نبي بعض بس الاقدار ما تبينا

البارت الثاني عشر 🫶🏻

البارت الثاني عشر 🫶🏻
،
،
وفي الصبح طلع حسين وراح يراضي ابوه و يحاول يفهمه و ابداً مو قاعد يعطيه اي فرصه
غانم : اطلع ولا اشوفك انت نزلت راسي انت بسببك انا ماعادت قيمتي بين الكل و بين الجماعه ! ليه وش انا سويت لك عشان تجازيني كذا ! تربيه و ربيت احتواء و احتويت اهتمام و اهتميت ! وش بقى لك ما سويته ؟
حسين : طيب انت مو قاعد تعطيني اي فرصه عشان ابرر لك !! وش ذنبي انا مو غلطان و.........
غانم بمقاطعه : تبرر لي سواتك ؟ و لك وجه تجي عندي ؟؟ انت قاتللللل تعرف يعني وش قاتل ؟
حسين : من حقي اني ابرر و مو من حقك تمنعني ، وانا والله ما قتلت و الرجال ما مات جدي تكفى افهمني انا من غلاك جيت افهمك ، و ما تسوى انك تاخذ عني فكره و الفكره ما تمثلني ابداً جدي افهمني !
غانم : شوف وقسم بالله لو ما تروح عني اني لـ اطردك برى و انزل اسمك من اسمي من الاحوال صدق
قام حسين بقهر عشان ما يصير الي يقوله غانم لانه يعرف اذا قال شيء غانم بيصير و غصب عن الكل
غانم : حسين
حسين التفت و قال : سم
غانم : احلم انك تاخذ امجاد
اتسعت عيون حسين و يناظر في جده بصدمه كيف عرف و ليش بالذات امجاد : لا يا جد الا ذي تكفى يا جد لا تكسرني كفايه ان الدنيا شدتني من كل احبالي تكفى الا امجاد يا جد والله اني احبهاااا
كانت الاسأله بالنسبه لحسين ما تهمه كثر ما تهمه الاجوبه
غانم : معصي والله معصي والله ما تاخذها وراسي يشم الهواء ، انا ازوج بنتي خريج سجون ؟؟؟؟ و فوقها قاتل ! وفوقها بعد عاصي لله و لوالديه ؟ و ما عندناااا اي حب و خرابيط ما فيه شيء اسمه "حُب"
حسين الي انصدم من كلام جده و ليش يقول له خريج سجون و الكلام الي ذكره كنها جت صاعقه عليه و قال بكل صبر : يا جد ليه ما تسمع مني " ترى الدنيا تقسي بس ما تنسي !" وش الي قسى قلبك علي عشان سُمعه ؟ عشان كلام ناس ؟ عشان مقامتك و مكانتك ؟ وش في الدنيا انقلبت و خلت اب يقسى على ولده عشان "سمعه" و فوقها ولده ما هو مجرم ! حرام عليك يا جد والله انت قاعد تحطم قلبي و تهدم حياتي فوق ماهي مهدومه حرام عليك !! و فيه شعور اسمههه حبببب و انا قاعد امر فيه تكفى يا جددددد
غانم : حرمة عليك عيشتك بلا ،، انت السبب باللي صاير فيني و فيك حسبي الله عليك حسبي الله عليك انقلع و اذلف ولا اشوفك الله ياخذك من حياتي عساك تموت و افتك منك و اغسل سمعتي و ارجع مكانتي و عساني معد اشوفك يا القاتل يا كلب الله اعلم وش انت مسوي من ورانا بعد !!
حسين الي كان حليم جداً : يا جد كفايه الزمن قاسي علي ترى والله بتتحسف اذا صار فيني شيء بعدين !
غانم : جعلك تموت و افتك منك جعلني ما اشوفك في حياتي كلها جعلك بالموت اليوم قبل بكره ليتك مت بالسجن
سياف ما كان يقول شيء بالرغم من انه محروق على حسين بس الي جاه من قبل السنه كفاه و زياده
قام حسين و الخيبه في عيونه و بعد ما سمع دعاوي جده عليه الي بسببها كسرت مجاديفه .. و مو عارف كيف يقنع جده انه مظلوم وانسجن ظلم
سياف دخل داخل ما تحمل يقعد اكثر و طلع للغرفه

[•[ و في داخل البيت و على اذان العشاء ]•]
امجاد و فلوه كانوا معصبين
امجاد : الله يقلععععع الي اخذ العصير
فلوه : حتى الميتين ما خذينها ! وش نسوي بكره !
رغد : هوووب هوووببب ؟؟ وش فيكم وش ذا الصراخ ؟ روقونا
امجاد : انتي الي اخذتي العصير ؟؟
فلوه : و الميتين ؟ و الحلى
رغد : اي فلوس ! و اي عصير ؟ لا يكون البنجر الحمدالله انه انسرق الي سرقه والله انه كفو يبي له ويسام ذهبي
امجاد : وش نبي بالبنجر يا حماره ! ، مين شرب و اكل الحلى الي قطعت ظهري عشان اسويه
رغد : اكيد مسك
فلوه : روحي شوفيها يا امجاد
امجاد : مسك ممممسككك
مسك : خيررر خيرررر وش ذا الصراخ
امجاد : انتي الي اخذتي العصير و......
مسك : الي لونه ابيض و فيه صوره تفاح
امجاد : ايهههه
مسك : و الغطاء حقه لونه اصفر ؟
امجاد : اييييه
مسك : طعمه لذيذ و مايل على التفاح و ال.......
امجاد بمقاطعه بغضب من تمطيط مسك : ايييييه فيييننننن
مسك : والله مدري بس شفته فوق طاولة المطبخ اخر مره
امجاد وهي تكش عليها : يا المعتوه انقلعيييي مبزره