نبي بعض بس الاقدار ما تبينا

البارت الخامس 🫶🏻

البارت الخامس 🫶🏻
،
،
جاء غانم وفك يد ثابت و قال : استحححح على وجهككككك مينننن انت عشان تضرب ولدي و بنتي ؟؟
فاطمه وهي تحتمي من ثابت ورى ابوها : يبه يضربني عشان حسين قال لي فطيم
سياف وهو يقوّم رغد : بسم الله عليك قومي قومي
حاولت رغد تقوم بس راسها ينزف  دم سحبوها سياف و انفال و ودها المطبخ يوقفون النزيف لحقتهم فلوه و راحت تحط في راس رغد قهوه
[•[ في الحوش و في قلب الحوسه الي صايره ]•]
غانم بغضب : وش فيهممم عيالك هاه !! انت شايف و لا اخليكككك تشوووففف !!!!!!!
ثابت : اي وش فيهم عيالي يبه !
حسين كان معصب مره و امجاد و مها يمسكونه
حسين و هو يتحول يمسك نفسه: لا والله يا عم ؟؟؟ يعني عادي عندك..........
ثابت بمقاطعه : اسكت يا البزر ولا تتكلم معي سامع !!!!
امجاد : خلاص حسين خلاص !!! ادخل ادخل
حسين : بعدي انتي الثانيه
مها : ادخل البيت ادخل
امجاد : حسين ادخل عشاني
دخلوه بالقوه داخل و هو معصب مره و قال : هذااااا على كيفه يضرب فاطمه خيرررر ان شاء الله ذا الشايب العايب كفايه امس و كلامه
سكت شوي و تذكر حال رغد و قال : رغددد رغدددد
راح المطبخ ولحقوه امجاد و مها و مسك
شافوا فوق راسها شاش و تمسكه وهي تحس بدوخه حسين وهو صاد : اسف ما دافعت عنك
رغد : شدعوه ! عادي معليك انت كيفك ؟
حسين و هو يمسك بطنه من الالم : لا معليك بخير
سياف : الله ياخذه هو وعياله شكلي بقوم اكفخه
مها : اهجد و انثبر مكانك !!

[•[ في الحوش ]•]
غانم وهو يمسك ثابت من يده : اسمععععع انا ابوهااا ما مديت يدي تجيييي انتتتتت و تضرررربهااااا !!! .. والله لـ اكسّرك قطعه قطعه و الحين اذلفففف لا اشوفككككككك
ثابت : ويننننن اروووحححح !!! بعدين يا يبه عيب تمسكني و قدام عيالي و بهذي الطريقه ! .. وانا قدني بدخل الخمسين ؟؟
فلوه : لاااا ما يطلعععععععع
غانم : وانا اقوووللل بيطلع
فلوه : ما يطلعععععع
غانم : اجل ماله مكان داخل البيتتت له الملحق يبيه حيّاه غيره والله لـ احش رجوله حش
فلوه : صل على النبي يا غانم
غانم : قلت ماله قعده داخل البيت
فلوه و هي تناظر في ثابت : الشكوى لله
عصب ثابت مره بس ما قال شيء غير نظراته الي تتكلم عنه

[•[ و في داخل البيت ]•]
جت فاطمه وهو تفرك فروة راسها بألم : جعل يده بالكسر
سياف باس راسها وكان بيطلع ياخذ حق رغد و فطيم وحسين .. مسكته مها : يظل عمك لااا تروح قلت لك قبل اقعد !!!
سياف : اشوفهم مضروبين و ما اقول ولا اسوي  شيء ؟؟ اقل شيء اخذ واعطي معه ليش يضربهم ؟
مها : صل على النبي ولا تسوي شيء عشاني
سياف اخذ نفس و لا رد عليها و اكتفى بهز راسه بمعنى "طيب"
دخل غانم عليهم و الكل التفت
غانم : سياف !!!
سياف : سم
غانم : يلا خذ سطام
سياف : لازم ؟
غانم : ايهههه
سياف : ابشر
طلع سياف للحوش اشر لـ سطام و قال : يلا الحقني السياره
قام سطام و راح ورى سياف

