نبي بعض بس الاقدار ما تبينا

البارت الرابع عشر 🫶🏻

البارت الرابع عشر 🫶🏻
،
،
[•[ في المطبخ ]•]
كانوا يسمعون صراخ سياف و رغد بس ما قالوا شيء تعودوا عليهم و على مضارباتهم
فلوه : امجاد ترى ثابت بيجي نادي حسين يودي الاغراض للبيت الجيران قبل ثابت يجي و سياف جاب الحلا و العصير خليه ياخذ العريكه ذي
امجاد : ابشري
راحت امجاد لحسين و فاطمه
امجاد : حسين امي تقول روح حط الاغراض عند الباب الجيران قبل عمي ثابت يجي
حسين : طيب طيب وين الاغراض ؟
امجاد : في المطبخ
حسين : يلا
قام و اخذ الاغراض و فتح الباب الخارجي
امجاد : قولهم الحمدالله على السلامه و مبروك و امي لها زياره عندكم
حسين : زين زين
امجاد : مو تنسى !!!
حسين : لا لا معليك
طلع حسين و كأنه حرامي عشان محد يعرفه دق الباب حق الجيران و من ثاني مره فتحوا
طلعت امل "بنت الجيران"
امل : هلا مين ؟
حسين : انا ولد فلوه امي جايبه لكم اغراض عشان ولادة اختكم و تقول امي الف مبروك و الحمدالله على السلامه و ان شاء الله لها زياره لـ اختكم
امل : الله يعطيك و يعطيها العافيه و حقها لنا وصل كثر الله خيرها و جمّل الله حالها .
حسين : الله يعافيك مع السلامه
امل : الله يحفظك
سكرت امل الباب و اما حسين راح ركض بعد ما شاف سياره عمه هرب و هو متلثم و راح ورا البيت و طمر من الجدار و دخل الملحق وهو يتنفس بصعوبه ..
دخل ثابت و سطام و كان غانم مو فيه ولا احد من العيال دخل داخل
فلوه : يا هلا يا هلا
اميره : هلا والله جدا
تقدم سطام و باس راس فلوه هو و ثابت و اميره
جلسوا في الصاله وراحت فلوه تنادي البنات يجلسون عندهم
فلوه الي دخلت المطبخ : وخزيهاا فشلتوني بسرعه روحوا اقعدوا معهم !
فاطمه : لحظه يمه بنات وين رغد ؟
مها : والله صدق وينها !
امجاد : مدري والله اكيد في الغرفه
انفال : بطلع اشوفها
فلوه : قبل تشوفينها روحي سلمي عليهم
انفال : ابشري
راحت انفال و سلمت عليهم
انفال : كيفك يا عم ؟؟؟
ثابت : بخير الله يسلمك
انفال : كيفكم يا أميره و سطام
أميره و سطام : بخير
انفال : عن اذنكم دقيقه اروح اشوف رغد و اجي
ثابت : خذي راحتك
راحت انفال تدور رغد ولا لقتها في الغرفه وراحت عند حسين ولا لقتها راحت الحوش برضو ما لقتها
انفال : بسم الله وين اختفت ذي !! اوه شكلها عند سياف
طلعت فوق وطقت الباب على سياف
سياف : مين ؟؟؟؟؟؟
انفال : انا انفال
سياف : وش تبين !
انفال : وين رغد ؟
سياف : مدري
انفال : ياخي بسرعه وينها
سياف بنفخه : قلت لك مدريييييييي !!
انفال : طيب اعصاااابكككك اذا مو عندك ولا عند حسين ولا في الحوش ولا في الغرفه وين تكون !!
سياف : وش دراني
انفال : سياف فيك شيء ؟ من اليوم رغد تقول يا عيوني يا سياف يا روحي هو مدري وش فيه .. و متضايقه من ضيقتك فيك شيء انت ؟
تنهد سياف وحس بضيقه و انه مره كريه و فعله و الي سواه كريه و ليه يسوي في رغد كذا وهي الوحيده الي فكرت فيه
انفال : سياف وش فيك ما ترد ؟؟؟؟؟؟
سياف : بطلع ادورها
انفال : يلاااا وترى عمي ثابت تحت حاول تنزل بسرعه عشان جدي ما يجي و يغسل شراعك
سياف : زين زين