها و فكها لانه يعرف انها عنيده و مستحيل تقول الي في باله
رغد : شفت انك مو رجال !!
ركضت وهي تدخل الغرفه و تسكر الباب وسياف يدفه : انا ذابحك ذابحك
رغد و هي تدف الباب : انا في وجهك يا اميرااااا
اميره : وش دخلني فيكمممممم !!
نزل حسين وهو يسكر زر ثوبه : يلا يا سياف لا نتاخر !
سياف : بروح البس و اصلي و برجع لك افضى لك يا رغيّد اوريكككك !!!
رغد لانها تدري ان سياف بيكفخها كالعاده : وش يرضيك ؟ والله اسويه
سياف : سوي كوب شاهي
رغد وهي راده الباب : بس ؟ وانا على بالي تبي مزارع  تبي شقق و اراضي بغيت اعطيك لعبه هههههههههههه
سياف فك الباب و سحبها مع يدها و كان سياف اطول منها بكثير حط عينه بعينها و قال : حسابي معك الحين و بعدين
رغد : خلاص والله توبههه
سياف : اكيددددد ؟
رغد : ايهههههه
سياف : يلا اجي كوب الشاهي جاهز
حسين : سيااااف يلاااااا
رغد : انت روح يا علبة الغاز
اتسعت عيون سياف
رغد : وش فيك نمزح خل صدرك وسيع
سياف : ما اسمع ؟
رغد : اسفه يرضيك !!
سياف : غصب تقولينها
رغد : اذلف اذلف
حسين بغضب : سيااففففف و وجععععع
راح سياف يلبس ثوبه و نزل سريع لحسين