[•[ وفي السياره ]•]
سطام : شوووفففف البناااتتت خلنا نرقمهم و............
و قبل يكمل سطام كلامه
نطق سياف بغيره على بنات وطنه : هيهههه هيههه اعقللللل وينننن عايشييين !!! عيببب استححححح غض البصر يا جعلك بالعمى يا قليل الحيا ما ترضاها على اميره لا ترضاها على بنات الناس
سطام : سكتنا على بنات عمو و ما قلنا شيء الحين بنات الناس؟  بعد قول انهم خواتك ؟؟ بعدين عادي بس ناظر
سياف : هيههه هيههه ترى هم بنات وطني !! و ديني ما يسمح لي اسوي سواتك يا السلوقي و حتى بيئتي ما تسمح لي اسكت عن الغلط احنا تربينا على الاصول و اذا فيه غلط نعالجه بالصح ! مو نعالج الغلط بالغلط و نقول اقدار او زله !! هيّا اعقلللل انت ما يبي لك علاج انت يبي لك اعادة تدوير !
سطام : افففف والله ان كان فلــ .......
سياف بمقاطعه : هيهههه بتسكت ولا انزلك بشارع ترجع البيت كعابي و اعلم جدي بسواتك ؟؟؟
سطام : لا لا خلاص بسكت
وبعد ٥ دقايق و صلوا المحل
سحب سياف القير وهو يقول : وصلنا
سطام : يلا
نزل و شرى ثوب و عقال و طاقيه و جزمه مرتبه
و رجعوا البيت دخلوا و سطام لابس اللبس
غانم : ايوووههه هذا ولدناااا يا زينك باللبس
حسين ضحك
سياف : كيف يبه سنعته خليته ولد بيشه صدق
حسين : شكله يضحك 😭
سياف : اسكت اسكت هههههههههههههههههههه
.
.
.
.
.
جاء المغرب { موعد العزيمه } الرجال ماخذين المقلط و المجلس .. و الحريم ماخذين الصاله و مجلس الحريم .
استقبلوا الضيوف بكلامهم المعتاد [ يالله انك تحيّيهم - احب من جانا - يا مرحبى - اسفرت و انورت - نورتوا ] ..
ابو فواز : والله ونعم الرجال الي عندك يا غانم
حسين : ينعم بحالك يا عم
سياف : معليك زود
غانم يأشر لـ سطام يجي يصب
جاء سطام وهو مبسوط مد الفنجال بيده اليسار و قال : اقدع
صفق حسين جبهته وهو يتلثم ويقول : الله يفشلك !
سياف : هههههههههه بالله شوف مد له باليسار المطفوق هههههههههههه
حسين : ههههههههههههههههههههههه
ابو فواز : وششششوو هذا ولد مين ؟؟
سطام بفرح : ولد ثابت
ثابت يحك دقنه بإحراج و صد
ابو فواز : وشوووو هذا حفيدددك يا غانم مو نفس سياف و حسين ؟
سياف عشان ينقذ الموقف الي ليته جلس ولا سوى نفسه المغوار : احمممم وش جااابك تعال تعال
قام و طلعوا برى هو و سطام
سطام : انتتت وش بكككك
سياف : الله يفشلك احد يمد الفنجال باليسار و يقول اقدع ؟؟
سطام : سمعتك وانت تقولها !!! انت وحسينننن !
سياف : لا لا يا غبي يقولونه للتمر يا الثووورررر
سطام : قول كده من الاول
سياف : اسمع امسك الدله باليسار و مد الفنجال باليمين و قول سم بعدين قدم التمر وقول اقدع او سم كله واحد
سطام : طيب ليه اذا مديت الفنجال ليه ما اقول اقدع كلها واحد ولا ؟
سياف : قولي الي قلته ولا ترى جدي بيجلدك صدقني
سطام : ابشر يا نسيب
سياف : نسيييبببب بعد ما تعرف معناها الله يفشلك
سطام : بروح ابيضها
سياف : رايح تسودها الله يسود وجهك .. ادخل و قول ارحبوا تو ما نور المكان يا هلا ، زين ؟ حسّن السمعه
سطام : ابشر بالي يبيض وجهك
سياف : ادخل ادخل
دخل سطام بعد ما علمه سياف وش يقول دخل وهو يقول : يا مرحبا ارحبوا يا هلاااااا
غانم ستبشر خير فيه
سطام : خذ خذ يا النسيب
ما تحمل حسين و جلس ضحك بصوت عالي
فهاد يدقه ويقول : اصصص اصصص هههههههههههه
حسين : مو طبيعي ما تسمعه ؟ هههههههه
فهاد : اسكت اسمع بس اسكت لا عمي غانم يقوم عليك هههههههههههه

