نبي بعض بس الاقدار ما تبينا

البارت السادس عشر 🫶🏻

البارت السادس عشر 🫶🏻
،
،
عند حسين الي ما استسلم ابداً و قرر يوقف على رجوله ولا يخضع للحياه و الضروف اخذ له شقق. للعزابيه وكان معه ٣ شباب ( متعب - بتال - سعد ) و الرابع "حسين" استأجر معهم نفس الغرفه و المكان

[•[ في البيت ]•]
عند امجاد الي تروح و تجي في الغرفه
رغد : بس تراك مترتي الغرفه !
كان سياف ماسك راسه وقاعد على سرير رغد : طيب وش نسوي الحين !! حسين و معد هو براجع وش السوات ؟
انفال : الله يعين راس جدي يابس و اذن فيها طين و ثانيه عجين !
امجاد : انا عارفه انه ما بينا نصيب
رغد كان فوق راسها استفهام بعدين استوعبت و شهقت : انتي تحبين حسين !!!!!!!!!!
امجاد : ايههه من بقى ما عرف !
سطام : اسمعوا لازم اقل شيء نعرف وش نسوي لـ حسين
سياف بعصبيه : احنا لازم نجيب الكلب فيصل جعل عمليته ما تنجح و جعله يتحرول اكثر الكلب ! لازم نجيبه و نثبت براءه حسين لـ جديي !
رغد : يالله صدق صدق الله ياخذه الحيوان !!!!! عفس حياة حسين و حياتنا الله ياخذه ولا يسامحه ..
امجاد نزلت وراحت للحوش تبي تفكر و تقعد لحالها دخلت الملحق و هي تشوف القطوه تروح جهة الخزان الي خلف الملحق وعند الجدار الي كتب فيه حسين لحقتها وهي تقول : سويتي لا تعالي
مسكت القطوه ورفعت راسها تبي تمشي شافت الابيات الي حسين كتبها و القلم طايح جنبه جلست تتأمل كلماته و بدت تبكي و تقول : حسيييييين
اخذت القلم و بدت تكتب .. ردت امجاد و فيها حرقة و كأن نار تشب فيها
تقول امجاد بنت هزاع :

ان قالها الله و كان بيني و بينك النصيب
مافيه شخص بوقف بطريق الي فيه ماشيين

احنا لازم نرضى بالقدر و كلها من الله مكاتيب
صح اني متضايقه و خاطري من يوم ما فارقته شان

الله حاط لنا اقدار فوق عن كل رقيب و رقيب
وان قالها الله واجتمعنا بنخلي الكل في حبنا يسمعون

كان عذرهم ان حب الحلال صار كله عيب ؟
والله من بعد ما راح ، حالي من عقبه ولا يوم زان

رمت القلم بالارض وهي تبكي و تقول : ليه ليه

[•[ عند حسين و اخوياه الجدد ]•]
متعب : كم عمرك ؟ مبين انك في حدود بتال
حسين : ٢٦
متعب : بتال اكبر منك بسنه
حسين : انت كم ؟
متعب : ٢٨
حسين : ما شاء الله جعل عمرك طويل
دخل سعد : يوه يوه المره الجايه واحد منكم يجيب النواقص معد لي شده اووووه مين معنا ؟
بتال : حسين
سعد : ارحب ارحب يا حسين
و سلم عليه بحراره
حسين : البقى
سعد : والله علينا عشاك
حسين : خيرك سابق وانا اخوك
بتال : انت من بيشه ؟
حسين : الله الله
متعب : واضح من هيئته بيشي و شقردي
حسين : الله يسعدك .. الا بسألكم انتوا تعرفون بعض من قبل ؟
بتال ضحك : لا وين ما نعرف بعض ولا شيء متعب اول واحد جاء هنا بعدين انا بعدين سعد بعدين انت
حسين : اها طيب انت يا سعد كم عمرك ؟
سعد : ٣٢
حسين : العمر كله
سعد : وش يردون 😭
حسين : مدري هههههههههههههههه
بتال : وجااااننننناااا الرااابع نربع بلوووتتت ؟؟
حسين : تمممم
حسين صار مقابل بتال و سعد صار مقابله متعب
و في نص اللعب الي شقوا وجيههم شق
حسين جلس يسوي حركة باليد لـ بتال زي "كفك"
بتال : كفوووووو اشهددد بالله انككك كفو شقيتهممم
حسين : افااااا عليك
و نزل الورقه الاخيره و اعلنوا فوزهم
بتال : كفوووو والله انك فتيت
سعد : والله فنان
متعب : مو بهين ولد بيشه !!
حسين : افا عليكم ههههههههههههههههههههههههههه
سرى الوقت و حسين اندمج معهم بسرعه و حبهم بس باقي ما اعطاهم الثقه ..
اول ما اذن بدوا يوقفون اللعب و يرددون ورى الاذان
بتال : يلا يا شباب نروح المسجد نقرا كم صفحه لين تُقام
متعب : اي والله خلونا نلحق على الصف الاول
حسين : مشينا
سعد : يلا يلا بس بتطيّب و اجي ،،
تعطر سعد بسرعه وجاهم : يلا
حسين بدء يرتاح معهم و كيف هم اول ما سمعوا الاذان قاموا ،، الي صلته بربه قويه و يخافه و يهابه طبيعي بتحبه و تحس بالامان معه ..
وهم في الطريق يمشون مشي
متعب : طيب دامك من بيشه ليش تاخذ شقق عزابيه ؟ يعني اهلك مو هنا ؟
حسين وهو يخفي حزنه بإبتسامه : قلت استقر و كذا
بتال : ولو اني ما ارتحت للسالفه ذي بس مصيرنا نعرف وش سالفتك يا ولد بيشه
حسين ضحك