نبي بعض بس الاقدار ما تبينا

البارت التاسع عشر 🫶🏻

البارت التاسع عشر 🫶🏻
،
،

اشرقت الشمس معلنه دخول الصباح و في { شقة الرباعي }
حسين وهو يقومهم : يلا جدي قد طلع من البيت بسرعههههه قووومواااا قبللللل يرجعععع
سعد الي يرتب شعره في المرايه : بتاللل متعببب يلااا
بتال قام : طيب طيب
راح بتال يغسل وجهه
حسين : متعبببب بسرررعهههه
متعب وهو يحك عيونه : قمنا قمنا
قاموا يغسلون وجيههم و يلبسون
حسين مسك بتال من ثوبه : فين فين ؟؟
بتال : نمشي ؟
حسين : البس البدله ..
بتال : يووووههه يلاااااا يلااااا
سعد : انا بنزل احمّي السياره عشان تحتر
متعب : وهذي الهديه يلا يلا لا نتاخر
نزلوا الثلاثه و بتال باقي يلبس نزل وهو يعدل الحزام حركوا و توجهوا للسوق عشان يطبقون خطه "حسين"
حسين : انا بنزل وانتوا انتظروني
الكل : تمممم
نزل حسين وهو متلهف على شوفة اخوه كان حسين متلثم و يأشر لسياف الي داخل المحل
طلع سياف وهو يشوف نفس وقفة حسين و نفس اللثمه و الجسم ركض له و حضنه : حسيييين يشهد الله اني اشتقت لك كيفك ؟ وكيف حالك ؟ انت وينك ؟ تعشيت ؟ عندك فلوس ؟ تعبان ؟ تحتاج شيء ؟ ليه ما ترد علي ؟ فيك شيء ؟ محتاج اي شيء انا تحت امرك ؟ تبغى ......؟
حسين وهو مبتسم ويضرب على كتف سياف خفيف : يا حبيبي انت جعلني ما اعدمك
سياف : هاه وش بغيت تكفى خذني معك ابي اروح معك ما ابي اروح لحالي انا ضايع و الكل ضايع بدونك تكفى ارجع
حسين وهو يبتسم : اسمع بكلمك جوال ابشر بس بقول لك شيء قبل جدي يجي ، ارجع البيت الحين و انا بروح البيت عندكم و خل امجاد تطلع مسوي لها مفاجأه اتفقنا ؟
سياف وهو يخزه : قول كذا من الاول جاي عشانها و عشاني لا !!
ضحك حسين : وعد ادق عليك ، بس سو الي قلت لك عليه
سياف : يلا ابشر و على ذا الخشم عشانك حسين بس
حسين : كفووووو
ابتسم سياف و ودعه و ركب سيارته و راح البيت

[•[ و في البيت ]•]
سياف : امجاد ؟
امجاد وهي تمسح يدها من المويه : سم ؟
سياف : اذا دق الجرس افتحي انتي
امجاد : و ليش انا ؟
سياف : بس كذا و بلا اسئله
امجاد بإستغراب : ابشر
راح سياف ودق على حسين
سياف : حسين خلاص تمت
حسين : والله الي كفوووو
سياف : كفوك الطيب هاه لا تنسى وعدنا تدق علي !
حسين : ههههههه ابشر
سياف : انا بطلع السوق ابوي لا يدري اني طلعت
حسين : الله معك
قفلوا الخط و سياف رجع للمحل

[•[ و عند العيال ]•]
حسين اشر لـ اخوياه يحركون ،، حركوا جهة بيت غانم و حسين يوصف لهم المكان ، وصلوا و نزل بتال
حسين : هيه قول لها توصيل طلبيه من حسين
بتال : ازهلللللل
حسين : كفوووو يلاااااا
نزل بتال بكل ثقه دق الجرس و هو لابس نظاره و كرفته حمراء و جاكيت و بنطلون رسمي لونه ازرق مايل على اللون الكُحلي
فتحت امجاد وهي حاطه الجلال و من ورا الباب قالت : مين ؟
بتال تنحنح : احمم انا عامل توصيل من حسين
امجاد فز قلبها يوم سمعت اسم حسين : وشو ؟؟
بتال : امجاد انتي ؟
امجاد : ايه وش تبي ؟
بتال : تفضلي اختي
امجاد : حطه عند الارض
بتال : ليه وش السبب ؟
امجاد : وش دخلك ؟
بتال بعد ما طيرت جبهته : احم ابشري
حط الجوال عند الباب و راح يم السياره الي كانوا العيال منزلين روسهم عشان عيال الحاره ما يعرفون حسين
مدت امجاد يدها بعد ما تأكدت انه ركب السياره سحبت الكرتون و كان فيها كرت طلعت فوق في غرفه الغسيل و هي طايره من الفرح فتحت الكرت الى مكتوب فيه (( تستاهلين اكثر وانا قد وعدي جبت لك الجوال الي تبينه من سنه و ان شاء الله يعجبك الله يخليك لي يا رب من "حسين بن محمد " ))
اول ما قرت امجاد الرساله بكت دموع فرح و حزن في نفس الوقت قالت و هي تضم الكرت : يا حسين يا حسين ،،
فتحت ولقت الجوال بدت تصارخ و تقول : الله يجنن !! يجننننن
نزلت ركض وهي تدخل المطبخ توريهم الجوال : شوفوا شوفوا حسين وش جاب لي
رغد و نفسيتها مضروبه : حلو
انفال : تتهنين فيه
فاطمه : وشو من حسين ؟
امجاد : ايههه
مسك : يا زين اخوييي ياخي احبهههه
مها : ما شاء الله تستاهلين
فلوه : بالعافيه غانم لا يشوفه
امجاد : معليك معليك
اميره : تكسريه بالعافيا
امجاد : خيررررر !!
اميره : امزح ايش بك ؟ ههههههههههه
الكل انبسط لأمجاد و جلسوا يفتحونه مع بعض