نبي بعض بس الاقدار ما تبينا

البارت الخامس عشر 🫶🏻

البارت الخامس عشر 🫶🏻
،
،
و في نفس الوقت الي كانوا البنات يتكلمون فيه
حسين واول ما دخل : السلام عليكم
قام يسلم على الكل و ارتبك يوم قرب عند غانم ، دنق حسين عشان يسلم على ابو بس غانم صده و اشر له بمعنى "لا تسلم علي"
حسين ما قال شيء ولا سلم على حسب طلب جده
فلوه : والله مرحبى و مسهلا يا حسين
حسين ببتسامه : الله يبقيك
سياف : توووو ما نور المكان
سطام : والله ان لك جلسا غير و الجلسا معك تنحب
دقه سياف : وش قصدك ؟
سطام : وانا صادق الجلسا معك بيض
سياف : بيض هاه !! هذي جزاتي وانا اقابل وجهك ؟
رغد : والله نتفك هههههههههههههههههههه
كملوا سووالف كل الي بالمجلس بستثناء حسين كأنه غريب بينهم
[•[ جاء الليل ]•]
و حسين منصدم انه قعد مع عائلته صح قاعد معاهم بس كأنه غريب رسمي ولا يسولف بس يكتفي بإبتسامته الي يجامل فيها ، كان بس يفكر و يتأمل ان ابوه عرف انه مظلوم ! و هل معقوله ابوه عرف انه مظلوم !! كان معهم خمس دقايق و ساعه سرحان
خلص يومهم برجوع كل واحد غرفته عشان ينامون ..

[•[ جاء الصباح بشمس حارقه ]•]
و كالعاده حسين يحتري جده يطلع عشان يطلع لـ شغله انتظر جده و سياف يأشر له و يقول : ترى طلع ابوي
حسين : يلا يلا بطلع الحين
طلع حسين بسرعه و كان يمشي حوالي ٥ كيلو للسوق وصل وهو يسلم على فهاد و العامل و لبس كمامه و كاب و اللبس المعتاد للدوام كان يشتغل كاشير و كان يعطيه فهاد يوميه تساعده عشان يوقف على رجله كان يعطيه "٥٠" ريال في الثلاث الساعات الاولى و الساعات الباقيه "٣٠" يعني يطلع في اليوم الواحد "٨٠" كان مبسوط و يحمد الله كثير

[•[ و في البيت ]•]
في غرفة رغد الي قامت وهي تفتح الطاقه و تحط لها ميكب خفيف : يوووهه بغيت اتعطر
انفال : لا تكفين انتبهي !
رغد : زين اني تذكرت
امجاد : نبي نرقد !
رغد : قومي قومي
امجاد : سكري الطاقه !
رغد : قومي لا للكسل
امجاد و هي تتغطى بالبطانيه : اف
اميره وهي نايمه على سرير رغد : رغودي النومه حلوا مرااا
رغد : اكيد بتجي حلوا وانتي ما خذه سريري
اميره : يلا بعطيكي غسول يجنن انتي بشرتك مو دهنيه وحلوا ما شاء الله
رغد : يلااا
فاطمه : اخص اخصصص يا رغيّد والله و صرنا نحط ميكب و غسول !
رغد : تغيرت 😭😭😭
فاطمه : اي والله هههههههههههههه
انطق الباب ثلاث طقات ورى بعض
رغد : لحظه لا تدخل
رمت الجلال على وجهها و فتحت : هلا سياف ؟
سياف : وين انفال ؟
رغد : انفال يبيك سياف
انفال : وش تبي ؟
سياف : انتي اطلعي لي بسرعه
انفال : اففف طيب
طلعت انفال له وراحت معه
كملت رغد اهتمام في بشرتها مع اميره و فاطمه معاهم و اما امجاد تحاول ترجع تنام من جديد

[•[ وفي محل فهاد و حسين ]•]
حسين : فهاد صدق بسألك
فهاد : سم
حسين : الحين وين فيصل
فهاد : وش تبي فيه ؟
حسين : لا بس كل ما سأل سياف يغير الموضوع
فهاد : انا بقول لك دارت عليه الدنيا من بعد سجنك صار له شلل كامل و الحين طلع من الديره للعلاج
حسين : اهخخخ الله يسامحه بس
فهاد : يا رجال والله انه يستاهل هو استغفرالله بس كل واحد بياخذ حقه غصب عن الكل هذا عدل من رب العباد !
حسين : الله يشفيه و يفكنا من شره
فهاد : اميننننن
حسين : فهاد انا عندي صديق في السجن و مظلوم اسمه فارس ابي اطلع له محامي بس ما عندي محامي شاطر
فهاد : افاااا عليكككك عندي خالتي ولدها "نايف بن ظافر" اتوقع اسمه قد مر عليك
حسين : اي عرفته الي اخذ حق البنت الارمله ؟ و انتشرت القضيه ؟
فهاد : بالضبط هوووو ،، ما جت قضيه له الا و كسبها و بس اخفق مره بسبب ضحك موكله عليه مالنا في الطويله بكلمه لك و بعطيك رقمه تواصل معه و قول له انك خوييّ و بإذن الله بيساعدك
حسين : الله يعطيك العافيه جميلك يا فهاد والله ما انساه طول عمري !
فهاد : ولووو احنا اخوان ما بينا جمايل و مواجيب
وبعد ساعات من التفكير حسين و الدنيا مقفله في وجهه و كل ما اتجه لشيء تقفل في وجهه بدا الشيطان يلعب عليه .. و يسيطر على تفكيره اتجه حسين لفهاد من جديد ..