نبي بعض بس الاقدار ما تبينا

البارت الاثنان و العشرون 🫶🏻{ "و الاخير" } ✨✨

البارت الاثنان و العشرون 🫶🏻{ "و الاخير" } ✨✨
،
،
[•[ بعد مرور ٧ شهور على الحياه الحلوه و الاستقرار و الراحه ]•]
و في الصباح و على الساعه ٩:٠٠ يوم جمعه
{ في غرفه سياف & و رغد }
رغد الي كانت حامل وفي الشهر الرابع و كان بطنها شوي بارز كانت لابسه بجامه حرير لونها اسود و اطرافها ابيض مطرز .. و راشه عطر و فاله شعرها الكيرلي الطويل .. و حاطه روج خفيف و هي ملامحها اساساً بريئه و ما يحتاج لها اي ميكب رغد مو جميله لكنها مملوحه
رغد كانت قدام سياف فتحت النور و فتحت الشمس و سكرت المكيف و تشد شعر سياف : سياااافوووههه قووومممم قوووووووممممممم
سياف : هاه هاه ابي انااااممم
رغد : قوم ابغى تجيب لي اكل
سياف سحبها و قال : ارقدي ارقدي
رغد وهي تقوم من السرير بعد السحبه : سياااافففف قوووممم
سياف : وش تبغين يا علبة المويه ؟؟
رغد : ابي اكل تراني وحام ( و مسكت تحت بطنها بألم )
سياف : رغودي يا حياتي وش تبغين ؟
رغد جلست فوق الكرسي : ابي تراب توه نازل عليه مطر مو مبطي لا ابي يكون رطب
سياف قام وهو منصدم من الطلب : وش ؟ من وين اجيب لك مطر ؟
رغد الي ترمي المنشفه على وجهه : بسرعههه يا سياف تصرف سافر سو اي شيء ولا والله لـ اقول لـ امي انك خليت شيء في خاطري
سياف : لا لا خلاص اجيب لك تراب ليش لا .. جهزي جهزي ملابسي بروح اتروش
رغد وهي تقول بقرف : افففف وش ذي الريحه ؟
سياف وهو يصفق جبهته بقهر وكيف هو نسى : نسيت حطيت العوده الي توحمتي عليها
ركضت رغد للحمام و استفرغت و هي تقول : الله يقلعك
سياف لحقها : انتي بخير ؟؟؟؟
لفت رغد عليه : جيب لي تراب ..
سياف : ابشري شيء ثاني ؟
رغد : وجيب لي قهوه
سياف : قهوه و تراب ؟ وش ذا المكس
رغد : انت انا ؟
سياف : لا
رغد : انت الي بتاكل ؟
سياف : لا
رغد : انت المتوحم ؟
سياف : برضو لا !
رغد : بطني شكى لك الحال ؟
سياف : لا ،، وش فيك ؟
رغد : انت بطني لا سمحى الله
سياف : وش فيك ؟؟؟ ، لا
رغد : اجل مالك شغل يا الملقوف
سياف : ااايا علبة المويه ( مسكها من كتفها و من يدينها بقوه )
رغد : الله ياخذك انا حامل عورتني
سياف : اي صح هههههههه ( مسك يدها و دخلها الغرفه )
رغد : متى بتداوم
سياف : الليل
رغد : لا تكفى والله اخاف في الليل لحالي
سياف : معليك باخذ استأذان
رغد : خلاص بس تراني دجاجه لا تروح يا الديك عني تكفى لا تروح والله اخاف
سياف : انا ديك ؟ قلت بتقولين ذيب اسد شيء !!
رغد : ما يفرق كلها في النهايه حيوانات
سياف : بسكت عشانك حامل بس
رغد وهي عند الدولاب تجهز له ملابس ،، التفتت له وهي تطالع فيه : سياااااافففففف ؟؟؟؟؟
سياف : وش فيكككك ؟؟؟
رغد : ليش لابس سروال و فنيله ؟؟؟؟ لا عاد تلبسها
سياف : توك تركزين ؟
رغد : الحين تغيرها يع البس بجامه زينه
سياف : مشكلتك ما تعرفين الراحه الي فيها
رغد : لا تلبسها تكفى عشاني
سياف وهو يداري نفسيتها : خلاص ابشري

{ و في غرفه انفال &و فهاد }
انفال وهي تعطي فهاد البخور : تفضل حبيبي
فهاد : يا حبيبتي مشكوره
انفال : الحين بتروح للمحل ؟
فهاد : ايوه تبين شيء ؟
انفال : ابي سلامتك بس لا تنسى اليوم في الظهر لازم تجي ابوي مسوي لنا غدا
فهاد : ابشري شيء ثاني ؟
انفال : لا يا روحي الله يحفظك
فهاد : فمان الله خلي جوالك شغال عشان اتطمن عليك
انفال : ابشر
طلع فهاد و كان متجهه للمحل