[•[ وعند البنات ]•]
رغد : اميره روحي عند ذيك و علميها بالي قلت لك عشان الديره تعرفك 
اميره : ازهليييييي عندي
امجاد : ازهلييي و حركات !
رغد : قلت لك عندي بعلمها كل شيء
انفال كانت تصب القهوه لـ للخاله "طرفه" ام فيصل
تقدمت اميره و بدأت تقول قصيده قدام الحريم
رغد : الله يفشلها ما اعرفها ما اعرفها
طلعت رغد ركض من الاحراج
و في نص القصيده ،، اميره : رغد وش بعد انت الي عندك الطيب و ايش ؟؟
التفتت اميره و ما لقت رغد
اميره : دقيقا يا عما اروح لها
طرفه : بأستغراب ايه ايه .. من ذي بنته ؟
امجاد : بنت توفيق (( توفيق عامل المحل حق المزارع الجد غانم ))
دقتها فاطمه وقالت بتصريفه : احم شكلك تبين شاهي اخبرك راعية شاهي
طرفه : اي اي عطيني فنجال
فلوه : انفالوه لا تجيبون اميره فشلتنا
انفال : ههههههههههههههههههههه ابشري
فلوه : فشله فشله
انفال : ماهي صاحيه 😭

مرت الساعات ، و خلصت العزيمه على خير بعد الفشايل الي صايره
سطام و هو يبعد الغتره من راسه  : هاه يا جدو بيضتها ولا لا
سياف : انت خليت وجيهنا مالها لون الله يفشلك
غانم : لا اشوفك في اي مجلس
حسين : يبي لك دروووووس هههههههههههههههه
ثابت وهو يسوي طالع منها و مو ولده : اي والله
غانم : والله من تربيته ! 
ثابت فهم قصد ابوه بس ما قال شيء
غانم : يلا يلا على النوم
راحوا العيال الغرفه يسولفون كالعاده ..
سياف : اكثر يوم ضحكت فيه
حسين : والله مو كثري الله يستر عليك يا سطام
سطام : اهم شيء استانسوا انا كدا مبسوط
سياف : هههههههههههههههههههههههههههههه كدا اهههخ
حسين و هو ينسدح : مو صاحي قسم ، سياف قوم سكر اللمبه
سياف : يا عمي طير قم انت
حسين : قم يا رجال
سياف : تخسي !
حسين : ما بتقوم ؟
سياف : ايه
اخذ حسين المخده و رماها على سياف
سياف : وجع
رد سياف الرميه لحسين و جلسوا يتضاربون
سطام : يا بزوره انت وياه خلاص ابي انام
سياف : والله محد بزوره الا انت
حسين : هههههههههههههههههههههههههههههه

[•[ و في غرفة البنات ]•]
رغد طاحت على الفراش و قالت : لا اسمع صوت
و طفت اللمبات تبي تنام
اميره : لحظا ابي احط كريمي افتحي اللمبا
رغد : عساك تتزوجين واحد اسمه كريم عشان تدلعينه كرومي مالت عليك ولو انفتح النور باخذ سريري ترى وانتي تنامين بالارض
اميره : لا تدعي عليا كيييذا !!!
امجاد : يااا كرهيييي تكلمي زينننن
اميره : كيف تبيني اتكلم
امجاد : لا تمطين الكلام
اميره : هدا اسمهُ دلع و بعدينه هدا كلاميييييي
انفال : يا طرجيييي مين عاده يتدلع بالكلام ؟
اميره : انا
انفال : اح صكتني في وجهي
رغد : اسكتوااا ابي انام
فاطمه : و النايم ينام ما يسولف ؟
رغد : اسكتي يا وادي فاطمه
فاطمه : اص
ناموا بعد المناقرات و الضحك و السوالف ..
.
.
انتهى .