نبي بعض بس الاقدار ما تبينا

البارت العشرون 🫶🏻

البارت العشرون 🫶🏻

،
،
[•[ في البيت ]•]
دخل سياف مع ابوه "جده" وهو يسانده و من غير نفس
طلع غانم و قال : يا فلوه
فلوه جت : سم ؟
غانم : سياف تعبان اعطيه اي شيء انا بروح ارتاح وانتوا كل واحد على فراشه ..
فلوه وهي تمسك يد سياف : بسم الله عليك وش فيك يا امي
راح غانم لغرفته
ضحك سياف بسخريه : هو الي طاقني
فلوه : كيف ؟؟؟
سياف الي انفجر : ايه طردني من البيت و طقني قدام الكل و عيال السوق و الكل شافني وانا انضرب ليه ياخي مو مالي عينه تراني رجال ؟؟؟
فلوه : اهم شيء انك رجعت
سياف : ليتني ما رجعت هو شيء واحد خلاني ارجع بس ولا والله ما ارجع هنا ابدددد ! ابوي اهانني و فشلني
رغد الي جت من وراه : معليك تنحل مو انت تقول اذا رحت انا روحنا بتروح بعدي ؟ وانا نفس الحكايه ما نتحمل البيت بدونك كفايه حسين انت بعد فكر فينا و فكر بجبروت جدي و الدنيا الي قسته علينا و تذكر ان ما عندي ابو وانت كل شيء اعتبرك كل شيء بالدنيا انت اخوي و ابوي و كل شيء و اغلى شيء بنسبه لرغد
سياف الي اكتفى بابتسامه و داخله بيموت فرحه من كلامها الي جبره .. دخل ثابت
ثابت : هاه رجعت
سياف ما قال شيء و طلع فوق
والكل راح و ثابت عند الباب ..
راح سياف الغرفه و راح يحط راسه وجلس يفكر كثير يفكر في كل لحظه في حياته و كل شيء وكيف هو يبي يتخلى عنهم من اول كف له بالحياه كيف هو استسلم ليه ما يصير زي حسين ؟ وش الي يمنعه ..
دخلت امجاد وهي تتنحنح
سطام : تعالي يا روح اخوكي هههههههه كلمة سياف
سياف وهو يضحك : خلك ساكت ،
التفت على امجاد و شافها وهي تحط يدها الاولى على اصابعها و تطقطقها ..
سياف وهو مستغرب من حركاتها : ناقصك شيء ؟
سطام : واضح ان بينكم موضوع انا بطلع
امجاد الي انحرجت منه : لا لا انت بعد زي اخوي اقعد عادي
سطام : لا لا بطلع اساساً ابي اميره
طلع سطام و نزل عند اميره و البنات ( و في غرفتهم )
سطام وهو يطق الباب : ادخل ؟؟
رغد : لحظه ( حطت الجلال على وجهها )
مها : اي تعال
دخل وهو يبتسم وحط جواله فوق التسريحه : كيفكم ؟
الكل : بخير
رغد وهي تضحك : اول مره تجي هنا واضح ان سيافوه طردك صح ؟ هههههههههههههههههههه
سطام : هههههههههه لا لا رحت بكرامتي ..
رغد : امممم ههههه
قامت انفال وراحت تاخذ المشط الي فوق التسريحه و جوال سطام دق و مكتوب "حبيبتي ريم"
كشرت انفال بغضب و خوف على ولد عمها و خوف على سمعته لفت عليه و قالت : سطام ابيك شوي برا
سطام : ايش بكم كلكم عندكم مواضيع
انفال : تعال شوي
سحبت جواله الي كان صامت

