نبي بعض بس الاقدار ما تبينا

البارت الثامن🫶🏻

البارت الثامن🫶🏻
،
،
في المقلط كان الكل موجود معدا الرجال بس سياف
رغد : يعني راحوا امي و ابوي و الحين اصير يتيمه مره ثانيه من ابوي الثاني ؟ و سندي ؟
فلوه : لا حولا ولا قوه الا بالله بإذن الله حقه ما يضيع
امجاد : اسمعوا لازم نتكاتف و نسدد دينه طيب ؟
رغد : انا عندي عقد ذهب خذيه والله هي القطعه الوحيده عندي
فلوه : وانا عندي حزام و ثلاث اطقم كبيره يعني بتجيب فوق ١٠ آلف﷼
انفال : وانا عندي عقدين ذهب
فاطمه : وانا ببيع الغساله الثانيه الي في الحوش
مها : وانا ببيع اي شيء عندي
جت اميره وهي تحط جوالها الثاني و تحط سوني سطام و فوقها عقد و حلق كلها ذهب : ان شاء الله تجيب لكم ولو شيء بسيط
امجاد : جزاكم الله خير وانا بروح اسوي لي بسطه في الحديقه العامه و دايم ببيع فيها
سياف : جدي بيرفض من طلعتك من البيت اسمعي سوي اكلك وانا اوصل و بشتغل اي شغله تطلع فلوس
امجاد : خلاص تم
دق باب البيت و سياف قال دقيقه راح و فتح الباب و لقى فهاد ،
سياف : يا هلا يا فهاد اقلط
فهاد : لا والله مستعجل بس بعطيك شيء و خذه ولا تردني !
سياف : وش هو ؟
مد له فهاد الظرف و قال : هذي ٤٠ الف﷼ تسديد لـ حسين عاد هو اخو دنيا والله انها قليله في حق حسين
سياف وهو يحب راسه بفرح : الله يسعدك و يجعلها في ميزان حسناتك الله يجعلك بالجنه و ان شاء الله تنرد لك يا رب
فهاد : امين يا حبيب اخوك يلا استأذن
سياف : درب السلامه
دخل سياف وهو فرحان ويقول : بقى لنا شوي من المبلغ و ان شاء الله يكتمل
وقال لهم عن فهاد
فلوه : عساها في ميزان حسناته الله يفرج همه يا رب

[•[ و بعد شهرين من العنى تم تسديد الدين بعد ما مشى شغل امجاد و شغل سياف ]•]

[•[ في السجن بعد زياره سياف لحسين ]•]
حسين الي مكتف رجوله و يدعي ان الله يفرجها عليه شهرين و قضيته معلقه و يدعي ربي بالعوض الشهرين هذي في الجنه و يكرر و يقول "اللهم لا اعتراض" ..

[•[ و في بيت غانم ]•]
و في نص السوالف و تقريباً تعودوا على الوضع الي يكون كذا
رغد : ياخي ودي نطلع استراحه اي شيء نغير من نفسياتنا !
امجاد : احنا في وضع ما ينسمح لنا نفلها و نعيش طبيعي !
فاطمه : بس ما يمنع بعد اننا نغير من نفسياتنا ولو شوي !
سياف : روحوا انتوا انا بقعد و اذا طلع حسين ذيك الساعه نفل ام امهااااا
امجاد : انا مع سياف ويلا وراي زباين وانت يا رغيّد نقعي الرز
رغد : ايه ليش انا !!!
امجاد : تحركي !!
رغد بحلطمه : و ما فيه في ذا البيت غير "رغيّد جيبي رغيّد حطي رغيّد اطبخي رغيّد و رغيّد و رغيّد " وشو وش شايفيني رجل آلي ؟
سياف : ايههههه ويلا على المطبخ
رغد : انقلع يا الفقمه
سياف : انا فقمه يا قليلة الحيا ؟؟؟
رغد : انت من كبر وجهك تقول كتاب وش ذا الكبر يا اخوي الناس اذا زاد عمرهم سنه يكبرون و تكبر عقولهم و انت تكبر و وجهك يكبر
مشت من قدامه و راحت المطبخ وهي تضحك ضحك و مو قادره توقف
مسك : والله تبي الصدق نتفت جبهتك كالعاده ههههه
سياف : اوريك اوريك هههههههه اوريك يا القصيره والله لـ اكفخك
رغد : لا لا تضربني حسين مو عندي و ما فيه احد يدافع عني بعده
سياف الي وده يضمها عشان يضمد جروحها الي تخفيها بالكتمان بس ما تحل له و قال : اخسييييي اكفخك اخسييييي والله اخسي
رغد : ادري هههههههههههههههههههههههههههههه
سياف : والله مو كفو حشيمه
رغد : هههههههههههههههههههههههههههههه