نبي بعض بس الاقدار ما تبينا

البارت الثامن عشر 🫶🏻

البارت الثامن عشر 🫶🏻
،
،
[•[ في البيت و على اواخر الليل ]•]
فلوه كانت تدعي بتيسر الامور لحسين وانه يرجع البيت بدون اي عنى
[•[ و في غرفه رغد]•]
كانت تفكر بكلام حسين الي من سنه تذكرت يوم كانت في المطبخ معه ( الحادثه في البارت الثاني ) و تفكر ليش هم ما يقولون لها عن ولادتها طلعت من الغرفه و شافت امها تدعي
رغد : يمه ؟
التفت لها فلوه وكان المكان ما فيه الا لمبه وحده خافته جداً : لبيه ؟
رغد الي نزلت راسها : لباك ، يمه اذا ما قلتي لي الحين والله ما اسامحكم
فلوه : يمه وش فيك ؟
رغد بشوي تردد : يمه ( رفعت راسها و حطت عينها بعين امها ) يمه وش صار يوم ولادتي ؟؟
فلوه : روحي نامي
رغد : ماني برايحه لين تقولين لي بعدين اروح
فلوه تنهدت : رغد قلت روحي نامي
رغد : وانا قلت ما بروح الى ان تقولين لي
فلوه : دامك مُصره تتحملين الي اقوله ؟ بس اعرفي انه "قدر" في النهايه
رغد تربعت وفكت الجلال من وجهها وهي متمعنه للي بتسمعه و الفضول ماكلها : اي بس قولي لي
فلوه وهي تاخذ شهيق و زفير : (( في يوم الاربعاء كانت ناديه "امك يا رغد" كانت عندنا هنا في هذا البيت و ابوك و عمك محمد و نجلاء مرت عمك كانوا رايحين للمدينه بسبب شغله ابوك نساها و خاواه محمد و زوجته عشان مرت عمك عندها مراجعات و قالوا مره وحده يروحون المستشفى و يجيبون الاغراض ،  وراحوا محمد و نجلاء مع هزاع على طريقه .. وخلوا سياف الي كان عمره ٦ و حسين الي كان عمره ٧ عندنا  و امك كانت حامل فيك بالشهر الاخير و جالسه معانا هي و اخواتك .. و عيال محمد ما راحوا مع امهم و ابوهم ، و كانت مرت عمك حامل ببنت في الشهر الخامس كانوا بخط سفر للمدينه الي كنتوا تسكنون فيها و جدك غانم حلف على ابوك انكم تنقلون عندنا و فعلاً راحوا يجيبون الاغراض المهمه الي ابوك نساها وهم في الطريق جاء لـ امك الطلق و خلاص بتولد فيك دقينا على هزاع الي كان يسوق عشان نعلمه انه جاها الطلق مع الفرحه و الخوف و انه ما يبيها تولد لحالها .. اسرع بالسياره و رجع لبيشه و هم على دخلة ديرة "بيشه" صدموا في تريله و للاسف التريله هشمه السياره باللي فيها و امك كانت في غرفة العمليات تعسرت ولادتها وتوقف النبض وهي تولدك حاولوا يسعفونها لكن حكم ربي وقع عليهم ان الخمس يموتون الله يرحمهم وهذي السالفه .. ))
رغد وهي تبكي : يعني بسبي ماتوا ؟ يعني كل ذا بسببي انا ؟ انا الي السبب في وفاة البنت الي في بطن عمتي و موت ابوي و عمي و عمتي و امي يعني انا ؟ انا السبب ؟ انا السبب الي خليت اخواني و اخواتي يتامى ؟؟ يعني اناااا ؟؟؟ يعني اناااا !!!
وبدت نبضات قلبها تتسارع بخوف و تقول : والله ما اسامح نفسي ..
فلوه وهي تضم رغد : قلت لك قضاء و قدر مالك دخل هذا حكم ربي انتي مالك اي دخل عشان كذا ما كنا نبي نقول لك لاننا نعرف تفكيرك نعرف انك بتحطين اللوم عليك !!
رغد وهي ترفع راسها : يعني امي ما شافتني ولا ضمتني على صدرها و لا مسكت يدي ولا رضعتني ؟ اجل مين رضعني ؟
فلوه : خالتك هيام هي الي رضعتك بس بعد ما صار عمرك بالاشهر ماتت الله يرحمها
رغد : كيفففففف ؟؟؟؟ عندي خاله ؟؟
فلوه وهي تبتسم : ايه الله يرحمها من اطهر البشر نفس امك
رغد وهي مره متحسفه : طيب كيف انا عشت ؟
فلوه : قدرة ربي عز وجل ( طبطبت على ظهرها ) و الحين شبعتي فضولك روحي نامي يلا
رغد وهي تحاول توقف بكاء : ليه ليه
راحت رغد الغرفه و حاولت تنام بس ما قدرت و كل شوي تقول ( انتي ليش عايشه و بسببك ماتوا ٦ اشخاص خالتك و عمك وزوجته و طفلتهم و ابوك و امك انتي قتلتي ٦ ارواح بدون قصد ليه يا رغد ليه ؟ طلعتي المجرمه الحقيقه مو حسين اخذت جلالها وراحت المطبخ .. )