[•[ و في الصاله ]•]
طلعوا سطام و انفال و قعدوا في الصاله : ايش بك ؟ تحبيني ؟هههههههه
انفال : حبك قرد احول ماني زيك
سطام : ايش تُقصُدي ؟ ايش بك
انفال وهي تحط الجوال بوجه سطام : هذا وش
سطام : الله ريم خليني اكلمها
انفال : اعقلللللل وش تكلمها ؟؟؟؟ عيب استححح خير ان شاء الله ؟؟ حرام ترى احذف رقمها الحين
سطام : هيه هيه ليه ؟
انفال : تعرفها ؟
سطام : لا
انفال حاولت تفهمه و تنصحه يقرب من ربي اكثر و فيه يوم قيامه و فيه عذاب و حساب : ترى ما بتنفعك الا بتضرك !! انت لازم تتخلص من ذا الشيء
سطام : طيب وش اسوي متلاً ؟
انفال وهي تتنهد : تحبها ؟
سطام : لا
انفال : اجلللل ليش تلعب على البنت ؟؟ حرام عليك تخيل يصير لـ اميره نفس الشيء ترى الدنيا دواره حرام يا اخوي ، سطام ترى مو عادي انك تدخل في علاقه وانت مو جاد فيها و سواءً جاد ولا مو جاد ما يجوز في الحالتين !! انت باقي صغير و احنا عيال غانم و هزاع و محمد "نشوف الغلط و نصلحه بالصح" ..
سطام وهو منزل راسه و يحس انه صغير و كلامها كبير و متعجب من كلامها
انفال : ارفع راسك وانا بساعدك معليك و ما بخليك قلت لك احنا تربية غانم و هزاع و محمد
ابتسم سطام
انفال : تقرب لك ؟؟
سطام : ما اعرفها
تنهدت انفال : من جدك ؟
سطام : ايوووااا
انفال : طيب انت ادري انها "علاقه محرمه ؟ "
سطام : تبين الصدق ؟
انفال وهي تهز راسها : ايه ؟
سطام : لا
انفال : طيب ليه ما تتقرب لربي اكثر وش الي يحدك ؟اشوفك ما شاء الله هذي السنه تصلي و دايم اشوفك تستغفر ليه طيب ما تكملها وتشيل الحرام من حياتك ؟
سطام : انا موافق بس كيف ؟
انفال : وش رايك اكلم البنت انا
سطام : اي
انفال : بس تكون جاد ولا ترجع لها ابداً ؟؟ مو تسوي قدامي انك ما شاء الله عليك و من وراي كيني ميني ترى اذا ما شفتك انا فيه رب فوقك يشوفك و هو ينتظرك تتوب و ان الله غفور رحيم ..
سطام الي كأن فيه شيء تحرك في صدره وكأنه بدا يخاف و بدا يرجع لربي : موافق والله ما برجع لها و بفتح صفحه جديدا اصلاً ما احُبها
انفال : طيب ليش تلعب عليها ؟ مو خايف تدور عليك الدنيا ؟ والله حرام عليك
سطام ماله اي رد ساكت
انفال : افتح الجوال
فتح الجوال وهو يعطيها و جلسوا فوق الكنب
اخذت الجوال و دقت على ريم
انفال : الوووو
ريم وهي تضحك بعد ما سمعت صوت انفال : قد دريت انه يخونني اصلاً انا جايه انهي العلاقه
انفال : صلي على النبي انا بنت عمه و حابه انصحك انتي وهو ترى الي تسوونه حرام و انتوا داخلين في علاقه "محرمه" و البدايات الي ما ترضي رب السماوات ما ترضي اصحابها في النهايه لا تضيعين عمرك و تخونين ثقه اهلك فيك سطام يبي ينهي العلاقه و.......
ريم بمقاطعه : كيففففف اسمه سطاااام ؟؟؟
انفال وهي تضرب فخذ سطام و تأشر بمعنى "وش"
سطام متفشل من نفسه و ما عرف وش يقول
ريم : وهو يقول اسمه مؤيد ما شاء الله لا واضح انه لعاب ما شاء الله عليه
انفال وهي تبلع ريقها و تأشر على وجه سطام بمعنى "كش عليك"
سطام بدا يضحك
ريم : يا اختي انتي طولتي يلا مع السلامه و قولي له يحذفني من كل المواقع يلا يا سطام الكذاب
قفلت ريم الخط
سطام : ههههههههههههههههههههههههه
انفال : ايااااا الكلب المهم لا عاد تكلمها و اعقل حتى هي ما تبيك خلاص
سطام : والله معد اكلم اي بنت و بروح اتوب حسيت ان كلامك دخلي قلبي بطريقه غريبه
انفال : كفو عليك